Wëëlö Mana Göör Pøølli Baŋ Jø Röm 3:25 - Wëël Jwøk

²⁵ ŋata kïth Jwøki nyïm no olämi ki køør remme, na doo jïëö ki køør ŋäädhe. Manøgø atïïc kiper nee ŋøl luup mar Jwøk na näk adïëri nyoodhe, kiper na kwøŋ bëëdö ni cwïnye ee cïp piny ni käre raay moa dïkwøŋ kwaan.

Wëëlö Mana Göör Pøølli Baŋ Jø Röm 3:25 Iomraidhean Croise

Aydheea 53:11

Wuuö Jwøk aköö, ni «Køør gïïa jwøre ki cwïnye, yie omïnni kanyo joot gïno beer. Eni na dhaanhnha na mare beer, ki køør leec wïc mare, jiy mo thööth ojïëe ni marge beer ki køør mana käär raay moge.

Ciik Kiper Dïlämme 16:10

'Ba diel mano päth ŋïïyi bääte na man käär raay, wär cïp ni kwøw nyïm Wuuö Jwøk ni tïïca eni no okïdi ki man wii nee aa dï paap na man wø käär raay.

Ciik Kiper Dïlämme 16:15

«Køøre Aran ateea mana näk olämi mar wëën raay wär ŋaale kiper jiy, ni kïth remø mar gø yi kanya en kur keere na pere leth na näk ogëëŋö, ni tïïc remø ki jöö mana kwøŋ rem rwaath tïïc ki gø, ni mare ker gø dëër nyïm rëëbi mana näk nyuudhi mar wëën raay, ni ker mør piny nyïm rëëbi manøgø.

Jøøn 6:47

Adïëri møn a caana gø jïïu, ni ŋat wø jïëy ni ŋäädhe, ree da kwøw mana näk adïëri mo bäŋ cuŋŋe.

Moa Tïïc Nyïïatwieli 14:16

Kiper yïth cwiiri moa pöödhö, Jwøk mïëri bëët awëëk bëëte kaawat mana manyge.

Moa Tïïc Nyïïatwieli 15:18

Luupögø caana Wuuö Jwøki, ŋata døøc jammi bëët mo ŋäc cøøn.›

Moa Tïïc Nyïïatwieli 17:30

Kanya poot dhaanhe ni bäŋ gïn mo ŋääe, Jwøk abëëdö ni cwïnye ee cïp piny. 'Ba kawaane eni jiy bëët aköömme ki man løkge cwïnyge yi piny bäre.

Moa Tïïc Nyïïatwieli 2:23

Jecu manøgø acïp ceŋŋu keda mana kwøŋi ya Jwøki cooŋ ki cwïnye ni ŋääe cøøn, 'ba acïbu ceŋ jøøa kuc ciik Jwøk, ni guru gø bäät jaadha no odëëdö, ni 'nägu gø.

Moa Tïïc Nyïïatwieli 3:18

'Ba gïïa kwøŋ Jwøki caan dhøk nyïïkuge bëët, ni dhaanhnhe ma Krictø gïï mo leth dee jwørø, luupögø awëëk thur karge na enønø.

Moa Tïïc Nyïïatwieli 4:28

Ni ge tïïya gïna näk iï cooŋø ki cwïnyï ki teek marï cøøn ni doo tïmö.

Wëëlö Mana Göör Pøølli Baŋ Jø Röm 2:4

?Aŋø, met yi Jwøk na päl na bëëde ni cwïnye ee cïp piny ni ba laar jøømø iï taaø? ?Aŋø, kuyï ni met yi Jwøk beeye kiper nee cwïnyï løgï?

Wëëlö Mana Göör Pøølli Baŋ Jø Röm 3:26

Ni eni nyootha gø ennø ni eni ki dëëre ŋøl luup mare beeye adïëri, ni ŋat wø ŋääth Jecu wø jïëe jïëö ni mare beer nyïme.

Wëëlö Mana Göör Pøølli Baŋ Jø Röm 5:1

'Ba kawaane na tïme ni øøno jïëö ni marø beer ki køør ŋäädhe, yïthakiyø ki Jwøk ajïtö ki bëët-mëër ki køør Kwääyø ma Jecu Krictø.

Wëëlö Mana Göör Pøølli Baŋ Jø Röm 5:11

'Ba patha manøgø keere, 'ba ø kanynyø thuwø ki nyeŋ Jwøk ki køør Kwääyø ma Jecu Krictø, ŋata joodø døøn kanya ciel ki køøre.

Wëëlö Mana Göör Pøølli Baŋ Jø Röm 5:18

Kiper beeye gïna beer na tïïc dhaanhe acielli na käl ŋunnö ki kwøw kiper jiy bëët, kaawat mana ö luumma näk aciel na dhal dhaanhe acielli na käl ajäla bäät jiy bëët.

Wëëlö Mana Göör Pøølli Baŋ Jø Röm 5:9

?'Ba kawaane na tïme ni øøno jïëö ni marø beer ki køør remme, a teeŋ pïëm mo nyïëdi noo piem øøni ki wëëc Jwøk?

1 Körin 5:7

Kälu thømmø mana näk oruuö wøk, nou tïmu nou caala dhääth mo nyään, keda mana nø tïmu nou caala møø mo bäŋ thømmø. Kiper Krictø na näk nyidiel marø mar Cäŋa Pööth Thøøe Yie anø 'näk.

2 Körin 5:21

Kiper ŋata kuc raay atïïe na ŋat raay kiperø, kiper nee ø bëënynyø ki beeny Jwøk ki køøre.

Epeca 1:7

Ni beeye ki køøre na wïïl øøni wøk ki køør remme, ni wec moa dhalø ki met yie na dwøŋ

Epeca 2:13

'Ba kawaane ki ri Krictø Jecu uuni na karu bäär dïkwøŋ, uuna käl kany mo cään ki køør rem Krictø.

1 Timöthi 1:15

'Ba luubö man en beeye adïëri møn mo doo jïëö, ni Krictø Jecu aö piny kuna piem jø raay. 'Ba beeye aani na näk wïth jø raay.

Ibaru 10:4

Kiper ba doo maara lønyø ki man ö rem rwädhe ki mo dïëk ki mana dege raay wëënnö.

Ibaru 11:14

Kiper jø wø cäänö na enøgønø, wø nyootha gø ni ge manynya kany mo tïmö na poge.

Ibaru 11:17

Ni beeye ŋäädhe, na ö Eeberammi na cïp Aydhak no olämi kanya päänynyi ya Jwøki. Ni ö eni na ci buuki jïre, ni put jïëy ki man cïp wääde na näk aciel no olämi,

Ibaru 11:7

Ni beeye ŋäädhe, na ö Noa na leŋ luubö mana caan Jwøki jïre ni tïïc jääy, ni piem jø paare, kanya ö Jwøki na køp gïïa näk poot kär nëënö jïre. Ni beeye gïnögø na jääl piny ki gø, ni tïm Nöa na lwiidhø mar jïëc man wø ööi ki ri ŋäädhe.

Ibaru 9:28

Kaawat manøgø thuwø Krictø na cïp yie aciel keere nee raac jiy mo thööth kääre, ocäŋ duuö, ni ba ööi kaper raay nee kääre, 'ba oööi ni piema jø wø koor eni.

Ibaru 9:5

'Ba bäät acanduk da gïï mo ocwääö ni caala nyïïatwiet maal mo cwøl ni kirubëlli, mo nyootha ajiem Jwøk, ni bwöpge ege määö bäät rëëbi mar kany wø ö Jwøki wø køny jiy yie. 'Ba kawaane atïmö ni bäŋ kany caanwa tiet japøgø yie këët.

1 Jøøn 1:10

'Ba ni näk mo ø köö ni ø kär bääyö, ø døøya eni twöt, ni luumme ba en cwïnynyø.

1 Jøøn 2:2

Ni beeye eni no olämi kiper raay moø, 'ba patha per raay 'moø keerø, 'ba beeye kiper raay mo jø piny bäre.

1 Jøøn 4:10

'Ba mëër beeye en, ni patha øøni na mëër ki Jwøk, 'ba beeye eni na mëër ki øøni ni jääŋ Wääde nee tïme no olämi kiper raay moø.

Mana Nyooth 1:5

ki baŋ Jecu Krictø, na näk lïŋi mana näk adïëri, ŋata kwøŋ duu wøk ki yi thøø, eni na wïth nyeye mo piny. Ajiem ki rööny en jïre këël na bäre bäre, ŋata mëër ki øøni, na pät øøni ki remme yïth raay moø,

Mana Nyooth 13:8

'Ba eno wøør jø wø bëëdö bäät piny, ni beege jiy bëët moa näk nyeŋge kär göör yi wëël kwøw mar Nyidiel na bëëdö no onää ki kanya poot pinynyi ni kär caa.

Mana Nyooth 20:15

'Ba ni näk da ŋat mo nyeŋŋe kär joodø no ogöör yi Wëël Kwøw, eni wø leeŋa yi naama liel ki maac mo jïye keec ni lïëth døc.

Mana Nyooth 5:9

Ni wärge ki duut mo nyään, ni köge, ni «Røma ïïni ki lwør wëëlö ni japï möönne moe. Kiper ïïna 'näk, ni wïïrï kwör jiy ki remmï kiper Jwøk, jøøa käl røk tuŋi bëët, ki dhøgi, ki wïth juurre, ki yïth mïëri bëët.