Wëëlö Mana Göör Pøølli Baŋ Jø Röm 4:5 - Wëël Jwøk

⁵ 'Ba mar ŋat wø ba tïïö, 'ba ŋäätha Jwøk ni wø jïëc jø raay ni marge beer, ŋatøgø ojïëc no obëënynyö ki køør ŋäädhe mare.

Wëëlö Mana Göör Pøølli Baŋ Jø Röm 4:5 Iomraidhean Croise

Abakuk 2:4

«Ka adïëri møn, ŋat atöör bäŋ bëëtö mo tiir yi cwïnye, 'ba ŋata mare beer kwøw ki køør ŋäädhe mare.

Maak 9:23

'Ba Jecu aköö jïgø, na «?Aŋø, köö ïïni, ni ‹Ni näk da gïn mo løny ki man tïïyï gø›? Jammi bëët wø lønynya jï ŋat wø jïëy ni ŋäädhe.»

Jøøn 5:24

Adïëri møn, a caana gø jïïu, ni ŋat wø wïny luumma ni jïëe ki eni na jääŋ aani, ree da kwøw mana näk adïëri mo bäŋ cuŋŋe. Ni eni ba doo cøøa kar ŋøl luup. 'Ba eno nø ö wøk ri thøø ni ci yi kwøw.

Jøøn 6:29

Ni løgi ya Jecu jïge, «Ki man jïëyu ki eni na jääŋ Jwøki ni ŋääthu gøøni beeye eni na tïï Jwøk.»

Wëëlö Mana Göör Pøølli Baŋ Jø Röm 10:3

'Ba na kucge bëënynyö man wø ööi ki baŋ Jwøk ni tïmge ni ge caya man jootge bëënynyö marge keerge, dëëtge kärge cïbö køør bëënynyö man wø cïp Jwøki.

Wëëlö Mana Göör Pøølli Baŋ Jø Röm 3:22

ni beeye bëënynyö man wø cïp Jwøki man wø joot ki ri ŋäädhe ni en ri Jecu Krictø, ni beeye kiper jiy bëët mo wø jïëy ni ŋääthge. Kiper jiy röömi bëët.

Wëëlö Mana Göör Pøølli Baŋ Jø Röm 4:24

'ba göör kaperø thuwø. 'Ba øøno jïëc thuwø ni marø beer, ø na näk ojïëy ni ŋääth ŋata tïŋ Kwääyø ma Jecu maal ki yi thøø,

Wëëlö Mana Göör Pøølli Baŋ Jø Röm 4:3

?Kiper agïnaŋø na caan wëël Jwøki? Wëël Jwøk aköö, ni «Eeberam ajïëy ki Jwøk ni ŋääth gø, ni ö eni ni jïëyi ya Jwøki no obëënynyö ki køør ŋäädhe mare.»

Wëëlö Mana Göör Pøølli Baŋ Jø Röm 4:6

Kaawat manøgø thuwø, Deebit wø køpa gwïëth mar ŋat wø jïëc Jwøki no obëënynyö ni tïïe tøør ree, na kööe,

Pilipay 3:9

kiper naa joot naa ena dëëre, naa ba en dëëre kaper bëënynyö mana näk mara keera ni wø en ri ciik Jwøk, 'ba beeye bëënynyö man wø joot ki køør ŋäädhe ki ri Krictø, ni beeye bëënynyö man wø ööi ki baŋ Jwøk na näk ogöök ri ŋäädhe,

Jøcua 24:2

'Ba Jøcua aköö jï jø Icriel bëët, ni «Gïna caan Wuuö Jwøki, Jwø Icriel, beeye en, ena köö, ni ‹Ki kany mo bäär kwäyu abëëdö løø Naam Upareeti løøga ni ge wøøra juu møøk, ni dhaanhø aciel røk kwäyu moøgø beeye Teera wää Eeberam ki Neeyör.