Wëëlö Mana Göör Pøølli Baŋ Jø Röm 2:8 - Wëël Jwøk

⁸ 'Ba mar jø wø ŋäc dëëtge keerge ni wø ba leŋ adïëri ni ge jïëya raay, beeye gootø ki wëër noo en nyïmge.

Wëëlö Mana Göör Pøølli Baŋ Jø Röm 2:8 Iomraidhean Croise

2 Luup Nyeye 6:23

beerra man wïnynyï gø ki maal ni ŋølï mar jiyï, ni jäälï ŋata mare raac, ni dwøgï gïna raac wïïe keere na tïïe, ni ŋunnï ŋata mare beer, ni duunnï jïre ki køør mare na beer.

Jööp 24:13

«Da jiy mo wø gëëmö ki tar, mo ge ba many man ŋäcge uutjïëthe mo gø, wala ki man ruuge waŋjööre.

Pwöc Leec Wïc 11:23

Gïn wø en cwïny jøøa beyø køøre wø thum na wøp, 'ba aŋuun ŋäädhe mar jøøa reyø beeye ajäla.

Pwöc Leec Wïc 13:10

Bëët koorrø wø duua lenye keerge, 'ba leec wïc wø ena baŋ jø wø jïëc pwöc.

Aydheea 50:10

?Aŋa dïïu ni lwäär ki Wuuö Jwøk, na jïëc luum dhaanhnhe mana näk ee jierø, ni cäädhi ka yi muudhö ni bäŋ tar jïre? Beerra man ö eni ni ŋääth Wuuö Jwøk, ni bëëde no ogöök ri Jwøk mare.

Jeremaya 34:18

'Ba aani, a tïïö ki gïn mo leth dëët jiy moa kaal gïna tuuda ki geni, na näk luumma tuutge nyïma kärge gwøø, ni beeye luumma tuutge kanya kakge nyirøøa ki dïëre ni pööthge ki dïëre ni ge laamma røkge;

Edhikiel 22:31

Kiper manøgønø, wëër mara kønynya bäätge ni puta ge thöör ki wëër mara ni wø liel kaamar maac, ni ö japa tïïcge bëët ni dwøga ge wïthge.» Luummögø caana Kwäärö Wuuö Jwøki.

Neeyam 1:6

?Aŋa ni løny jïre ki man cuŋŋe ki wëër mare? ?Na aŋa ni løny jïre ki man jïëny wëër mare ni wø liel kaamar maac? Wëër mare liela nyïme kaamar maac, ni ö kïte ni piinge nyïme.

Wëëlö Mana Göör Pøølli Baŋ Jø Röm 1:18

Kiper wëëc Jwøk onyoodhø ni ööi ki maal dëët jø wø ba wøør Jwøk bëët ki rääö mar jiy na thiel adïëri piny ki køør rääö marge.

Wëëlö Mana Göör Pøølli Baŋ Jø Röm 10:16

'Ba ïthge kärge ciiø bëët ki luumma nyään na met. Kiper acaan Aydheea, ni «?Wui Wuuö Jwøk, aŋa na jïëy ki luumma køpwa?»

Wëëlö Mana Göör Pøølli Baŋ Jø Röm 15:18

Kiper aani bäŋ gïn mør mo caana, 'ba tiirra gïna tïïc Krictø ki raa nee juurre døøc mo jïëy ki køør dwøl ki tïïc,

Wëëlö Mana Göör Pøølli Baŋ Jø Röm 6:17

'Ba pwøc en jï Jwøk kiper uuni na kwøŋ bëëtö na laaŋe mo raay, uuna tïmö nou leŋa pwöc ki cwïnynyu bäre, mana cïp jïïu,

Wëëlö Mana Göör Pøølli Baŋ Jø Röm 9:22

Këël na bëëde ni Jwøk manynya man nyooth wëëye nee teege tïïc ni ŋäc, ena tïmö ni poot bëëdö ni cwïnye ee cïp piny ki gïïo wëërö ki geni na rømø ki raanynyø,

1 Körin 11:16

'Ba nee da ŋat mo manynya man pïëme kiper gïn, bäŋ jöö mør mo ŋäcwa, këël ki yïth acook Jwøk.

2 Körin 12:20

Kiper a lwäär ni kanymør no ööa, u cwäna cwänö ki bëëtö mo patha mana manynya, ni jootu aani naa cäänö ki dwøl mo ba manynyu. Ni kanymør kanyøca jïtö ki pïëm, ki keec, ki wëër, ki ŋäc røk, ki raany nyeŋ ŋat mør, ki waac nyeŋ, ka atöör, ki dïlweel.

Galeecia 5:20

ki wøør juu møøk, ki thïëth, ki män, ki pïëm, ki keec, ki wëër, ki ŋäc røk keel, ki wëëye, ki pääŋ røk,

Pilipay 1:17

'Ba jø gwön ki jø pïëm moøgø, gïr Krictø wø køpge kaper dëëtge keerge, ni yïthge da atade, 'ba ege caarø noo lïnhnhi jïra, a ni en øt twöc en.

Pilipay 2:3

Ni bäŋe gïn mo tïïyu ki cøl cwïny wala atöör, 'ba beerra man caarru gïr jiy møga, ni beyø geni ki uuni, nou mwöl.

2 Thecalönika 1:8

ni cool kwöri dëët jøøa kuc Jwøk, ki moa taak luumma nyään na met mar Kwääyø ma Jecu.

Tayta 3:9

'Ba kwier pïëm bøøre, ki luup tiet tuŋi mo kwäre, ki wëëye, ki pïëm tiet luup mo ciik Jwøk. Kiper gïïögø reyø, ni bäŋ gïn duuge.

Ibaru 10:27

'Ba dööŋŋa lwäy ajäla mano en nyïm, ki maac mo liel ni raac døc, mano cam jø wø män ki Jwøk.

Ibaru 11:8

Ni beeye ŋäädhe, na ö Eeberammi na leŋ luubö kanya cwøli ni aa kanya wäŋŋi ni cøøa jïre no olaaw. Ni aae ni kanyo ci yie kuue.

Ibaru 5:9

'Ba ki køør mana tïïi no othur kare, ena tïmö na tier pïëm man piem jiy ki gø mana näk adïëri na bäŋ cuŋŋe jï jø wø leŋ dwøre bëët,

Jeemeth 3:14

'Ba ni näk mo cwïnynyu keec, ni ŋati man nø ŋäya dëëre keere, käru töödö ni tïmu nou kwiera adïëri mana dou ŋääö.

Jeemeth 3:16

Kiper kany wø näk yie da keec, ni ŋati man nø ŋäya ree keere, kanyøca jïtö ko okiera ki teeŋ tïïe moa reyø bëët.

1 Piter 3:1

Kaawat manøgø thuwø, u na mään, leŋŋu luup cwøw mou, kiper këël na bëët møøki ni luum Jwøk ba leŋge, nee ge jïëcge ki køør bëët määrge na beer ni bäŋ luubö mo caange,

1 Piter 4:17

Kiper nïr løøk anø öö, ni tägi ka jø Jwøk. ?'Ba ni näk mo tägi ka øøni, a cuŋ mar jø wø ba leŋ luum Jwøk na nyään na met obëëde nidïï?

Mana Nyooth 14:10

ŋatøgø thuwø, omäthi ki køøŋ nyïïomøki mar wëëc Jwøk, mo okøny yaa athöönh wëër mare, ni bäŋ gïn mo ojääbö ki gø. 'Ba eno caari ki maac, ki maac mør mo jïye keec ni lïëth døc nyïm nyïïatwiet maal na en kur keerge, ki nyïm Nyidiel.

Mana Nyooth 16:19

Ni ö paana dwøŋŋi ni kaaŋŋe na thäŋi adäk, ni ö mïëc pinynyi ni päthge, ni ö Jwøki ni par wïïe ki gïr Babiløn na dwøŋ, nee wëëk mäthö ya athöödhi na päŋ ki wëëye na raac døc.