Wëëlö Mana Göör Pøølli Baŋ Jø Röm 4:11 - Wëël Jwøk

¹¹ Ena daŋ na ŋïï wala nyuudhi mar bëënynyö mana joode ki køør ŋäädhe kanya poode ni kär daŋø. Ni gïnögø tïïc kaper nee tïme na kwar jø wø jïëy ni ŋääthge bëët ni ge patha odaŋø, kiper nee ge jïëc Jwøki ni marge beer na enøgønø.

Wëëlö Mana Göör Pøølli Baŋ Jø Röm 4:11 Iomraidhean Croise

Wïlöölö 17:24

'Ba kanya daŋ Eeberam kar kaaca, cwiiye oløny na pïërabïŋween ka abïŋween.

Bwøth Wøk 12:13

'Ba remø otïmö na nyuudhi kiperu røk uudi moa bëëdu yïthge; ni kany ojooda remø, aano pöödhi ki buutu, ni tïme ni bäŋ gïn mo leth mo pïï bäätu mo raanynya uuni kanyo raanynya Ijep.

Bwøth Wøk 31:13

«'Ba ïïni, wär caanï jï jø Icriel, ni kööï, ni ‹Kiper naa ŋäyu ni beeye aani na Wuuö Jwøk na cïp uuni kur keeru, ka adïëri møn, gwøgu nïr jwöm 'moa; ni manøgø beeye nyuudhi mano bëëdö yïthakiyø ki uuni këël beenhnhe mou bëët mo ööi.

Bwøth Wøk 31:17

Gïnögø bëëdö na nyuudhi mo ena yïthakicwa ki jø Icriel na bäre bäre; kiper a na Wuuö Jwøk, maal ki piny acwääa ki nïne abïciel; 'ba na tïme na bïriet nïne, aani raa ajwöma, ni koodha ŋëëta.»

Edhikiel 20:12

Ni pwönynya geni thuwø ki man gwøkge cääŋŋe 'moa mo jwöm, nee bëëtge ni caala ŋïï yïthakicwa ki geni, nee ŋäcge ni bee aani na Wuuö Jwøk na tïïc geni na jiy mo ena kur keerge.

Edhikiel 20:20

Tïïyu cääŋŋe 'moa mo jwöm ni ena kur keerge, ni tïmge kaamar ŋïï mo ena yïthakiyø, kiper nee ŋäyu ni bee aani na Wuuö Jwøk, Jwøk maru.»

Mathiew 16:16

Ni dwøgi ya Cayman Piter, ni «Ïïna Krictø, O Jwøa kwøw.»

Mathiew 8:11

A cäänna uuni, ni jiy mo thööth oööi ki jï løø kur tuul-cäŋ ki jï løø kur pänh-cäŋ, ni pïge piny lak cam ki Eeberam, ki Aydhak, ki Jeekap yi buya käl maal;

Luk 19:9

Ni kö Jecu jïgø, ni «Dïcäŋi paani apiem, kiper ŋati en beeye nyikwaar Eeberam thuwø.

Jøøn 3:33

'Ba ŋat wø jïëy ki luumma caane, mare wø pute ka køp, ni ‹Jwøk beeye na adïëri.›

Jøøn 3:36

'Ba ŋat wø jïëy ki Wäädö ni ŋääth gø, ree da kwøw mana näk adïëri mo bäŋ cuŋŋe. 'Ba ŋat wø ba leŋ dwør Wäädö, kwøw ba dee joodø, 'ba ajäla mar Jwøk bëëdö bääte.»

Jøøn 6:35

'Ba Jecu aköö jïge, ni «Beeye aani na møk kwøw. 'Ba ŋat wø ö baŋa doo bäŋ käc ree, ni ŋat wø jïëy ni ŋääth aani doo bäŋ riew ree na bäre bäre.

Jøøn 6:40

'Ba mana many Wära beeye en, ni ŋato wäro ŋec Wäädö ni jïëe ki eni ni ŋääth gø, jïtö ki kwøw mana näk adïëri mo bäŋ cuŋŋe. 'Ba aani, ŋatøgø otïŋa maal yi cäŋo cuŋ pinynyi yie.»

Jøøn 6:47

Adïëri møn a caana gø jïïu, ni ŋat wø jïëy ni ŋäädhe, ree da kwøw mana näk adïëri mo bäŋ cuŋŋe.

Jøøn 8:33

Ni løkge gøøni jïre, ni «Waana nyïïkwaac Eeberam, ni wa kär kwøŋ tïmö ni waana laaŋe jï jø møøk. ?Aŋø ni kööï, ni wa doo pädö?»

Wëëlö Mana Göör Pøølli Baŋ Jø Röm 10:11

Kiper wëël Jwøk wø köö, ni «Ŋato jïëy ki eni ni ŋääth gø wïïe ba lääy.»

Wëëlö Mana Göör Pøølli Baŋ Jø Röm 10:4

Kiper ciik Jwøk bëënna Krictø, kiper nee jiy bëët mo wø ŋäädhö nee ge piem.

Wëëlö Mana Göör Pøølli Baŋ Jø Röm 10:6

'Ba bëënynyö mana no ogöök ri ŋäädhe wø köö, ni «Kär niï köö ki cwïnyï, na ‹?Aŋa noo ci maal?› » Ni tiere beeye nee Krictø käl piny.

Wëëlö Mana Göör Pøølli Baŋ Jø Röm 3:22

ni beeye bëënynyö man wø cïp Jwøki man wø joot ki ri ŋäädhe ni en ri Jecu Krictø, ni beeye kiper jiy bëët mo wø jïëy ni ŋääthge. Kiper jiy röömi bëët.

Wëëlö Mana Göör Pøølli Baŋ Jø Röm 3:26

Ni eni nyootha gø ennø ni eni ki dëëre ŋøl luup mare beeye adïëri, ni ŋat wø ŋääth Jecu wø jïëe jïëö ni mare beer nyïme.

Wëëlö Mana Göör Pøølli Baŋ Jø Röm 3:30

Kiper Jwøk aciel. Ni eni jøøa näk odaŋø ojïëe ni marge beer ki køør ŋäädhe marge, ni jïëc jøøa näk patha odaŋø ni marge beer kiper ŋäädhe marge.

Wëëlö Mana Göör Pøølli Baŋ Jø Röm 4:10

?Eno jïëyö nidïï? ?Eni jïëc ki kanya poode ni kär daŋø, wala køør mana nø daŋi? Eni jïëc ki kanya poode ni kär daŋø, ni patha køør mana nø daŋi.

Wëëlö Mana Göör Pøølli Baŋ Jø Röm 9:30

?Agïnaŋø noo caanø nø? Juurre na kär løp køør bëënynyö, bëënynyö ajootge. Ni beeye bëënynyö man wø joot ki køør ŋäädhe.

Wëëlö Mana Göör Pøølli Baŋ Jø Röm 9:33

kaawat mana gööri, ni «Neennu, akïtha kïdi yi Dhayan, na kïdi mano cwany tiet jiy, na kïnno wëëk ge päänhnhö. 'Ba ŋato jïëy ki eni ni ŋääth gø, wïïe ba lääy.»

Wëëlö Mana Göör Pøølli Baŋ Jø Röm 9:6

Ni manøgø ba caan gø ni luum Jwøk kär thur kare. Kiper nyïïkwaac Icriel paa jø Icriel bëët,

2 Körin 1:22

Ni mooc dëëtø ki ŋïï mare, ni kïth Jwïëye cwïnynyø na kuri.

Galeecia 3:22

'Ba Wëël Jwøk aköö, ni jiy bëët otwöc raayi, kiper nee luumma kwøŋ buuk ki køør ŋäädhe ki ri Jecu Krictø, nee tïme ni mëëga jø wø jïëy ni ŋääthge.

Galeecia 3:29

'Ba ni näk uuna mo Krictø, uuna nyïïkwaac Eeberam møn, ni uuna lwiidhi, kaawat mana kwøŋ buuk.

Galeecia 3:7

?Käru joodø? Jø wø näk jø ŋäädhe beege na wäät Eeberam.

Galeecia 5:5

'Ba waani, wa jïta bëënynyö man ni ŋääthwa en, ki køør Jwïëc Jwøk ki ri ŋäädhe.

Galeecia 6:16

Bëët-mëër ki met ec obëëdö bäät jø wø bëën luummi en, na näk jø Icriel moa näk adïëri mo Jwøk.

Epeca 1:13

Ni beeye ki køøre na ö uuni thuwø, u na wïny luumma näk adïëri, luumma nyään na met na jootu pïëm ree man piem uuni ki gø, ni jïëyu ni ŋääthu eni, ni mooc uuni ki ŋïï na näk Jwïëc Jwøk na en kur keere, na kwøŋ buuk.

Epeca 4:30

Kär cwïny Jwïëc Jwøk na en kur keere wëëgu ränynyö, ŋata jootu ŋïï ree kiper cäŋo wïïr kwöri mou yie.

Tiet Ciik 30:6

'Ba Wuuö Jwøk na näk Jwøu cwïnynyu ki cwïny nyïïkwaayu wiile wiilø nou mëërru ki eni, e na Wuuö Jwøk na näk Jwøu, ki cwïnynyu bäre ki jwïëyu bäre, kiper nou bëëdu nou kwøw.

Pilipay 3:9

kiper naa joot naa ena dëëre, naa ba en dëëre kaper bëënynyö mana näk mara keera ni wø en ri ciik Jwøk, 'ba beeye bëënynyö man wø joot ki køør ŋäädhe ki ri Krictø, ni beeye bëënynyö man wø ööi ki baŋ Jwøk na näk ogöök ri ŋäädhe,

Ibaru 11:7

Ni beeye ŋäädhe, na ö Noa na leŋ luubö mana caan Jwøki jïre ni tïïc jääy, ni piem jø paare, kanya ö Jwøki na køp gïïa näk poot kär nëënö jïre. Ni beeye gïnögø na jääl piny ki gø, ni tïm Nöa na lwiidhø mar jïëc man wø ööi ki ri ŋäädhe.

2 Piter 1:1

Aana Cayman Piter na laŋŋø na nyïïatwiel Jecu Krictø, a määtha uuni, u na wëëk ŋäädhe mo röömi ki marwa ki ri beeny Jwøk marø, ge ki Pïëmi ma Jecu Krictø.

Mana Nyooth 9:4

Ni köömmi ni kär luum mar piny raanyge wala gïn mo otuy wala jaath, 'ba beeye jiy keerge moa näk täärnyïmge bäŋ ŋïï mar Jwøk noo raanyge.