Wëëlö Mana Göör Pøølli Baŋ Jø Röm 3:29 - Wëël Jwøk

²⁹ ?Wala Jwøk a Jwø jø Juuth keerge, ni patha Jwø juurre thuwø? Adïëri møn, ena Jwø juurre thuwø.

Wëëlö Mana Göör Pøølli Baŋ Jø Röm 3:29 Iomraidhean Croise

Wïlöölö 17:18

Køøre Eeberam aköö jï Jwøk, ni «Wui, Icmiel ni näk bëëdö nyïmï ni kwøw, doo beer.»

Aydheea 54:5

Kiper aani ni wø bëëdö kaamar cwørï bee aani na cwääc ïïni, ni nyeŋŋa beeye Wuuö Jwøk, a na wïth jammi bëët. A na Jwø Icriel na en kur keere, bee aani na wïïl ïïni wøk, ni bee a ni wø cwøl ni Jwø Bäät Piny Bäre.

Jeremaya 16:19

Wui Wuuö Jwøk, ï na teek mara, ï na kar gwøk røk jïra, na kar kan røk kany wø pïïc gïï mo lethi bääta, wïth juurre öa baŋï ki kwör mo bäyö, ni köge, ni «Kwäcwa bäŋ Jwøk jïge, 'ba beege juu mo oballe jaak mo bäŋ gïn duuge.»

Jeremaya 31:33

'Ba luubö mano tuuda ki jø Icriel yïth nïröke beeye en: Aani, ciik 'moa okïtha wïthge, ni gööra geni yïth cwïnyge. Ni bëëda ni aana Jwøk marge, ni bëëtge ni gena jiya.

Odheea 1:10

'Ba kwään jø Icriel poot tïmö ni caala akwöny deŋ naama dwøŋ ni wø ba løny ki røm wala ki kwaan; ni købi ki geni, ni «Uuna wäät Jwøa kwøw;» yi paac mana wara købi jïge yie, no «U patha jiya.»

Dhekaraya 2:11

'Ba noo tïme na dïcäŋeca, wïth juurre mo thööth geno ö baŋ Wuuö Jwøk, ni tïmge na jiy 'moa thuwø. Ni bëëda dïïu ni putu gø ŋäc ni bee Wuuö Jwøk, eni na wïth jammi bëët, na jääŋ aani baŋu.

Milkiya 1:11

'Ba nyeŋŋa otïmö ni dwøŋ dï juurre, ni tägi ka jï løø kur tuul-cäŋ këël jï løø kur pänh-cäŋ; ni ö gïn wø jïye ŋwääi ni met ki muuce mo beel moa näk liil ni cïbi jïra ki yi piny bäre, kiper nyeŋŋa otïmö ni dwøŋ dï juurre.» Gïnögø caana Wuuö Jwøki, eni na wïth jammi bëët.

Mathiew 22:32

ni ‹Aana Jwø Eeberam, ni näga Jwø Aydhak, ni näga Jwø Jeekap.› Eni paa Jwø jøøa näk othøw, 'ba ena Jwø jøøa kwøw.»

Mathiew 28:19

Kiper manøgønø, cou ni tïïyu wïth juurre mo bäät piny bëët na bääŋi 'moa, ni lwøgu geni na nyuudhi ki nyeŋ Wuuö, ki Wäädö, ki Jwïëc Jwøk na en kur keere.

Moa Tïïc Nyïïatwieli 10:34

Kanyøgø Piter dhee atuue ni kööe, na «Adïëri møn, ajooda ni Jwøk luumme aciel keere kiper jiy bëët.

Moa Tïïc Nyïïatwieli 22:21

«'Ba ena köö ki aani, ni ‹Tïŋŋï, kiper ïïno jääŋŋa kany mo bäär baŋ juurre.› »

Moa Tïïc Nyïïatwieli 26:17

'Ba ïïno gwøa ceŋ jø Juuth ki ceŋ juurre, jøw ojääŋŋa ïïni baŋge en,

Moa Tïïc Nyïïatwieli 9:15

'Ba Wuuö aköö jïre, ni «Ciï, kiper eni yaa jierø na gïr tïïc mara, nee nyeŋŋa kääre dï juurre ki nyeye ki dï wäät Icriel.

Wëëlö Mana Göör Pøølli Baŋ Jø Röm 1:16

Kiper aani, wïïa ba laay ki luumma nyään na met, kiper beeye teek Jwøk ki man piem jiy bëët mo wø jïëy ni ŋääthge, ni tägi ka jø Juuth, këël mano këët baŋ jøw mo patha jø Juuth.

Wëëlö Mana Göör Pøølli Baŋ Jø Röm 10:12

Kiper bäŋ ajeeny yïthakic jø Juuth ki jøw mo patha jø Juuth. Kiper Uunögø na aciel enø beeye Wääge bëët, ni jap kwärö moe na thööth wø mëëge jø wø cøør nyeŋŋe bëët.

Wëëlö Mana Göör Pøølli Baŋ Jø Röm 15:16

naa tïma naa tïnynya Krictø Jecu jï juurre, naa lama tier luumma nyään na met mar Jwøk, kiper nee juurre cïp na jëëdhi man wø jïëc Jwøki, ni wø en kur keere ki køør Jwïëc Jwøk na en kur keere.

Galeecia 3:14

Ni beeye kiper nee gwïëth mana kwøŋ Eeberam gwïëth ki gø nee tïme ni ena bäät juurre ki ri Krictø Jecu, kiper nee Jwïëc Jwøk mana kwøŋ buuk nee joodø ki ri ŋäädhe.

Epeca 3:6

Ni beeye ni juurre atïmö na lwiidhi ki jø Jwøk na aciel, ni gena dëël aciel, ni karge dagø ri buuk mana buuk ki ri Krictø Jecu ki køør luumma nyään na met.

Köløcia 3:11

'Ba ki ri bëëtö manøgø, bäŋ ŋat mo jeeny ni ena ŋat Gïrïïk, wala ŋat Juuth, wala ŋat mo odaŋø, wala ŋat mo kär daŋø, wala jur, wala jøw mo otaaø, wala laŋŋø, wala ŋat mo bëëdö ka wïïe; 'ba Krictø ena wïth jøøgø bëët, ni en cwïnyge bëët.