Wëëlö Mana Göör Pøølli Baŋ Jø Röm 2:4 - Wëël Jwøk

⁴ ?Aŋø, met yi Jwøk na päl na bëëde ni cwïnye ee cïp piny ni ba laar jøømø iï taaø? ?Aŋø, kuyï ni met yi Jwøk beeye kiper nee cwïnyï løgï?

Wëëlö Mana Göör Pøølli Baŋ Jø Röm 2:4 Iomraidhean Croise

Bwøth Wøk 34:6

Køøre eni na Wuuö Jwøk apöödhö ki nyïm Modhe, ni cäänö, ni «Beeye aani na Wuuö Jwøk, Jwøa näk yie bäth ni wø nyooth met ec mare jï jiy, ni wø ba laar wëër, ni mëëye ni wø ba jøøl päl, na adïëri mare okadhø;

Luup Dïpööy 8:11

'Ba kany wø bëëde ni luum ŋat mo otïïö ki gïï mo reyø kär laar ŋøl, cwïny jiy bëëdö ni päŋ ki man tïïge ki gïï mo reyø thuwø.

Aydheea 30:18

'Ba Wuuö Jwøk poot manynya uuni ki man cäŋ mëër mare nyoothø jïïu, ni poot koora uuni ki maal ki man nyooth bäth ec mare jïïu. Kiper Wuuö Jwøk beeye Jwø adïëri. Gwïëth en bäät jiy bëët mo wø bëëdö ni koora eni.

Jeremaya 7:10

'Ba u wø öö ni cuŋŋu nyïma yi øtø man ni wø cwøl ri nyeŋŋa en, ni kööu, ni «Waani, wa piem Jwøki piemø.» ?Aŋø, u piem kaper nou bëëdö nou tïïya gïï mo yia raac ki ge?

Edhikiel 11:19

Aani ge mooa mooø ki cwïny aciel ni mooa dëëtge ki jwïëy mo nyään; cwïnynyi moge na caal kïte käla wøk dëëtge ni mooa geni ki cwïnynyi mo jööm kaamar rïŋö.

Edhikiel 16:63

Køøre nø, noo wëënna ïïni ki japa reyø bëët na tïïyï, wïïï oparï ni lää wïïï, ni ba japï dhiï këët kiper lään wïc marï.› » Luummögø caana Kwäärö Wuuö Jwøki.

Odheea 3:5

'Ba noo tïme na køør gïïögø, jø Icriel geno duui ni manyge Wuuö Jwøk, Jwøk marge, ni manyge nyeya marge ma nyikwaar Deebit. Geno duu baŋ Wuuö Jwøk ni dëëtge kwanynyi ki lwär kiper gwïëth mare mano en ya aŋuun nïne.

Joona 4:2

Ni läme jï Wuuö Jwøk ni kööe, «?Wui Wuuö Jwøk, aŋø, manøgø patha gïna caana kanya pooda naa ena powa? Beeye tiere na reŋŋa Tarcëc, kiper ŋääa ni ïïna Jwø wø nyooth met ec, ni ïïna Jwø mëër, niï bäŋ wø laar wëër, ni mëër marï päl ni ba jøøl, ni cwïnyï wø warï warø ki gïn mo leth.

Kwään Jiy 14:18

ni ‹A na Wuuö Jwøk a ba laar wëër, ni mëëya ni wø ba jøøl päl, ni ŋat mo obääyö ki ŋat ma adhala wëënna wëënnö. 'Ba ŋat raay poot ba wiia ka ajäla, ni raay moa tïïc wëëe poot coola coolø dëët obwöre moge, këël mano pïïe dää beenhnhe wala ŋweer beenhnhe.›

Wëëlö Mana Göör Pøølli Baŋ Jø Röm 10:12

Kiper bäŋ ajeeny yïthakic jø Juuth ki jøw mo patha jø Juuth. Kiper Uunögø na aciel enø beeye Wääge bëët, ni jap kwärö moe na thööth wø mëëge jø wø cøør nyeŋŋe bëët.

Wëëlö Mana Göör Pøølli Baŋ Jø Röm 11:22

Neen bäth yi Jwøk ki teek dwøre, ni beeye dwøl mo teek kiper jøøa pädhö, 'ba beeye bäth yi Jwøk kiperï, ni näk miï puta bëëtö yi bäth ec mare. 'Ba ni näk miï ba bëëdö ree, ï ŋula wøk thuwø.

Wëëlö Mana Göör Pøølli Baŋ Jø Röm 11:33

Wui, a teeŋ kwäya ŋø ni en jï Jwøk en, ki leec wïc ki ŋäc jammi bëët! A teeŋ ŋøla ŋø ni tiere ba maar kwany na en jïre, ki uutjïëthe mo tietge ba maar joot!

Wëëlö Mana Göör Pøølli Baŋ Jø Röm 3:25

ŋata kïth Jwøki nyïm no olämi ki køør remme, na doo jïëö ki køør ŋäädhe. Manøgø atïïc kiper nee ŋøl luup mar Jwøk na näk adïëri nyoodhe, kiper na kwøŋ bëëdö ni cwïnye ee cïp piny ni käre raay moa dïkwøŋ kwaan.

Wëëlö Mana Göör Pøølli Baŋ Jø Röm 6:1

?Agïnaŋø noo caanø nø? ?Aŋø, ø doo puta bëëtö yïth raay, nee met yi Jwøk pälle?

Wëëlö Mana Göör Pøølli Baŋ Jø Röm 6:15

?Agïnaŋø nø? ?Ø doo bääö kiper mana bëënnø met yi Jwøk ni ø ba bëën ciik Jwøk këët? Ba doo løny.

2 Körin 8:2

Kiper këël na pääny geni ki gïna leth na pïï dëëtge, yïthge poot met døc ni cïpge ki jammi mo thööth ki bäth ec, këël na cange døc.

Epeca 1:18

ni jap nyeŋ mo cwïnynyu kiper nou tïmu nou ŋäya ŋäädhe mana en nyïm mana cwøl u kipere, ni ŋäyu dööŋ olaaw mare na näk ree da ajiem mo bäŋ teeŋe ni wø en jï jø Jwøk,

Epeca 1:7

Ni beeye ki køøre na wïïl øøni wøk ki køør remme, ni wec moa dhalø ki met yie na dwøŋ

Epeca 2:4

'Ba Jwøk ni wø kunyö døc, këël na bëëdø ni øøno thøw ki køør gïïa dhalø, øøna døøc mo kwøw ki Krictø na aciel ki køør mëër mare na päl na mëëre ki øøni. Kiper beeye met yi Jwøk na piem uuni.

Epeca 2:7

kiper nee met yie na päl na bäŋ teeŋe nee nyoodhe jïïø ki bäth ec ki ri Krictø Jecu yi piny mano ööi.

Epeca 3:16

naa lämö nee u wëëk tëënnö ki teek mano ööi ki køør Jwïëye ki yïth cwïnynyu, keda mana päl ajieme,

Epeca 3:8

'Ba aani, këël na thiinh kara døc dï jø Jwøk bëët, met ec manøgø awëëk aani, nee gïr kwär mar Krictø na näk bäŋ teeŋe køba jï juurre,

Pilipay 4:19

'Ba Jwøa uuno kønye ki gïïo manynyu bëët, kaawat mana näk eno kwär ka ajiem ki ri Krictø Jecu.

Köløcia 1:27

'Ba gïna nyooth Jwøki jïge ki met yie, beeye ni moa beyø døc na näk rege da ajiem, na en ri luumma näk tiere okwøŋ kan, awëëk pällö dï juurre; ni luummögø beeye ni Krictø ena cwïnynyu, ŋata näk gïïa beyø na en nyïm ŋääth ka ree.

Köløcia 2:2

Kiper a doo naa manynya geni man jïtge ki cøm cwïny, kaawat mana kuutge bëët ki mëër, nee gïna näk tiere okwøŋ Jwøki kan, na näk beeye Krictø, nee kwanyge ki pälle bäre, ni ci cwïnyge døøc,

1 Timöthi 1:16

'Ba aana køny, a na näk wïth jø raay, kiper nee Jecu Krictø nee cwïnye na näk ee cïp piny ki kare bäre, nee nyoodhe ki raa, nee tïme na jöö jï jø wø jïëy ni ŋäätha eni kiper kwøw mana näk adïëri mo bäŋ cuŋŋe.

1 Timöthi 6:17

'Ba jøøgø no okwär yi piny man en, kööm geni nee ba töötge, ni ba ŋääthge jap kwärö moge. 'Ba beerra man ŋääthge Jwøk, eni ni wø cïp jammi bëët jïïø nee yïthø mïnge.

1 Piter 3:20

jøøa dhal luubö dïkwøŋ kanya bëët Jwøki ni cwïnye ee cïp piny ni kurö yïth nïr Nöa, kanya tïïc jääy, jääna piem jøøa nøk keerge na näk abära ki thøw pïï.

2 Piter 1:11

'Ba uuno wëëk jöö mo päl man dønynyu yi buya näk bäŋ cuŋŋe mar Kwääyø na näk Pïëmi ma Jecu Krictø.

2 Piter 3:15

Ni ŋäyu gøøni ni koor mar Kwääyø ni bëëdö ni cwïnye ee cïp piny beeye kiper nee ø piem. Ni beeye mana göör cöögø ma Pøøl na näk omëëyø jïïu, ki køør leec wïc mana wëëk eni,

2 Piter 3:3

'Ba beerra man kwøŋu gïn ŋäc, ni kanyo tïme na aŋuun nïne, jø abuua oööi ni ge buuö, ni ge caatha køør gïïa reyø ni wø many cwïnyge,

2 Piter 3:9

Kiper Wuuö ba dwiil ki mana buue, keda man wø caan jø møøki ni dwiil, 'ba eni poot koora uuni ni cwïnye ee cïp piny, ni bäŋ ŋat manynye nee ränynye, 'ba eni manynya jiy bëët nee thumge ri løk cwïny.

Mana Nyooth 2:21

Ena wëënna ki nïne nee cwïnye løøe, 'ba eni kweeyø ki man løk cwïnye ni wec käp mare.

Mana Nyooth 3:20

'Ba neenï, a cuŋŋa dhi øtø, naa dööŋö. 'Ba ni näk da ŋat mo wïnynya dwøra, ni jap dhi øtø, a cøøa baŋe, ni cäma ki eni, ni ö eni ni cäme ki aani.