Wëëlö Mana Göör Pøølli Baŋ Jø Röm 3:21 - Wëël Jwøk

²¹ 'Ba kawaane bëënynyö man wø cïp Jwøki onyoodhø ni ciik Jwøk tøør ree, ni beeye na cään ciik Jwøki ki mo nyïïkuk Jwøk kipere,

Wëëlö Mana Göör Pøølli Baŋ Jø Röm 3:21 Iomraidhean Croise

Wïlöölö 15:6

Ni ö Abrammi ni ŋääth Wuuö Jwøk, ni ö Wuuö Jwøki ni jïëc Abram ni ena dhaanhø mo mare beer ki køør ŋäädhe mare.

Aydheea 46:13

Adïëri mara nyïïa kany mo cään, ni kare ba bäär këët. Pïëm man piema jiy ki gø ba ruu. Pïëm man piema jiy ki gø kïtha yi Dhayan, ni nyoodha ajiem mara jï jø Icriel.

Aydheea 51:8

Kiper geni, ge tïmö kaamar abïï mo ocam alweela, ni tïmge kaamar jïëc rööm mo ocam twöŋi. 'Ba bëënynyö mara poot bëëdö na bäre bäre, ni ö kønynyi mara ni këët yïth beenhnhe bëët.

Aydheea 54:17

Bäŋ gïr leny mo di thäädhö kiper ränynyö marï mo thura kare. Jiy bëët moo kïth luup bäätï kar løøk böötï böötö. Manøgø beeye muuy mana cïp jï jic Wuuö Jwøk, ni beeye na tïmö ni bëënynyö marge mana cïba jïge. Luummögø caana aani, a na Wuuö Jwøk.»

Aydheea 61:10

Aani yia amïnnö døc ki ri Wuuö Jwøk, jwïëya ajïtö ki met ec ri Jwøk mara; kiper pïëm man wø piem jiy ki gø, ki bëënynyö arøø dëëra kaamar abïï, ni tïma kaamar cø dhaagø thiinh mo wïïe ee kïthö ki jap mïërö, naa caala dhaagø thiinh mo dëëre ee jiiŋŋø ni mïërö ki nyeŋ tii mo perge leth.

Jeremaya 33:16

'Ba ki yïth nïröke, jø Juuda di piemø, ni ö jø Jerucalemmi ni bëëtge ni geno nikwak. 'Ba man beeye nyeŋ mano cwøl Jerucalem ki gø: ni «Wuuö Jwøk beeye tier bëënynyö marø.» ›

Daniel 9:24

«Cwiiri abïriiø kwöre ma pïërabïriiø akwaan kiper jø pou ki pääny maru na en kur keere, ki man mwön bääyö yïth cwiiri moøgø, ki man thum raayi, ki man tïïc okïdi kiper gïïa bayi, ki man ö bëënynyö mana näk bëëdö na bäre bäre, ki man thur gïna nyooth kare ki luupa køp nyïïkuk Jwøki, ki man ö kar lam na en kur keere na pere leth ni jøri ki maaw.

Luk 24:44

Kanyøgø ena köö jïge, ni «Moi beege luupa na caana jïïu kanya pooda naa bëëdö ka uuni, ni luup bëët moa näk ogöörö kipera ri ciik Modhe, ki mo nyïïkuk Jwøk, ki moa en yi Dut Pwøc thura karge.»

Jøøn 1:45

'Ba Pilip Nathaniel ajoode ni kööe jïgø, «Waani, ŋata gööt Modhe kipere yi wëël Ciik Jwøk na näk da luup thuwø mo ogöör nyïïkuk Jwøki kipere, ajootwa, ni beeye Jecu nyï Nadhareth na näk o Jocep.»

Moa Tïïc Nyïïatwieli 10:43

Ni beeye eni na gïre caan nyïïkuk Jwøki bëët, ni jiy bëët moo jïëy ki eni ni ŋääthge gø, raacge owec ki køør nyeŋŋe.»

Moa Tïïc Nyïïatwieli 15:11

'Ba yøø ŋäädhø ni øøno piem ki køør met yi Kwäärö ma Jecu, kaawat marge.»

Moa Tïïc Nyïïatwieli 26:22

'Ba a wø køny Jwøki kønyø këël dïcäŋi en. Ni beeye ni cuŋŋa kany en, naa cäänna jøøa kwörge therø ki jøøa kwörge døøŋŋø, naa para luupa car nyïïkuk Jwøki ki moa car Modhe ni doo tägö, ni bäŋ gïn mør mo kïtha bäätge,

Moa Tïïc Nyïïatwieli 28:23

'Ba na nø cïpge piny ki cäŋ man öge baŋe yie, gena put ö baŋe kanya bëëde yie ni ge thööth døc. Ni par tier luummögø jïge, ni tägi ka amöölla këël abøøya, ni køpa gïr buc Jwøk, ni nyootha luum Jecu jïge ni beeye adïëri, ni nyoodhe ka ri luup moa en ri ciik Modhe ki mo nyïïkuk Jwøk.

Wëëlö Mana Göör Pøølli Baŋ Jø Röm 1:17

Kiper bëënynyö man wø cïp Jwøki onyoodhø ree, ni wø joot ki køør ŋäädhe keere na bäre bäre, kaawat mana gööri, ni «Eni noo bëënynyi ki køør ŋäädhe okwøw.»

Wëëlö Mana Göör Pøølli Baŋ Jø Röm 1:2

luumma kwøŋ buuk ki dhøk nyïïkuk moe yïth weet Jwøk na en kur keerge.

Wëëlö Mana Göör Pøølli Baŋ Jø Röm 16:26

na nyooth kawaane ni tïïi ni ŋäc wïth juurre bëët ki køør luup moa näk ogöör nyïïkuk Jwøki, ki køør dwør Jwøk ni wø bëëdö na bäre bäre, kiper nee wïth juurre wëëk jïëy ni ŋääthge.

Wëëlö Mana Göör Pøølli Baŋ Jø Röm 3:28

Kiper wa wø köö, ni dhaanhø wø jïëc ni mare beer ka køør ŋäädhe, ni tïïe mo ciik Jwøk tøør ree.

Wëëlö Mana Göör Pøølli Baŋ Jø Röm 5:19

Ni beeye leŋ luubö mar dhaanhø aciel noo tïïc jiy mo thööth ni marge beer, kaawat mana ö bäŋ leŋ luubö mar dhaanhø aciel na tïïc jiy mo thööth na jø raay.

Wëëlö Mana Göör Pøølli Baŋ Jø Röm 5:21

kiper nee met yi Jwøk tïme ni dwøŋŋa eni ki køør bëënynyö mano cööp ri kwøw mana näk adïëri mo bäŋ cuŋŋe ki køør Jecu Krictø na näk Kwääyø, kaawat mana ö raayi na dïïm jiy dïkwøŋ na känne ki thøø.

Wëëlö Mana Göör Pøølli Baŋ Jø Röm 9:30

?Agïnaŋø noo caanø nø? Juurre na kär løp køør bëënynyö, bëënynyö ajootge. Ni beeye bëënynyö man wø joot ki køør ŋäädhe.

1 Körin 1:30

Ni beeye eni na kïth uuni dëër Krictø Jecu, ŋata tïïc Jwøki na leec wïc marø, na näk ŋata jïëc ø kipere, ni cïp ø kur keerø na mo Jwøk, na wïïl ø wøk.

2 Körin 3:9

Kiper ni näk Ciik Modhe ni wø cïp ajäla ree da ajiem, ajiem tïïc man wø cïp bëënynyö doo dwøŋŋa eni.

2 Körin 5:21

Kiper ŋata kuc raay atïïe na ŋat raay kiperø, kiper nee ø bëënynyø ki beeny Jwøk ki køøre.

Galeecia 3:8

'Ba wëël Jwøk, na ŋäc gø cøøn dïkwøŋ ni juurre jïëc Jwøki jïëö ni marge beer ki køør ŋäädhe, luumma nyään na met akwøŋ køp jï Eeberam, ni kööe, ni «Beeye ïïni noo gwïëth wïth juurre bëët ki køørï.»

Galeecia 5:5

'Ba waani, wa jïta bëënynyö man ni ŋääthwa en, ki køør Jwïëc Jwøk ki ri ŋäädhe.

Pilipay 3:9

kiper naa joot naa ena dëëre, naa ba en dëëre kaper bëënynyö mana näk mara keera ni wø en ri ciik Jwøk, 'ba beeye bëënynyö man wø joot ki køør ŋäädhe ki ri Krictø, ni beeye bëënynyö man wø ööi ki baŋ Jwøk na näk ogöök ri ŋäädhe,

1 Piter 1:10

'Ba nyïïkuk Jwøk moa cäänö kiper muuy mana doo tïmö na maru, gena cää ni pëëge kiper pïëm manøgø man piem jiy ki gø.

2 Piter 1:1

Aana Cayman Piter na laŋŋø na nyïïatwiel Jecu Krictø, a määtha uuni, u na wëëk ŋäädhe mo röömi ki marwa ki ri beeny Jwøk marø, ge ki Pïëmi ma Jecu Krictø.