Wëëlö Mana Göör Pøølli Baŋ Jø Röm 4:15 - Wëël Jwøk

¹⁵ Kiper ciik Jwøk käla ajäla, 'ba kany mo bäŋ ciik Jwøk, bäŋ gïn mo caan no odhalø yie.

Wëëlö Mana Göör Pøølli Baŋ Jø Röm 4:15 Iomraidhean Croise

2 Nyeye 22:13

ni «Cou pëënynyu dwør Wuuö Jwøk kipera ki jø Juuda bëët kiper luup moa no ogöörö yi wëël ciik man na joot en. Kiper wëër mar Wuuö Jwøk, mano liel bäätø kaamar maac, dwøŋ; kiper kwäyø luup moa en yi wëël ciik man, na no ogöör piny kiperø, kärge wïnynyö, ni kärge kïth bäät tïïc.»

Jeremaya 4:8

Kiper manøgønø, røøu keece dëëtu, ni jwöŋu ni gøøyu oduuru; kiper wëër mara, a na Wuuö Jwøk, ni wø liel kaamar maac kära paanyø bäätu.

Wëël Kïmmö 2:22

Ïïni jiy acwølï kipera kaawat man wø cwøl jiy cäŋ ajwöma, ni ö lwärri mo dwøŋ ni ciel aani dïër. Yi cäŋ wëër mar Wuuö Jwøk bäŋ ŋat mo obøth wala mo okwøw. Jiy moa gwøa na piidha, wïthge adïïr nyimänni mara.

Edhikiel 7:19

Gwet-bïrö moge oleeŋge nyeŋ jïëthe, ni ö warkie moge ni tïmge kaamar gïn mo ba waany. Gwet-bïrö moge ki warkie moge otïmö ni bäŋ køny mo tïïcge kiperge kanyo tïme na ri cäŋ wëër mar Wuuö Jwøk. Japøge ba cïpi ki jäŋ jïge wala yïthge päŋ ki ge, kiper beege japa wëëk geni päth yïth raay.

Jepaniya 1:18

Bäŋ gwel-bïrö marge wala warkey marge mo løny jïre ki man piem geni yi cäŋ wëër mar Wuuö Jwøk; piny bäre ränynyö ki maa këëny cwïny mare, kiper eni jø bäät piny bëët thööre thöörö ki 'näk ki jöö mo di lwäärö.

Kwään Jiy 32:14

«'Ba ennø, uuna läw kar wëëgu, ni uuna jø raay møøk mo nyärö, nee wëëc Wuuö Jwøk meetu bäät jø Icriel.

Jøøn 15:22

Onää a kär öö ni cääna ki geni, doo bäŋ ajäla bäätge. 'Ba kawaane bäŋ jöö mo bøthge ki gø ka ajäla kiper raacge.

Jøøn 3:36

'Ba ŋat wø jïëy ki Wäädö ni ŋääth gø, ree da kwøw mana näk adïëri mo bäŋ cuŋŋe. 'Ba ŋat wø ba leŋ dwør Wäädö, kwøw ba dee joodø, 'ba ajäla mar Jwøk bëëdö bääte.»

Wëëlö Mana Göör Pøølli Baŋ Jø Röm 1:17

Kiper bëënynyö man wø cïp Jwøki onyoodhø ree, ni wø joot ki køør ŋäädhe keere na bäre bäre, kaawat mana gööri, ni «Eni noo bëënynyi ki køør ŋäädhe okwøw.»

Wëëlö Mana Göör Pøølli Baŋ Jø Röm 5:13

Kiper raay nut møn piny cøøn kanya poode ni ciik Jwøk poot kär cïbö, 'ba raay ba cwøl ni bääyö ki kany mo bäŋ ciik yie.

1 Körin 15:56

Kac mar thøø beeye raay. Ni teek mar raay beeye ciik Jwøk.

Galeecia 3:10

Kiper jiy bëët mo wø ŋääth tïïe moa en ri ciik Jwøk, acïëni ena bäätge. Kiper ogöörö, na «Acïëni oen bäät jiy bëët mo wø ba gwøk jammi bëët moa näk ogöör yi wëël ciik Jwøk, ki man tïïcge ge.»

Galeecia 3:19

?Aperŋø nø, ni dee ciik Jwøk? Ciik Jwøk acïp kiper luup moa dhal, këël kanya di nyikwaarø öö, ŋata buuk. 'Ba luummögø caana nyïïatwiet maalli ki dhi nyïjöö.

Epeca 5:6

Kär dee ŋat mo cøøk uuni ki luup mo oballe jaak. Kiper beeye teeŋ gïïögønø ni wø käl wëëc Jwøk bäät jø adhala.

Köløcia 3:6

Kiper gïïögøøni beeye no ö wëëc Jwøki bäät jø adhala.

1 Jøøn 3:4

Jiy bëët mo wø bääö wø dhala ciik Jwøk. Kiper bääyö beeye dhal ciik Jwøk.

Mana Nyooth 19:15

Ni ö opëëllö mo beth ni bëëde ni ööa wøk ki dhee, mano gøøc mïëri ki gø, ni dïïm geni ka athøny nywïënyö. 'Ba eni buur wø biic nyïïomøki mar wëëc Jwøk na en teeki jïre, wëëya dwøŋ døc, onyøøne.