Wëëlö Mana Göör Pøølli Baŋ Jø Röm 4:20 - Wëël Jwøk

²⁰ Ni bäŋ ataa cwïnye mo kier wïïe kiper luumma buuk Jwøki, 'ba ena put tëënnö ki ri ŋäädhe mare kanya bëëde ni jeemma Jwøk,

Wëëlö Mana Göör Pøølli Baŋ Jø Röm 4:20 Iomraidhean Croise

Wïlöölö 15:6

Ni ö Abrammi ni ŋääth Wuuö Jwøk, ni ö Wuuö Jwøki ni jïëc Abram ni ena dhaanhø mo mare beer ki køør ŋäädhe mare.

2 Nyeye 7:19

Kar kaaca ŋata cäädhö ki nyeya aköö jï nyikuŋ Jwøk ma Ilaaca, ni «Gïnögø ba tägi na bäre. ?Aŋø, Wuuö Jwøk, da dha awëërnyeŋ mo jabe jabø maal mo cam öö ki yi gø?» Ni løgi ya Ilaaca, ni «Ka adïëri møn, jooti joodø ki waŋï, 'ba bäŋ gïn mo camï camø ri gø.»

2 Nyeye 7:2

'Ba aløk ŋat wø cäädhi ki nyeya jï nyikuŋ Jwøk ma Ilaaca ni kööe, ni «?Gïnögø ba tägi na bäre. ?Aŋø, Wuuö Jwøk, da dha awëërnyeŋ mo jabe jabø maal mo cam öö ki yi gø?» Ni løgi ya Ilaaca ni kööe, ni «Ka adïëri møn, jootï joodø ki waŋï, 'ba bäŋ gïn mo camï camø ri gø.»

Aydheea 35:4

Caannu jï jøø ni cwïnyge olwäyö yøø, ni kööu, ni «Magu cwïnynyu ni ba lwäyu. Ka adïëri møn, Jwøk maru ööa baŋ ajäla, eni öö kuna cool kwöri mou, ni piem uuni.»

Aydheea 7:9

Pääny mana dwøŋ mar Ipariem beeye Cameria, ni bwödhi mar Cameria beeye o Remaliya. Ni näk mo gïnögø ba ŋääthu, ka adïëri møn, u ba ruu.» › »

Daniel 10:19

Ni kööe, ni «Wui dhaanhø, ï na näk owøørø døc, kärï lwäyö. Bëëdï ni dëërï jööt. Bëëdï niï teek, ni cwïnyï da cer.» 'Ba kanya nø cään aani ennø, aana put jïtö ki teek, ni kööa, ni «Kwääya, beerra man caanï gïna diï caanø, kiper ïïni, dëëra amooyï ki teek.»

Daniel 11:32

'Ba eni jiy moa kwier lam mar jø Jwøk di cøøgø ki luup mo pøøth ki man käl geni løøe. 'Ba jiy moa ŋäc Jwøge ge bëëdö karge ni ge teek, ni dhäthge jïre.

Agëë 2:4

'Ba ennø, ï na Dherubabel, ki ï na Jøcua wär Jöcëdëk, ni bee ï Kwääy Lam Mana Dwøŋ, ki u na jø paac bëët, magu dëëtu ni tïïyu tïïc; 'ba a ena buutu.› Manøgø caana Wuuö Jwøki, eni na wïth jammi bëët.

Dhekaraya 8:13

Wui, u na jø Juuda ki jø Icriel, kaa mana bëëdu ni uuno cienø dï wïth juurre, u piema piemø ni tïmu ni uuna jiy mo ogwïëdhö. Käru lwäyö; beerra man magu dëëtu ki tïïc.»

Dhekaraya 8:9

Wuuö Jwøk, eni na wïth jammi bëët, aköö, ni «U ni wø wïny luup moi ennø dhøk nyïïkuk 'moa ki mana täge ki kanya cak tier Øt Jwøk ki geer, ni beeye øtø mara, a na Wuuö Jwøk na en wïth jammi bëët, magu dëëtu ki tïïc nee Øt Jwøk geer.

Mathiew 9:8

'Ba kanya ö lwaaki na neenge gïnögø, gena lwäyö, ni jiemge Jwøk, na cïp teeŋ teek ma enønø jï jiy.

Luk 1:18

'Ba Dhekaraya aköö jï nyïïatwiel maal manøgø, ni «?Gïnögø oŋääa gø nidïï? Kiper aana jaal, ni cïïa onø jalø thuwø.»

Luk 1:45

Ni meta yi nyaana jïëy, ni mana caan Wuuö jïre doo thura kare.»

1 Körin 16:13

Kuru, ni cuŋŋu nou teek ri ŋäädhe maru. Magu cwïnynyu nou teek.

2 Körin 12:10

Kiper manøgønø, aano jïëy ki jäk ki nyeŋ Krictø, ni aano jïëy ki man wac nyeŋŋa, ni jïëa ki jwør gïï mo leth, ki caannø, ki rïm can. Kiper kany wø jääa, beeye teek mara eni.

Epeca 6:10

'Ba mana dööŋ keere nø, tëënnu ki ri Wuuö ki køør teege, eni ni wø teek.

2 Timöthi 2:1

Ï na wääda nø, bëëdï niï teek ki ri met ec mana en ri Krictø Jecu.

1 Camiel 30:6

Kar kaagø thuwø, Deebit dëëre ajïtö ki luubö mo teek ki køør luup moa car jiyi ni eni doo këërö ki kïte, kiper jiy bëët yïthge atïmö ni reyø døc, kiper mana mak obwöre moge. 'Ba Deebit ajïtö ki teek baŋ Wuuö Jwøk, Jwøk mare.