Wëëlö Mana Göör Pøølli Baŋ Jø Röm 5:1 - Wëël Jwøk

¹ 'Ba kawaane na tïme ni øøno jïëö ni marø beer ki køør ŋäädhe, yïthakiyø ki Jwøk ajïtö ki bëët-mëër ki køør Kwääyø ma Jecu Krictø.

Wëëlö Mana Göör Pøølli Baŋ Jø Röm 5:1 Iomraidhean Croise

Jööp 21:21

?Aŋø, eni, kanyo nø thum dwäde mo ruut kwøw moe, da gïn mo caare këët kiper jø paare moa wii køøre?

Aydheea 27:5

'Ba mana beerra eni, beeye ki man ö eni ni bëëde ri göök mara. Beerra man ö eni ni tïïc bëët-mëër ki aani, ni wëëk bëët-mëër manøgø bëëtö yïthakicwa ki eni.»

Aydheea 32:17

'Ba tïïc mar bëët adïëri tïmö na bëët-mëër, ni gïno duu bëët adïëri beeye bëëtö mëëth ki ŋääth røk mo bëëdö ni nut na bäre bäre.

Aydheea 54:13

Wäätï bëët geno kwänynyi baŋ Wuuö Jwøk; ni jït obwöre moï ki bëët-mëër mo dwøŋ.

Aydheea 55:12

Kiper uuno døny wøk ki met ec, ni bwøth uuni ki bëët-mëër; kïte ki thuuri geno kwöŋŋi ki met ec nyïmmu, ni ö jenni bëët ni paŋge ceŋge.

Abakuk 2:4

«Ka adïëri møn, ŋat atöör bäŋ bëëtö mo tiir yi cwïnye, 'ba ŋata mare beer kwøw ki køør ŋäädhe mare.

Dhekaraya 6:13

Bee eni noo geer øtø mar Wuuö Jwøk, ni jïte ka ajiem, ni pï bäät wälu mare ni käär paac, ni put tïmö na Kwääy Lam Mana Dwøŋ bäät wälu mare. 'Ba tïïe moø na ariiø yøø odwale ki bëët-mëër.›

Luk 19:38

Ni köge, ni «Gwïëth en ri nyenynyi ni ööi en ki nyeŋ Wuuö Jwøk! Bëët-mëër en maal, ni ö ajiemmi ni en maalø bäre!»

Luk 19:42

ni kööe, ni «Beer kee jap wø käl bëët-mëër ŋäyu dïcäŋi en nø. 'Ba kawaane, geno mänö ki nyeŋŋu.

Luk 2:14

na «Ajiem en jï Jwøk maalø, ni ö bëët-mëër ni en piny bäät jiy na met yie ki ge.»

Jøøn 14:27

Bëët-mëër wø wëëga uuni, ni bëët-mëër mara wø cïba cïbö jïïu. Ni man wø cïba jïïu en, ba caal mana doo cïp pinynyi jïïu. Kär cwïnynyu wëëgu ränynyö, ni ba lwäyu.

Jøøn 16:33

Man en a caana jïïu, nee bëët-mëër nee jootu baŋa. Uuni, gïï mo leth ojwørru yi pinyi en. 'Ba magu cwïnynyu, kiper piny yaa nø böötö.»

Jøøn 20:31

'Ba moi göör kaper nou jïëyu ni Jecu beeye na Krictø ni näk O Jwøk, kiper nee u jïëyu ki eni ni ŋääthu gø, nou jïtu ki kwøw ki nyeŋŋe.

Jøøn 5:24

Adïëri møn, a caana gø jïïu, ni ŋat wø wïny luumma ni jïëe ki eni na jääŋ aani, ree da kwøw mana näk adïëri mo bäŋ cuŋŋe. Ni eni ba doo cøøa kar ŋøl luup. 'Ba eno nø ö wøk ri thøø ni ci yi kwøw.

Moa Tïïc Nyïïatwieli 10:36

'Ba luumma jääŋ Jwøki baŋ jø Icriel ŋäyu, ni køpa luumma nyään na met mar bëët-mëër ki køør Jecu Krictø, ŋata näk Kwääc jiy bëët,

Wëëlö Mana Göör Pøølli Baŋ Jø Röm 1:17

Kiper bëënynyö man wø cïp Jwøki onyoodhø ree, ni wø joot ki køør ŋäädhe keere na bäre bäre, kaawat mana gööri, ni «Eni noo bëënynyi ki køør ŋäädhe okwøw.»

Wëëlö Mana Göör Pøølli Baŋ Jø Röm 1:7

Uuni bëët na mëër Jwøki ki u yi Röm, a göönna baŋu, u na no ocwølø nou tïmu na jø Jwøk. Met ec bëëde bäätu ki bëët-mëër man wø ööi ki baŋ Jwøk na näk Wääø, ki Kwäärö ma Jecu Krictø.

Wëëlö Mana Göör Pøølli Baŋ Jø Röm 10:10

Kiper dhaanhø wø jïëy ka cwïnye ni läwi jïëc ni mare beer. Ni caan mare ki dhee, ni läwi piem.

Wëëlö Mana Göör Pøølli Baŋ Jø Röm 10:15

?A jiy a dege pöö nidïï ni näk mo ge kär jääŋŋö? Kaawat mana gööri, na «A teeŋ öönynya ŋø ni beer en jï jø wø køp luumma nyään na met!»

Wëëlö Mana Göör Pøølli Baŋ Jø Röm 14:17

Kiper buc Jwøk paa per cam ki maath, 'ba beeye bëëtö mo beer, ki bëët-mëër, ki met ec ki ri Jwïëc Jwøk na en kur keere.

Wëëlö Mana Göör Pøølli Baŋ Jø Röm 15:13

'Ba Jwøk ni wø cïp ŋäädhe, cwïnynyu opääŋe ki met ec mo päl ki mëër ki køør mana jïëyu, kiper nee ŋäädhe maru pälle ki køør teek Jwïëc Jwøk na en kur keere.

Wëëlö Mana Göör Pøølli Baŋ Jø Röm 15:33

Jwøk ni wø cïp bëët-mëër bëëde ki uuni bëët. Enøgønø.

Wëëlö Mana Göör Pøølli Baŋ Jø Röm 3:22

ni beeye bëënynyö man wø cïp Jwøki man wø joot ki ri ŋäädhe ni en ri Jecu Krictø, ni beeye kiper jiy bëët mo wø jïëy ni ŋääthge. Kiper jiy röömi bëët.

Wëëlö Mana Göör Pøølli Baŋ Jø Röm 3:30

Kiper Jwøk aciel. Ni eni jøøa näk odaŋø ojïëe ni marge beer ki køør ŋäädhe marge, ni jïëc jøøa näk patha odaŋø ni marge beer kiper ŋäädhe marge.

Wëëlö Mana Göör Pøølli Baŋ Jø Röm 4:5

'Ba mar ŋat wø ba tïïö, 'ba ŋäätha Jwøk ni wø jïëc jø raay ni marge beer, ŋatøgø ojïëc no obëënynyö ki køør ŋäädhe mare.

Wëëlö Mana Göör Pøølli Baŋ Jø Röm 5:11

'Ba patha manøgø keere, 'ba ø kanynyø thuwø ki nyeŋ Jwøk ki køør Kwääyø ma Jecu Krictø, ŋata joodø døøn kanya ciel ki køøre.

Wëëlö Mana Göör Pøølli Baŋ Jø Röm 5:18

Kiper beeye gïna beer na tïïc dhaanhe acielli na käl ŋunnö ki kwøw kiper jiy bëët, kaawat mana ö luumma näk aciel na dhal dhaanhe acielli na käl ajäla bäät jiy bëët.

Wëëlö Mana Göör Pøølli Baŋ Jø Röm 6:23

Kiper gïï wø mak cer raay beeye thøø, 'ba muuy mana cïp Jwøki beeye kwøw mana näk adïëri mo bäŋ cuŋŋe ki ri Krictø Jecu na näk Kwääyø.

Wëëlö Mana Göör Pøølli Baŋ Jø Röm 9:30

?Agïnaŋø noo caanø nø? Juurre na kär løp køør bëënynyö, bëënynyö ajootge. Ni beeye bëënynyö man wø joot ki køør ŋäädhe.

Galeecia 2:16

ŋäcwa ni dhaanhø ba jïëc Jwøki ni mare beer ki køør tïïe moa en ri ciik Jwøk, 'ba beeye ki køør ŋäädhe ni en ri Jecu Krictø. Këël waani, waana jïëy ni ŋääthwa Krictø Jecu, kiper nee wa jïëc ni marwa beer ki køør ŋäädhe ni en ri Krictø, ni paa ki køør tïïe moa en ri ciik Jwøk. Kiper bäŋ dhaanhø mo jïëc ni mare beer ki køør tïïe moa en ri ciik Jwøk.

Galeecia 3:25

'Ba kawaane na nø ö ŋäädhe, ø ba en tier dïkuri këët.

Galeecia 5:22

'Ba nyïëdi mo wø ööi ki ri Jwïëc Jwøk, beege mëër, ki met ec, ki bëët-mëër, ki bäŋ jøømø, ki bäth ec, ki køny, ki ŋääth dhaanhø,

Epeca 2:7

kiper nee met yie na päl na bäŋ teeŋe nee nyoodhe jïïø ki bäth ec ki ri Krictø Jecu yi piny mano ööi.

Pilipay 3:9

kiper naa joot naa ena dëëre, naa ba en dëëre kaper bëënynyö mana näk mara keera ni wø en ri ciik Jwøk, 'ba beeye bëënynyö man wø joot ki køør ŋäädhe ki ri Krictø, ni beeye bëënynyö man wø ööi ki baŋ Jwøk na näk ogöök ri ŋäädhe,

Köløcia 1:20

Ni duu jammi bëët baŋe ki køøre, moa en maal ki moa en piny, ni dwøga bëët-mëër kare, ki køør remme na cwïër piny bäät jaadha no odëëdö.

Köløcia 3:15

Ni wëëgu leec cwïny mar Krictø bwøth uuni ki yïth cwïnynyu, ni beeye gïna cwøl uuni kipere møn, na tïmu na dëël aciel. Ni dwøgu met ec jï Jwøk.

1 Thecalönika 5:23

'Ba Jwøk ki dëëre, ni wø cïp bëët-mëër, uuno tïïe nou ena kur keeru ki karu bäre, ni ö jwïëyu, ki kwøw maru, ki dëëtu, ni bëëtge na karge ni bäŋ ajäla røkge, kanyo ö Kwääyø ma Jecu Krictø.

2 Thecalönika 3:16

'Ba kawaane Kwäärö ki dëëre ni wø cïp bëët-mëër, uuno wëëk bëët-mëër cooth ki yïth jammi bëët. 'Ba Kwäärö bëëde ki uuni bëët.

Ibaru 13:20

'Ba kawaane Jwøa näk Jwø bëët-mëër, ŋata duu Kwääyø ma Jecu wøk ki yi thøø, na näk dïkwääy dïëk mana dwøŋ, ki ri rem luumma tuut na näk bäŋ cuŋŋe,