Wëëlö Mana Göör Pøølli Baŋ Jø Röm 3:4 - Wëël Jwøk

⁴ Ba doo løny. Jootu joodø, ni Jwøk poot bëëdö kare na adïëri këël jiy bëët doo tïmö ni ge ba maar ŋääth, kaawat mana gööri, ni «Kiper manøgønø, luummï na caanï beeye adïëri, ni tïm marï na kare ki køør luummï noo ŋølï.»

Wëëlö Mana Göör Pøølli Baŋ Jø Röm 3:4 Iomraidhean Croise

Jööp 36:3

Aani jammi moa kwanya käla kwör ma teeŋi; ennø, a caana gø ki man näk mo Jwøk na cwääc aani, mare beer.

Jööp 40:8

«?Aŋø, ï köö møn ni luup mo wø ŋøla patha adïëri? ?Aŋø, a jällï jällö ni aano bääyö ni keda beerra marï keere?

Mikiya 7:20

Ïïni, ï bëëdö niï nyootha adïëri jï nyïïkwaac Jeekap, ni nyoothï mëër marï man wø ba jøøl jïge, ge na dhi øt Eeberam, kaawat mana kööŋï jï kwäcwa yïth nïra cääŋŋe.

Mathiew 11:19

'Ba Wär Dhaanhø aöö ni cämö ni mädhö, ni kö jiyi, ni ‹Neennu, ŋat wärö, na ŋat maath, na nyawat jø ajwäk ki jø raay.› 'Ba leec wïc ojoot na adïëri ki køør tïïe moe.»

Luk 20:16

Eni öö ni 'näk jø puur moøgø ni cïp pwöthögø ceŋ jø møøk.» 'Ba na wïnyge gïnögø, gena köö, «Wui, gïnögø kär tägö!»

Jøøn 3:33

'Ba ŋat wø jïëy ki luumma caane, mare wø pute ka køp, ni ‹Jwøk beeye na adïëri.›

Wëëlö Mana Göör Pøølli Baŋ Jø Röm 11:1

'Ba a pëëö nø, «?Jwøk jiye akwiere?» Ba doo løny. Aani ki dëëra, aana nyï Icriel, ni aana nyikwaar Eeberam naa käla dhi øt Benjamen.

Wëëlö Mana Göör Pøølli Baŋ Jø Röm 11:11

?Kiper manøgønø, a pëëö, ?Jø Icriel, tietge acwanyge ni päthge na bäre bäre? Ba doo løny. 'Ba beeye dhal luubö marge na tïm pïëmmi man piem jiy ki gø ni pïï baŋ juurre, kiper nee jø Icriel døøc mo këëö.

Wëëlö Mana Göör Pøølli Baŋ Jø Röm 3:31

?Kiper manøgønø, ø weta ciik Jwøk wøk ki køør ŋäädhe man? Ba doo løny. Ø poot gwøga ciik Jwøk.

Wëëlö Mana Göör Pøølli Baŋ Jø Röm 6:15

?Agïnaŋø nø? ?Ø doo bääö kiper mana bëënnø met yi Jwøk ni ø ba bëën ciik Jwøk këët? Ba doo løny.

Wëëlö Mana Göör Pøølli Baŋ Jø Röm 6:2

Ba doo løny. ?Øøni na näk othøw ni teek raay bäŋgø bäätø këët, øøna døø poodø ni ø bëëdö yïth raay nidïï?

Wëëlö Mana Göör Pøølli Baŋ Jø Röm 7:13

?Aŋø, beeye gïna beer nø, na käl thøø dëëra? Ba doo løny. Beege raay na tïïc thøø dëëra ki køør gïna beer, kiper nee raay nyooth ni beeye raay møn, nee rääcge joot ni reyø døc ki køør mana cem.

Wëëlö Mana Göör Pøølli Baŋ Jø Röm 7:7

?'Ba agïnaŋø noo caanø nø? ?Ø doo köö, ni ciik Jwøk beeye raay? Ba doo løny. Onää bäŋ ciik Jwøk, raay ba daa ŋääö. Ni rääc par gïr ŋat mør ba daa ŋääö, onää kär caan ciik Jwøki, ni «Kärï pädö.»

Wëëlö Mana Göör Pøølli Baŋ Jø Röm 9:14

?Agïnaŋø noo caanø nø? ?Ø doo köö ni mar Jwøk raac? Ba doo løny.

1 Körin 6:15

?Aŋø, kuyu ni dëëtu beeye thäk dëër Krictø? ?Kiper manøgønø, thäk dëër Krictø daa kälö ni døøya ge thäk dëër kääbi? Ba doo løny.

2 Körin 1:18

'Ba kaawat man bëëdö ni Jwøk adïëri en, luumwa na caanwa jïïu kär tïmö na dööti ariiø.

Galeecia 2:17

'Ba ni näk waani ki dëëtwa, waano cwølø ni waana jø raay kany bëëtwa en ni wa manynya gø nee wa jïëc ni marwa beer ki ri Krictø, a Krictø nø, atïmö ni beeye ŋata käl raay? Ba doo løny!

Galeecia 2:21

Naa ba tïïc met yi Jwøk ni bäŋ tiere. 'Ba ni näk ciik Jwøk beeye wø jïëc dhaanhø ni mare beer ki køøre, nyootha gø ni Krictø athuunh jaak.

Galeecia 6:14

'Ba aani kara bäär ki teeŋ atöör manøgø, 'ba beeye luum jaadha no odëëdö mar Kwääyø ma Jecu Krictø keere ni daa tööda kipere, ni beeye na tïïc jap piny keda gïn mo ogur bäät jaadha no odëëdö ki baŋa, ni tïma ni aano thøw jï jap piny.

Tiet Ciik 32:4

Wuuö Jwøk na näk Jwøø teek, ni tïïe moe beege karge; ni uutjïëthe moe bëët tiir. Ena Jwøk mo mare di ŋäädhö, ni bäŋ gïn mo raac jïre; eni beer ni mare thïïŋ.

1 Timöthi 3:16

Ajïëø møn, ni gïna näk tiere okwøŋ kan mar lam marø, dwøŋ møn. Kiper øøna jïëy, ni ena nyooth kanya tïme na dhaanhø, ni ŋunni ya Jwïëc Jwøki, ni ena neen nyïïatwiet maalli, ni nyeŋŋe okøbø dï mïëri, ni jïëc nyeŋŋe dï piny, ni kïthi maal ka ajiem.

Tayta 1:2

kiper mana ŋääthge kwøw mana näk adïëri mo bäŋ cuŋŋe mana buuk Jwøki cøøn, eni na kuc tööt.

Ibaru 6:18

Kiper nee øøni na reŋ kar køny nee cwïnynyø cømø døc ki man maaø ŋäädhe mar yi nyïm mana møør nyïmmø, ki køør gïïögø na ariiø yøø na näk ba maar daaø, gïïa näk ba løny jï Jwøk ki man caan luup mo patha adïëri rege.

1 Jøøn 5:10

ni ŋat wø jïëy ki O Jwøk, lïŋ ena cwïnye kiree. 'Ba ŋat wø ba jïëy ki Jwøk, døøya Jwøk twöt, kiper na käre jïëy ki lïŋ mana køp Jwøki kiper Wääde.

1 Jøøn 5:20

'Ba ŋääø ni O Jwøk anø öö, ni mooc øøni ka acaara ki man ŋääø ŋata näk adïëri. Ni ø ena ri ŋata näk adïëri ki køør Wääde ma Jecu Krictø. Manøgø beeye Jwøk mana näk adïëri ni näk kwøw mana näk adïëri mo bäŋ cuŋŋe.

Mana Nyooth 3:7

«Ni göötï baŋ nyïïatwiel maal mar acooŋ Jwøk mana en yi Piladelpia, ni kööï, ni «Moi beege luup ŋata en kur keere, na näk adïëri, ni en muktään Deebit cere, ŋat wø jäbö, ni bäŋ ŋat mo dëët gø, ni wø cïëö ni bäŋ ŋat mo jap gø: