Wëëlö Mana Göör Pøølli Baŋ Jø Röm 3:27 - Wëël Jwøk

²⁷ ?Ni näk ma enøgønø, gïna døø töödö kipere, age eni? Bäŋgø. ?A køør ŋø? ?Køør tïïe? Patha eni. 'Ba beeye ki køør ŋäädhe.

Wëëlö Mana Göör Pøølli Baŋ Jø Röm 3:27 Iomraidhean Croise

Jepaniya 3:11

'Ba dïcäŋöca, u na jiya, wïthu ba lääy këët kiper japa reyø bëët na tïïyu dëëra. Kiper jiy bëët mo wø töödö ni pwøya dëëtge, ge raanynya raanynyø yi Jerucalem; ni tïme ni bäŋ dhaanhø mo töödö këët bäät kïdi mara na en kur keere.

Maak 16:16

'Ba ŋato wäro jïëy ni ŋäädhe ni lwøi na nyuudhi, opiem. 'Ba ŋato wäro ba jïëy ni ŋäädhe, ojääl.

Jøøn 3:36

'Ba ŋat wø jïëy ki Wäädö ni ŋääth gø, ree da kwøw mana näk adïëri mo bäŋ cuŋŋe. 'Ba ŋat wø ba leŋ dwør Wäädö, kwøw ba dee joodø, 'ba ajäla mar Jwøk bëëdö bääte.»

Wëëlö Mana Göör Pøølli Baŋ Jø Röm 10:5

'Ba Modhe agöödö, ni kööe, ni «Ŋato caath jöör bëënynyö man wø göök ri ciik Jwøk, okwøw ki køør gø.»

Wëëlö Mana Göör Pøølli Baŋ Jø Röm 11:6

'Ba ni näk beeye met ec, paa gïn mo ogöök ri tïïe këët. Onää ennø nø, met ec ba doo naa met ec këët.

Wëëlö Mana Göör Pøølli Baŋ Jø Röm 2:17

?'Ba ni näk riï iï cwølø ni ïïna ŋat Juuth, ni ïïno göök ri ciik Jwøk, niï töödö kiper Jwøk,

Wëëlö Mana Göör Pøølli Baŋ Jø Röm 2:23

?Ï ni wø töödö kiper ciik Jwøk, nyeŋ Jwøk diï raanynyø niï dhala ciik Jwøk?

Wëëlö Mana Göör Pøølli Baŋ Jø Röm 3:19

'Ba ŋääø ni gïn mo ocaan ciik Jwøki wø cäänna jøøa bëën ciik Jwøk, kiper nee bäŋe dhaanhø mo jaal dhee këët, nee jø piny bäre ba maarge köö ni mana many Jwøki kucge.

Wëëlö Mana Göör Pøølli Baŋ Jø Röm 3:26

Ni eni nyootha gø ennø ni eni ki dëëre ŋøl luup mare beeye adïëri, ni ŋat wø ŋääth Jecu wø jïëe jïëö ni mare beer nyïme.

Wëëlö Mana Göör Pøølli Baŋ Jø Röm 4:2

Kiper onää Eeberam ojïëö ni mare beer ki køør tïïe, eni doo jïtö ki gïn mo tööde kiper gø, 'ba paa ki nyïm Jwøk.

Wëëlö Mana Göör Pøølli Baŋ Jø Röm 7:21

'Ba kawaane nø, a jooda møn, ni kany wø manynya man tïïa ki gïn mo beer, raay karge cään.

Wëëlö Mana Göör Pøølli Baŋ Jø Röm 7:23

'ba da gïn mør mo wø jooda joodø thäk dëëra mo këëdö ki luubö mana en wïïa, ni tïïya aani ni aana laŋ raay mo otwöö, ni bëëdö thäk dëëra.

Wëëlö Mana Göör Pøølli Baŋ Jø Röm 7:25

'Ba pwøc en jï Jwøk ki køør Jecu Krictø na näk Kwääyø. 'Ba kawaane nø, a tïnynya ciik Jwøk ki luumma en wïïa, 'ba ki rïŋ dëëra a tïnynya mo raay.

Wëëlö Mana Göör Pøølli Baŋ Jø Röm 8:2

Kiper kwøw mana cïp Jwïëc Jwøki ki ri Krictø Jecu, aana päde cer raay ki thøø.

Wëëlö Mana Göör Pøølli Baŋ Jø Röm 9:11

këël kanya pootge ni kär nywølø, ni bäŋ gïn mo beer wala mo raac mo ege tïïö,

Wëëlö Mana Göör Pøølli Baŋ Jø Röm 9:31

'Ba jø Icriel na løp køør bëënynyö man wø göök ri ciik Jwøk, kär løny jïge ki man thöörge ciigøgø.

Wëëlö Mana Göör Pøølli Baŋ Jø Röm 9:32

?A per ŋø nø? Beeye kiper na kärge køøre løpø ki køør ŋäädhe, 'ba atïïcge keda gïn mo ogöök ri tïïe. Ni cwanyge tietge ri kïn wø cwany tiel,

1 Körin 4:7

?Kiper aŋa wø neen uuni nou patha aciel ki jø møga? ?Agïnaŋø ni en jïïu ni ba cïpa Jwøki? ?'Ba ni näk mo cïpa jïïu, aŋø ni töödu keda gïn mo ba cïpa jïïu en?

Galeecia 2:16

ŋäcwa ni dhaanhø ba jïëc Jwøki ni mare beer ki køør tïïe moa en ri ciik Jwøk, 'ba beeye ki køør ŋäädhe ni en ri Jecu Krictø. Këël waani, waana jïëy ni ŋääthwa Krictø Jecu, kiper nee wa jïëc ni marwa beer ki køør ŋäädhe ni en ri Krictø, ni paa ki køør tïïe moa en ri ciik Jwøk. Kiper bäŋ dhaanhø mo jïëc ni mare beer ki køør tïïe moa en ri ciik Jwøk.

Galeecia 3:22

'Ba Wëël Jwøk aköö, ni jiy bëët otwöc raayi, kiper nee luumma kwøŋ buuk ki køør ŋäädhe ki ri Jecu Krictø, nee tïme ni mëëga jø wø jïëy ni ŋääthge.