Wëëlö Mana Göör Pøølli Baŋ Jø Röm 2:3 - Wëël Jwøk

³ ?A ï na dhaanhø nø, iï caarø ni kany wø ŋølï jø wø tïïc teeŋ gïïögø wøk, niï poot tïïya geni ki dëërï, niï doo bøth ki mano ŋøl Jwøki piny?

Wëëlö Mana Göör Pøølli Baŋ Jø Röm 2:3 Iomraidhean Croise

2 Camiel 10:3

jø Amön moa kwörge døøŋŋø aköö jï nyenyge ma Anun, na «?Aŋø, ki jïrï ni Deebit wøøra wäru, na jääŋ baŋï ki jiy mo cøm cwïnyï? ?Aŋø, Deebit jiye ba jääŋŋe baŋï kaper nee pääny raŋge ni marge lïëw nee tukge yi nyïme?»

Jööp 35:2

na «?Aŋø, iï caarø ni beeye gïn ma kare ki man kööï ni bëëtö marï tiir ki nyïm Jwøk?

Pwöc Leec Wïc 11:21

Ka adïëri møn, ŋata raac bäŋ wø kääŋi ka ajäla, 'ba nyïïkwaac jøøa marge beer di piemø.

Pwöc Leec Wïc 16:5

Wuuö Jwøk yie raac ki jiy bëët moa näk cwïnyge da atöör; ka adïëri møn, geni, ge ba bøth ka ajäla.

Edhikiel 17:15

'Ba nyeya agëëmö ki ŋata cuum gø, ni jääk Ijep ki jiye nee känge ko okwëënyi ki jø leny mo thööth. ?A ennø, gïnögø thura kare jïre? ?Ŋat wø tïïc teeŋ gïïögø bøth ka ajäla? ?A eni, løny jïre ki man raany luubö mana näk ee tuudö ni bødhe ka ajäla?

Edhikiel 17:18

Eni luumma kööŋe kipere ataae, ni raany luumma tuude; 'ba kiper mana tïïc gïïögø bëët ni cere ee nø cïp, eni ba bøth ka ajäla.

Daniel 10:19

Ni kööe, ni «Wui dhaanhø, ï na näk owøørø døc, kärï lwäyö. Bëëdï ni dëërï jööt. Bëëdï niï teek, ni cwïnyï da cer.» 'Ba kanya nø cään aani ennø, aana put jïtö ki teek, ni kööa, ni «Kwääya, beerra man caanï gïna diï caanø, kiper ïïni, dëëra amooyï ki teek.»

Mathiew 23:33

?U na thwöre, ni nägu nyïï thwöre, uuno bøthu nidïï ki man ŋøl ajäl maac bäätu?

Mathiew 26:53

?Aŋø, iï caarø ni ba løny jïra ki man kwaa Wära, ni put jääŋ baŋa ki nyïïatwiet maal mo thööth mo ba løny ki kwaan?

Luk 12:14

'Ba Jecu aköö jïgø, ni «?Nyie, aano tïïya ŋa na dïŋut luup wala dïpääy jïïu?»

Luk 22:58

'Ba ki nyi kany mo thiinh, acäŋ ŋat mørri jootø, ni kööe, ni «Ï ena røkge thuwø.» 'Ba Piter aköö, «A path, nyie.»

Luk 22:60

'Ba Piter aköö, ni «Nyie, gïnö ni carï enø, kuua.» 'Ba kanya poode ni cäänö, gwienø aput köö.

Wëëlö Mana Göör Pøølli Baŋ Jø Röm 1:32

'Ba këël na ŋäcge luumma cem Jwøki, ni jø wø tïïc teeŋ gïïögø, marge wø rømi ka thøø, ge poot bëëdö ni ge tïïya teeŋ gïïögø, ni ge jïëy ki jø wø tïïc teeŋ gïïögø thuwø.

Wëëlö Mana Göör Pøølli Baŋ Jø Röm 2:1

Kiper manøgønø, ï na dhaanhø, këël mo ïïna ŋa cøøn, kany wø ŋølï luum dhaanhø mør piny, riï ba diï maara piem. Kiper kany wø ŋølï luum dhaanhø mør piny, ï jääla riï. Kiper ïïni ni wø ŋut piny, ï poot bëëdö niï tïïya gïïögø ki dëëtge.

Wëëlö Mana Göör Pøølli Baŋ Jø Röm 2:2

'Ba ŋääø ni ŋøl mar Jwøk kany wø ŋøl jø wø tïïc teeŋ gïïögø wøk, mare beeye adïëri.

Wëëlö Mana Göör Pøølli Baŋ Jø Röm 9:20

?'Ba ï na dhaanhø, ïïna ŋa na doo dwök baŋ Jwøk? Gïn mo ocwääö doo köö jï ŋata cwääc gø, na «?Aŋø ni cwääyï aani na ennø nø?»

1 Thecalönika 5:3

Kanyo kö jiyi ni «Kawaane nuta bëët-mëër ni bäŋ thøø këët,» kanyøgø beeye kanyo ö thøøe noo neelïm bäätge kaamar dhaagø mo yie da dhaanhø mo ogøøc mäc lwaarri, ni bäŋ ŋat mo bøth.

Ibaru 12:25

Gwøgu rou nou ba kweerru ki ŋatøgø ni cäänö enø. Kiper ni näk jøøka kär bøth kanya kwierge ŋata kööm geni piny, ø ba bøth na bäre bäre ni näk ŋat wø kööm øøni ki maal yøø kwierø.

Ibaru 2:3

?a øøni, øøno bødhø nidïï, ni näk teeŋ pïëm man piem jiy ki gø manø ni dwøŋ enø yøø wiiø? Kiper akwøŋ Kwäärö køp, ni ö jøøa wïny dwøre ni nyoothge gø jïïø ni beeye adïëri.