Wëëlö Mana Göör Pøølli Baŋ Jø Röm 2:9 - Wëël Jwøk

⁹ 'Ba da gïï mo leth ki gïï mo reyø mo pïï dëët jiy bëët mo wø tïïc gïno raac. Ni tägi ka jø Juuth këël mano këët baŋ jøw mo patha jø Juuth.

Wëëlö Mana Göör Pøølli Baŋ Jø Röm 2:9 Iomraidhean Croise

2 Luup Nyeye 6:23

beerra man wïnynyï gø ki maal ni ŋølï mar jiyï, ni jäälï ŋata mare raac, ni dwøgï gïna raac wïïe keere na tïïe, ni ŋunnï ŋata mare beer, ni duunnï jïre ki køør mare na beer.

Pwöc Leec Wïc 11:23

Gïn wø en cwïny jøøa beyø køøre wø thum na wøp, 'ba aŋuun ŋäädhe mar jøøa reyø beeye ajäla.

Edhikiel 18:4

Ka adïëri møn, jwïëy mo jiy bëët beege 'moa; jwïëy mo wëëe ki jwïëy mo obwöre beege 'moa ge bëët. Ŋat wø tïïö ki raay bee eni noo thøw.

Edhikiel 22:31

Kiper manøgønø, wëër mara kønynya bäätge ni puta ge thöör ki wëër mara ni wø liel kaamar maac, ni ö japa tïïcge bëët ni dwøga ge wïthge.» Luummögø caana Kwäärö Wuuö Jwøki.

Amøc 3:2

ni «Beege uuni keeru na näk yaa jierø røk tuŋi bëët moa en bäät piny; kiper manøgø nø, aano ööi ni cunna uuni ki køør gïïa reyø bëët na tïïyu.»

Mathiew 16:26

?Kiper agïnaŋø noo beer noo duui jï dhaanhø, ni näk mo piny bäre oci jïre, ni nyääk jwïëye? ?Wala agïnaŋø noo cïp dhaanhe ni wiila jwïëye?

Luk 24:47

ni ö løk cwïny ki wec raac jiy ni købi ki nyeŋŋe yïth mïëri bëët, ni tägi ka yi Jerucalem.›

Moa Tïïc Nyïïatwieli 11:18

'Ba na wïnyge luummögø, gena lïŋö ni jiemge Jwøk, ni köge, ni «Këël juurre thuwø awëëk Jwøki løk cwïny nee kwøw jootge.»

Moa Tïïc Nyïïatwieli 13:26

«Nyïïmera, u na wäät nyïïkwaac Eeberam, ki jøø ni en dïïu ni wø lwäär Jwøk yøø, beeye øøni na wëëk luum piem man.

Moa Tïïc Nyïïatwieli 20:21

naa cäänna jø Juuth ki jø Gïrïïk bëët kiper løk cwïny baŋ Jwøk, ki ŋääth Kwääyø ma Jecu Krictø.

Moa Tïïc Nyïïatwieli 26:20

'Ba akwøŋa køp jï jøøa en Damacka, køøre akøba yi Jerucalem ki yïth mïëri bëët mo Judia, ki jï juurre thuwø, nee wïthge cäŋge caarrø ni løøge rege baŋ Jwøk, ni tïïcge gïï mo orømø ki løk cwïny marge.

Moa Tïïc Nyïïatwieli 28:17

'Ba na tïme na køør nïne adäk, dïbwöthe mo jø Juuth moa en kaace acwöl Pøølli kanya ciel. 'Ba na nø öge kanya ciel, ena köö jïge, «Nyïïmera, këël na bëëde ni bäŋ gïn mo yaa tïïö dëët jø pøø wala dëët kööŋŋe mo kwäyø, aana twöc yi Jerucalem ni cïp aani ceŋ jø Röm.

Moa Tïïc Nyïïatwieli 28:28

«Kiper manøgø nø, wär ŋäyu nø, ni luum pïëm man piem jiy ki gø man en, na öö ki baŋ Jwøk, awëëk kïth baŋ juurre. Kiper geni ïthge cekge ciiø.» [

Moa Tïïc Nyïïatwieli 3:26

'Ba Jwøk na thïïŋ Wääde, akwøŋ jääŋ baŋu nee u gwïëdhe ni løga u yi rääö maru karubëët.»

Wëëlö Mana Göör Pøølli Baŋ Jø Röm 1:16

Kiper aani, wïïa ba laay ki luumma nyään na met, kiper beeye teek Jwøk ki man piem jiy bëët mo wø jïëy ni ŋääthge, ni tägi ka jø Juuth, këël mano këët baŋ jøw mo patha jø Juuth.

Wëëlö Mana Göör Pøølli Baŋ Jø Röm 10:12

Kiper bäŋ ajeeny yïthakic jø Juuth ki jøw mo patha jø Juuth. Kiper Uunögø na aciel enø beeye Wääge bëët, ni jap kwärö moe na thööth wø mëëge jø wø cøør nyeŋŋe bëët.

Wëëlö Mana Göör Pøølli Baŋ Jø Röm 2:10

'Ba beeye ajiem ki pwøc ki bëët-mëër noo cïp jï jiy bëët mo wø tïïc gïno beer. Ni tägi ka jø Juuth këël mano këët baŋ jøw mo patha jø Juuth.

Wëëlö Mana Göör Pøølli Baŋ Jø Röm 8:35

?Aŋa noo pää øøni ki mëëc Krictø? ?Aŋø, beeye gïïo leth noo jwørø, wala moo thäŋ yïthø ki ge, wala caannø, wala meel, wala wääth dëël, wala kany mo raac ma kar thøø, wala opëëllö?

Wëëlö Mana Göör Pøølli Baŋ Jø Röm 9:24

Ni beeye øøni na cwøle, ni patha ø keerø na en røk jø Juuth, 'ba këël ki røk juurre thuwø.

Galeecia 3:28

'Ba kawaane bäŋ ŋat Juuth wala ŋat Gïrïïk këët, ni bäŋe laŋŋø wala ŋat mo bëëdö ka wïïe keere, ni bäŋe thwønh wala maath, kiper uuna tïmö ni uuna aciel dëër Krictø Jecu.

Köløcia 3:11

'Ba ki ri bëëtö manøgø, bäŋ ŋat mo jeeny ni ena ŋat Gïrïïk, wala ŋat Juuth, wala ŋat mo odaŋø, wala ŋat mo kär daŋø, wala jur, wala jøw mo otaaø, wala laŋŋø, wala ŋat mo bëëdö ka wïïe; 'ba Krictø ena wïth jøøgø bëët, ni en cwïnyge bëët.

2 Thecalönika 1:6

Kiper ocaan Jwøki møn, ni beer jïre ki man cool kwöri dëët jø wø tïïc gïï mo leth dëëtu,

1 Piter 4:17

Kiper nïr løøk anø öö, ni tägi ka jø Jwøk. ?'Ba ni näk mo tägi ka øøni, a cuŋ mar jø wø ba leŋ luum Jwøk na nyään na met obëëde nidïï?