Wëëlö Mana Göör Pøølli Baŋ Jø Röm 2:5 - Wëël Jwøk

⁵ 'Ba kiper cwïnyï na teek na ba maarï løk, ï känna riï ki wëër mo päl, yi cäŋo ö wëërri yie, kanyo ö ŋøl luup mar Jwøk na näk adïëri noo nyoodhi.

Wëëlö Mana Göör Pøølli Baŋ Jø Röm 2:5 Iomraidhean Croise

2 Luup Nyeye 30:8

'Ba ennø, kär wïthu døøyu mo teek kaawat mana tïïc kwäyu, 'ba beerra man wïnynyu luum Wuuö Jwøk, ni dønynyu kar bëëtö mare na en kur keere, na näk ee cïp kur keere na bäre bäre, ni tïnynyu Wuuö Jwøk, Jwøk maru, nee wëër mare ni wø liel kaamar maac nee paanye bäätu.

2 Luup Nyeye 36:13

Ni gëëme thuwø ki nyeya ma Nabukedenecör, ŋata tïïc gø nee kööŋe nyïm Wuuö Jwøk. Ni tïïc wïïe ki cwïnye ni teek ki man løø nyïme baŋ Wuuö Jwøk, Jwø Icriel.

Jööp 21:30

Kiper jø wø tïïc gïïa reyø, ge wø bøth cäŋ jwør gïï mo leth, ni piem geni yi cäŋ wëër mar Jwøk.

Bwøth Wøk 14:17

'Ba aani cwïny jø Ijep odøøya mo teek møn ni lämge køør jø Icriel; 'ba aani teek mara onyoodha ki ri Peerø ki lwaak mar leny mare bäre, ki jïëthe moe mo wø tut okwëënyi, ki jø okwëënyi moe.

Bwøth Wøk 32:34

'Ba ennø, ciï ni bwødhï jø Icriel kanya näk yaa caanø jïrï. Ka adïëri møn, nyïïatwiel maal mara ojääŋŋa nyïmï; 'ba kanyo tïme na kar ŋøl luup, kar kaaca nø bääyö marge oŋøla bäätge.»

Bwøth Wøk 8:15

'Ba kanya ö Peerø na neen gø ni piny oniwaany, cwïnye acäŋ døøc mo teek ni kweere ki man wïny mana caan Modhe ka Aran, kaawat mana kwøŋi ya Wuuö Jwøki caan jï Modhe.

Pwöc Leec Wïc 1:18

'Ba jøøgø, ge wø kønynya rem moge piny keerge, ni ge wø møør piny kaper jwïëy moge keerge.

Pwöc Leec Wïc 11:4

Jap kwärö dhaanhø ba kønyge cäŋ ajäla, 'ba bëët bëënynyö dhaanhø wø käle wøk cer thøø.

Pwöc Leec Wïc 28:14

Gwïëth en bäät ŋat wø bëëdö ni lwäära Wuuö Jwøk cooth, 'ba ŋat wø døøc cwïnye mo teek pätha yïth gïï mo leth.

Pwöc Leec Wïc 29:1

Ŋat wø jøgi cooth, ni luup poot di dhalø, ränynyö ocwöp dëëre, ni bäŋ gïn køny gø.

Luup Dïpööy 12:14

Kiper Jwøk jammi bëët kïthe kar ŋøl mare, ni beege jammi bëët moa näk tietge okanø, nee raac wala beer.

Aydheea 48:4

Kiper ŋääa ni cwïnynyu teek, ni wïthu teek kaamar nywïënyö, ni teek wïc maru caala nywïënyö ma jwïël.

Jeremaya 40:3

'Ba ennø, Wuuö Jwøk gïnögø akäl bäät paani en, ni tïïc gø kaawat mana caane. Gïn atägö dëëtu kiper mana tïïu ki raay dëër Wuuö Jwøk, ni käru dwøre wïnynyö.

Edhikiel 11:19

Aani ge mooa mooø ki cwïny aciel ni mooa dëëtge ki jwïëy mo nyään; cwïnynyi moge na caal kïte käla wøk dëëtge ni mooa geni ki cwïnynyi mo jööm kaamar rïŋö.

Edhikiel 3:7

'Ba jø Icriel ge poot kweer ki man wïnyge luummï, kiper geno nø kweer ki man wïnyge luumma. Ka adïëri møn, jø Icriel bëët gena jiy mo wïthge teek ni cwïnyge teek.

Daniel 5:20

'Ba kanya tïm cwïnye ni ena maal ka atöör, ni jwïëy moe bëënna koorrø, ni töödö bäät jiy, ena käl wøk ki bäät wäl nyec mare, ni ö ajiemmi mare ni lwøri baŋe.

Odheea 13:12

«Gïïa reyø na bac dhi øt Ipariem anø göör piny, ni ö wëëlö mana gööri yie ni nø kani kar kän.

Amøc 3:10

Jøøgø tïïc gïn mo beer kucge, jøøa näk jap twëër ki gïïa jaaŋge ceŋ jiy ege cooŋ piny yïth uudi moge na teek.» Beeye Wuuö Jwøk ni cäänö enø.

Wëëlö Mana Göör Pøølli Baŋ Jø Röm 1:18

Kiper wëëc Jwøk onyoodhø ni ööi ki maal dëët jø wø ba wøør Jwøk bëët ki rääö mar jiy na thiel adïëri piny ki køør rääö marge.

Wëëlö Mana Göör Pøølli Baŋ Jø Röm 11:25

'Ba nyïïmera, a manynya uuni man ŋäyu gïn en na näk tiere okwøŋ kan, kiper nou ba töödu ni reegø nyeŋŋu. Kiper thäk jø Icriel møøk cwïnyge adøøc mo teek këël mano ci kwään juurre moa wäŋŋi yie.

Wëëlö Mana Göör Pøølli Baŋ Jø Röm 9:22

Këël na bëëde ni Jwøk manynya man nyooth wëëye nee teege tïïc ni ŋäc, ena tïmö ni poot bëëdö ni cwïnye ee cïp piny ki gïïo wëërö ki geni na rømø ki raanynyø,

2 Körin 5:10

Kiper øøni bëët ø cuŋŋö nyïm thunh løøk mar Krictø, nee ŋati man nø jïte ki gïno joode na näk orømø ki gïïa tïïe na en ri dëël, nee gïï mo beyø, wala gïï mo reyø.

Tiet Ciik 2:30

'Ba Cëëwön nyeny Ëcbön kär jïëy ki man pöödhø ki dï paare, kiper Wuuö Jwøk na näk Jwøu wï Cëëwön nyeny Ëcbön adøøc mo teek, ni tïïc cwïny gø ni teek, kiper nee eni cïp ceŋŋu, kaawat man bëëde dïcäŋi en.

Tiet Ciik 32:34

«'Ba Wuuö Jwøk aköö, ‹?Aŋø, gïr nyïïmän moøgø patha yaa kan cwïnya cøøn, ni luumge yaa göör piny yi wëëlö mara?

2 Thecalönika 1:5

'Ba manøgø nyootha gø ni ŋøl mar Jwøk beeye adïëri, nou tïmu ni uuno rømø ki buc Jwøk, ni beeye ni jwørru gïïögø kipere.

Ibaru 3:13

'Ba beerra man köömmu røgu keeru cooth, kany poode na dïcäŋi en, nee bäŋe ya dhaanhø aciel dïïu mo cwïnye tïmö ni teek kiper mano cøøgi ya raayi.

Ibaru 3:15

kaawat mana no ogöörö, ni «Dïcäŋi en, noo wïnynyu dwøre, kär cwïnynyu døøyu mo teek ni caala dïcäŋ mar ageem.»

Ibaru 4:7

ena cäŋ cïpö ki cäŋ mør, kiper nee jø møøk dønyge yie. Ni beeye dïcäŋi en, na caane cään ki ri Deebit køør mana näk ee caanø cøøn. Ni beeye luupi ii na nø caan en, ni «Dïcäŋi noo wïnynyu dwøre, kär cwïnynyu døøyu mo teek.»

Jeemeth 5:3

Ni ö warkie mou ki gwet-bïrö mou ni cami ya nyalli. 'Ba nyal marge otïmö na nyuudhi mo jääla uuni, ni waaŋ dëëtu keda maac. Uuna känö ki jammi kiper nïr cuŋ piny.

Jøcua 11:20

'Ba beeye Wuuö Jwøk na tïïc cwïny jøøgø ni teek, nee öge baŋ leny ki jø Icriel, nee wïthge put dïïr na bäre bäre ni bäŋ bäth ec mo onyoodhø jïge; 'ba wïthge aput dïïr, kaawat mana ö Wuuö Jwøki na kööm Modhe.

2 Piter 2:9

'Ba ni näk eni na Wuuö gïïögø ee tïïö bëët, ŋääe ki man piem jø wø wøør Jwøk ki gïï wø pääny geni, ni maa jøøa reyø kar pöödö këël dïcäŋo ŋøl luup yie.

2 Piter 3:7

Ni poot na dwørøgø, ni piny ki maal ni nut ii, ge bëëdö ni ge bëënna maac, ni geno wiiø këël dïcäŋo ŋøl luup yie, cäŋ mano raany jø wø ba wøør Jwøk.

Juut 1:6

Ni eni, nyïïatwiet maal moa kwier kwör kööre moge, na wec kanya beer na beetge, awii yi tööc mana näk bäŋ cuŋŋe kany mo cøl døc, këël mano ŋøl luup dïcäŋo dwøŋ.

Mana Nyooth 2:21

Ena wëënna ki nïne nee cwïnye løøe, 'ba eni kweeyø ki man løk cwïnye ni wec käp mare.

Mana Nyooth 6:17

Kiper cäŋa dwøŋ na näk mar wëër marge apïï. ?Na aŋa noo maar cuŋŋö?»

1 Camiel 6:6

?Aperŋø na tïïyu cwïnynyu ni teek kaawat mana tïïc jø Ijepi ki nyenyge ma Peerø na døøcge cwïnyge mo teek? ?A kanya ö Jwøki na nyooth teek mare bäätge, jø Icriel kärge wiiø nee aacge, ni ö jiyi ni putge tïŋŋö?