Wëëlö Mana Göör Pøølli Baŋ Jø Röm 4:16 - Wëël Jwøk

¹⁶ Beeye tiere na tïm gïnni en no ogöök ri ŋäädhe, kiper nee buuk tïme ni bëënna met yi Jwøk, nee cööp kare na adïëri jï nyïïkwaac Eeberam bëët, ni paa jï jø wø bëën ciik Jwøk keerge, 'ba këël jø wø nywaak ŋäädhe mar Eeberam, kiper ena kwarø bëët,

Wëëlö Mana Göör Pøølli Baŋ Jø Röm 4:16 Iomraidhean Croise

Aydheea 51:2

Raŋŋu kwaru ma Eeberam, ki waŋu ma Ceera na lwaar ki uuni ki rääm mo leth. Kanya cwøla Eeberam bee eni keere; 'ba ena gwïëdha ni tïïa nyïïkwaaye ni thööth.

Luk 19:9

Ni kö Jecu jïgø, ni «Dïcäŋi paani apiem, kiper ŋati en beeye nyikwaar Eeberam thuwø.

Wëëlö Mana Göör Pøølli Baŋ Jø Röm 15:8

Kiper a cäänna uuni ni Krictø atïmö na ŋat tïïc mar jøøa näk odaŋø, ni nyootha gø ni Jwøk luumme adïëri ni wëëga gïïa buuk jï kwäre thur karge,

Wëëlö Mana Göör Pøølli Baŋ Jø Röm 3:22

ni beeye bëënynyö man wø cïp Jwøki man wø joot ki ri ŋäädhe ni en ri Jecu Krictø, ni beeye kiper jiy bëët mo wø jïëy ni ŋääthge. Kiper jiy röömi bëët.

Wëëlö Mana Göör Pøølli Baŋ Jø Röm 3:30

Kiper Jwøk aciel. Ni eni jøøa näk odaŋø ojïëe ni marge beer ki køør ŋäädhe marge, ni jïëc jøøa näk patha odaŋø ni marge beer kiper ŋäädhe marge.

Wëëlö Mana Göör Pøølli Baŋ Jø Röm 4:11

Ena daŋ na ŋïï wala nyuudhi mar bëënynyö mana joode ki køør ŋäädhe kanya poode ni kär daŋø. Ni gïnögø tïïc kaper nee tïme na kwar jø wø jïëy ni ŋääthge bëët ni ge patha odaŋø, kiper nee ge jïëc Jwøki ni marge beer na enøgønø.

Wëëlö Mana Göör Pøølli Baŋ Jø Röm 5:1

'Ba kawaane na tïme ni øøno jïëö ni marø beer ki køør ŋäädhe, yïthakiyø ki Jwøk ajïtö ki bëët-mëër ki køør Kwääyø ma Jecu Krictø.

Wëëlö Mana Göör Pøølli Baŋ Jø Röm 9:8

'Ba manøgø nyootha gø ni patha nyïëdi mo wø nywöli ki ec jaak noo tïmö na nyïï Jwøk, 'ba beege nyïëdi mo wø nywöli ki køør buuk ni wø jïëc ni gena nyïïkwaaye.

Galeecia 3:14

Ni beeye kiper nee gwïëth mana kwøŋ Eeberam gwïëth ki gø nee tïme ni ena bäät juurre ki ri Krictø Jecu, kiper nee Jwïëc Jwøk mana kwøŋ buuk nee joodø ki ri ŋäädhe.

Galeecia 3:16

'Ba gïïa buuk, buuka jï Eeberam ki nyikwaare. Ni kär cwøl Wëël Jwøki ni «Nyïïkwaayï» ni kede ge thööth. 'Ba caana aciel keere, ni «Nyikwaarï,» ni beeye Krictø.

Galeecia 3:22

'Ba Wëël Jwøk aköö, ni jiy bëët otwöc raayi, kiper nee luumma kwøŋ buuk ki køør ŋäädhe ki ri Jecu Krictø, nee tïme ni mëëga jø wø jïëy ni ŋääthge.

Epeca 2:8

Kiper beeye met ec na piem uuni ki køør ŋäädhe. Ni manøgø ba tïïc uuni, 'ba beeye muuy mana cïp Jwøki ki met ec,

Tayta 3:7

kiper nee ø ŋunni ki met yie, nee ø tïmø ni øøna lwiidhi ri ŋäädhe mar kwøw mana näk adïëri mo bäŋ cuŋŋe.

2 Piter 1:10

Kiper manøgønø, nyïïmera, putu cwïnynyu cïp ri cwödö mana cwøl uuni ki gø ki mana jier u, nee tïme na adïëri. Kiper ni näk gïnögø tïïyu tïïö, u ba maara pädhö.