Wëëlö Mana Göör Pøølli Baŋ Jø Röm 2:29 - Wëël Jwøk

²⁹ 'Ba dhaanhø wø tïmö ni ena ŋat Juuth ma adïëri kiper man wø en cwïnye. Ni daŋ ma adïëri beeye gïn mo ena cwïny, na gïr jwïëy ni patha gïn mo tïïc ka cenø. Ni pwøc mare ba käl baŋ jiy, 'ba käla baŋ Jwøk.

Wëëlö Mana Göör Pøølli Baŋ Jø Röm 2:29 Iomraidhean Croise

1 Luup Nyeye 29:17

Wui ï na Jwøk mara, ï ŋääa ni cwïny jiy nëënö jïrï, ni mëëyï wø nyoothï nyoodhø jï jøøa cwïnyge thïïŋ. 'Ba aani ki køør leec cwïny mara, gïïögø bëët acïba ki met ec mara. 'Ba ennø, jiyï moi ni kany ii ajooda ni ge cïpö jïrï ki muuce ki met ec.

Jeremaya 4:14

Wui, u jø Jerucalem, pïnyu raay wøk cwïnynyu, kiper nou piem. ?A këël kany mo nyïëdi nø noo bëët acaare mou na reyø cwïnynyu?

Jeremaya 4:4

U na cwøw Jerucalem ki mo dï Juuda bäre, wëëgu cwïnynyu daŋ nou cïpa dëëtu jïra, a na Wuuö Jwøk, ni kälu dupa mana raac wøk cwïnynyu, kiper nee wëër mara na liel na wääŋö kaamar maac mo bäŋ ŋat lønye jïgø ki bïp ba käla bäätu kiper gïïa reyø na tïïyu.

Jeremaya 9:25

'Ba Wuuö Jwøk aköö, ni «Ennø, da cääŋŋe moo ööi kanyo jääla jøøa näk odaŋø, na näk cwïnyge kärge cïbö jïra,

Luk 11:39

'Ba Kwäärö aköö jïgø, ni «U na jø Paricith, u wø peny ŋää awal ki ŋää athaa, 'ba yïthu päŋ ki møt ki raay.

Luk 17:21

Ni jiy ba doo köö, ni ‹Neennu, beeye eni en,› wala ‹Eni ice.› Kiper buc Jwøk ena dïïu.»

Jøøn 12:43

Kiper ge mëër ka pwøc jiy, ni kaala pwøc mar Jwøk.

Jøøn 4:23

'Ba kare anø cäännö, ni beeye kawaane en, kanyo ö jø wø lämö na adïëri, noo lamge Wuuö ki cwïnyge na adïëri. Kiper beege teeŋ jøøgø wø many Wuue nee eni lamge.

Jøøn 5:44

?Uuno jïëyu nidïï ni näk mou poot caya pwøc dhaanhø mør, nou ba cac pwøc man wø ööi ki baŋ Jwøk na näk aciel keere?

Wëëlö Mana Göör Pøølli Baŋ Jø Röm 14:17

Kiper buc Jwøk paa per cam ki maath, 'ba beeye bëëtö mo beer, ki bëët-mëër, ki met ec ki ri Jwïëc Jwøk na en kur keere.

Wëëlö Mana Göör Pøølli Baŋ Jø Röm 2:27

Kiper manøgønø, jø wø näk kär daŋø, 'ba ciik Jwøk ege gwøø, uuno jäälge kiper man bëëdu en nou poot dhala ciik Jwøk, këël na bëëde ni ciik Jwøk ki luum daŋ nut baŋu.

Wëëlö Mana Göör Pøølli Baŋ Jø Röm 3:1

?'Ba ni näk enøgønø, agïnaŋø nø ni beer jï jø Juuth ni kaala jø møøk? ?Wala agïnaŋø na duu daŋŋi?

Wëëlö Mana Göör Pøølli Baŋ Jø Röm 7:6

'Ba kawaane øøna dööŋ wøk ri ciik Jwøk, ni thøø jï gïna kwøŋ øøni mak ki teek, ni tïme ni ø ba tïny luubö mana kwøŋ göör na näk oruuö, 'ba ø tïnynya kwøw mana nyään na en ri Jwïëc Jwøk.

1 Körin 4:5

Kiper manøgønø, käru ŋut piny ni kanya wäŋŋi poodi, ni Kwäärö poot kär öö, ŋato wëëk jammi nëënne, moø no okanø yi muudhö yøø, ni nyooth tiet luup moa en cwïny jiy. 'Ba kanyøgø jiy bëët ojïti ki pwøc mano wëëk Jwøki geni.

1 Körin 7:19

Kiper daŋ wala bäŋ daŋ bäŋ gïn tïïcge, 'ba beeye gwøk luup moa cem Jwøki keerge.

2 Körin 10:18

Kiper paa ŋat wø nyooth dëëre ni wø jïëc, 'ba beeye ŋat wø nyooth Wuue.

2 Körin 3:6

ŋata wëëk wa rømø ki man tïnywa luubö mana nyään na tuut Jwøki ki jiy, na näk patha ciik mo ogöörö, 'ba ena ri mo Jwïëc Jwøk. Kiper ciik mana näk ogöörö wø duua thøø, 'ba Jwïëc Jwøk wø cïpa kwøw.

Tiet Ciik 10:16

Ennø, wiillu cwïnynyu ni tïmu nou bëënna eni, ni ba bëëdu ni wïthu teek këët.

Tiet Ciik 30:6

'Ba Wuuö Jwøk na näk Jwøu cwïnynyu ki cwïny nyïïkwaayu wiile wiilø nou mëërru ki eni, e na Wuuö Jwøk na näk Jwøu, ki cwïnynyu bäre ki jwïëyu bäre, kiper nou bëëdu nou kwøw.

Pilipay 3:3

Kiper øøni, øøna jøøa daŋ na adïëri, ni wø wøør Jwøk ki ri Jwïëy, ni ø töödö ka ri Krictø Jecu, ni ø ba ŋääth mo dëël na bäre bäre.

1 Thecalönika 2:4

'Ba wa wø cäänö kaawat mana ö Jwøki na jïëc waani ki man caanwa luumma nyään na met, ni paa nee yïth jiy døøcwa mo met, 'ba wa wø tïïya mo wø mïn yi Jwøki ki ge, ŋat wø pääny cwïnywa.

1 Piter 3:4

'Ba wøp maru wär tïme na mööl ki lïŋŋe ni en cwïnynyu ni wø ba ränynyi, ni beege ni mïërö ki waŋ Jwøk.

1 Camiel 16:7

'Ba Wuuö Jwøk aköö jï Camiel, ni «Kärï raŋ dëër dhaanhø jaak wala bäye, kiper eni yaa kwierø. A na Wuuö Jwøk, raŋ mara ba caal raŋ mar dhaanhø; kiper dhaanhø, raŋŋa dëër dhaanhø wøk jaak, 'ba a na Wuuö Jwøk, a raŋŋa cwïny dhaanhø.»