Wëëlö Mana Göör Pøølli Baŋ Jø Röm 4:17 - Wëël Jwøk

¹⁷ kaawat mana gööri, ni «Ïïna tïïa na kwar juurre mo thööth.» Ni ena kwarø bëët nyïm Jwøk, ŋata ŋäädhe ni wø cïp kwøw jï jøøa näk othøw, ŋat wø wëëk jammi mo bäŋgø, tägö ni tïmge na jammi.

Wëëlö Mana Göör Pøølli Baŋ Jø Röm 4:17 Iomraidhean Croise

Wïlöölö 17:16

'Ba eno gwïëdha, këël mano mooa ïïni ki nyilaal ma dïcwøø mo käla dëëre kiree. Eni gwïëdha gwïëdhö, ni tïme na mii wïth juurre; ni tïm nyeye mo wïth juurre ni käla ree.»

Wïlöölö 17:20

'Ba luubö mana caanï kiper Icmiel awïnynya; ennø, eno gwïëdha, ni tïïa gø nee känne ki nyïëdi mo thööth, ni wëëga eni nyaay døc. Eno tïmö na wää kwääri apaar kurriiø, ni tïïa eni na wï jur mo dwøŋ døc.

Wïlöölö 28:3

'Ba Jwøk na en teeki jïre ïïno gwïëdhe, ni tïïc ïïni niï kännï ki nyïëdi ni nyaayï, ni tïmï ni ïïna lwaa wï jur.

Aydheea 43:6

Caana caanø jï wï-piny, ni kööa, ni ‹Cïp geni!› Ni caana gø jï tier-piny, ni kööa, ni ‹Ge kär mänï. Duu wääta ki kwöra enge yie na bäär, ni duuï nyïïa ki yïth teegi mo piny,

Aydheea 44:7

?Aŋa ni caal aani? Beerra man ö ŋateca ni køp mare ni caan gø; beerra man peeth gø nyïma na kare, ni caan gïïa tägö bëët ki mana täge ki kanya këëlla tier wï jur piny ki kany mo bäär cøøn. Ni put gïno tägi yi nyïm caan jïge thuwø.

Aydheea 48:13

Ka adïëri møn, piny acwääa ki cera, ni peera maal ki cer cwïïa, ni kany wø cwøla geni, ge puta cuŋŋö na aciel.

Aydheea 49:12

Ka adïëri møn, jiya öö ki kany mo bäär, ni møøk käla jï løø wï-piny ni møga käla jï løø kur pänh-cäŋ, ni ö møøki ni kälge paana cwøl ni Cinim.»

Aydheea 51:2

Raŋŋu kwaru ma Eeberam, ki waŋu ma Ceera na lwaar ki uuni ki rääm mo leth. Kanya cwøla Eeberam bee eni keere; 'ba ena gwïëdha ni tïïa nyïïkwaaye ni thööth.

Aydheea 55:12

Kiper uuno døny wøk ki met ec, ni bwøth uuni ki bëët-mëër; kïte ki thuuri geno kwöŋŋi ki met ec nyïmmu, ni ö jenni bëët ni paŋge ceŋge.

Mathiew 3:9

ni kär nou köö ki cwïnynyu, ni ‹Eeberam beeye na kwarwa.› Kiper a caana gø jïïu, ni Jwøk jïre da teek ki man jïte ki jiy jï Eeberam røk kïte moi ii.

Jøøn 5:21

Kiper kaawat man wø ö Wuue wø tïŋ jøøa no othøw maal ni mooc ge ki kwøw, këël Wäädö thuwø cïpö ki kwøw jï jø wø manynye.

Jøøn 5:25

«Adïëri møn, a cäänna uuni, da kany mo öö, ni beeye ennø, kanyo ö jøøa no othøwi noo wïnyge dwør O Jwøk. 'Ba jøw owïny gø, okwøw.

Jøøn 6:63

Beeye Jwïëc Jwøk ni wø cïpi ki kwøw; 'ba teek mar dhaanhø bäŋ gïn tïïe. 'Ba luupa caana jïïu kännö ki kwøw ki ri Jwïëc Jwøk.

Moa Tïïc Nyïïatwieli 15:18

Luupögø caana Wuuö Jwøki, ŋata døøc jammi bëët mo ŋäc cøøn.›

Wëëlö Mana Göör Pøølli Baŋ Jø Röm 3:29

?Wala Jwøk a Jwø jø Juuth keerge, ni patha Jwø juurre thuwø? Adïëri møn, ena Jwø juurre thuwø.

Wëëlö Mana Göör Pøølli Baŋ Jø Röm 4:18

'Ba eni gïn mo ba doo maara ŋääth aŋäädhe, ni eni doo tïmö na kwar juurre mo thööth, keda mana kwøŋi caan jïre, ni «Nyïïkwaayï otïmö ni thööth na yøøgønø.»

Wëëlö Mana Göör Pøølli Baŋ Jø Röm 4:2

Kiper onää Eeberam ojïëö ni mare beer ki køør tïïe, eni doo jïtö ki gïn mo tööde kiper gø, 'ba paa ki nyïm Jwøk.

Wëëlö Mana Göör Pøølli Baŋ Jø Röm 8:11

'Ba ni näk Jwïëc ŋata tïŋ Jecu maal ki yi thøø bëëdö cwïnynyu, ŋata tïŋ Krictø Jecu maal ki yi thøø, dëëtu ni bëën thøø enø ocäŋ wëëk kwøw thuwø ki køør Jwïëye ni bëëdö cwïnynyu enø.

Wëëlö Mana Göör Pøølli Baŋ Jø Röm 9:11

këël kanya pootge ni kär nywølø, ni bäŋ gïn mo beer wala mo raac mo ege tïïö,

Wëëlö Mana Göör Pøølli Baŋ Jø Röm 9:26

«'Ba yi kanya kwøŋ ge cäännö yie kiree, no ‹U patha jiya,› bee geni noo cwøl ni ‹nyïï Jwøa kwøw.› »

1 Körin 1:28

Ni Jwøk jiera gïïa can dï jap piny, na näk ojar pinynyi, këël jammi moa näk otagø, kiper nee japi ni en pinyi en nee raanynye.

1 Körin 15:45

Beeye na gööri na en nø, ni «Dhaanhø mana dïkwøŋ na näk Adam atïmö ni ree da jwïëy mo kwøw,» 'ba Adam mana en cään atïmö na jwïëy man wø cïp kwøw.

1 Timöthi 6:13

A köömma ïïni nyïm Jwøk, eni ni wø cïp kwøw jï jammi bëët, ki nyïm Krictø Jecu, ŋata käl luubö mare wøk ni beer kanya køp mare nyïm Pøntia Paylat,

Ibaru 11:12

Kiper manøgønø, ki ri dhaanhø aciel, ŋata näk dëëre onø rømø ki thøø, nyïïkwaaye anyaay ni tïmge ni thööth kaamar ceec maal ki nyeŋ akwöny naama dwøŋ wø ba løny ki kwaan.

Ibaru 11:3

Ni beeye ŋäädhe ni ŋääø gø ki man näk mo piny cwääc ka dwør Jwøk, ni tïme ni gïï wø nëëni ii, cwääca ri gïï mo ba nëëni.

Ibaru 11:7

Ni beeye ŋäädhe, na ö Noa na leŋ luubö mana caan Jwøki jïre ni tïïc jääy, ni piem jø paare, kanya ö Jwøki na køp gïïa näk poot kär nëënö jïre. Ni beeye gïnögø na jääl piny ki gø, ni tïm Nöa na lwiidhø mar jïëc man wø ööi ki ri ŋäädhe.

1 Piter 2:10

'Ba dïkwøŋ u patha jiy mo nyeŋŋu ŋäc, 'ba kawaane uuna tïmö ni uuna jic Jwøk. Ni dïkwøŋ bäŋ køny mo you joodø, 'ba kawaane uuna jïtö ki køny.

2 Piter 3:8

'Ba u no omëëya, kär wïthu wïl ki gïn na aciel en, ki jï Wuuö dïcäŋ aciel keda cwiiri ma kuma, ni cwiiri ma kuma keda dïcäŋ aciel.