Wëëlö Mana Göör Pøølli Baŋ Jø Röm 2:27 - Wëël Jwøk

²⁷ Kiper manøgønø, jø wø näk kär daŋø, 'ba ciik Jwøk ege gwøø, uuno jäälge kiper man bëëdu en nou poot dhala ciik Jwøk, këël na bëëde ni ciik Jwøk ki luum daŋ nut baŋu.

Wëëlö Mana Göör Pøølli Baŋ Jø Röm 2:27 Iomraidhean Croise

Mathiew 3:15

'Ba adwøk Jecu jïre, ni «Wec manøgø kawaane. Kiper beer jïïø ki man wëëgø moa many Jwøki bëët thur karge na ennø nø.» Kanyøgønø, Jøøn ajïëy.

Moa Tïïc Nyïïatwieli 13:22

'Ba na nø käl gø wøk, Deebit athïïŋe nee tïme na nyeya jïge, ŋata cääne kipere, na kööe, ni ‹Cwïny Deebit o Jeci ajooda ni ena dhaanhø mo cwïnye ena baŋa, ni beeye ŋato tïïc gïïo manynya bëët.›

Wëëlö Mana Göör Pøølli Baŋ Jø Röm 13:10

Mëër bäŋ gïn mo raac mo tïïe dëër ŋat mør. Kiper manøgønø, mëër beeye wø thöör ciik Jwøk.

Wëëlö Mana Göör Pøølli Baŋ Jø Röm 2:15

ni manøgø, ge nyootha gø ni moa caan ciik Jwøki ogöör cwïnyge, ni cwïnyge wø cara gø thuwø ni da ciik Jwøk.

Wëëlö Mana Göör Pøølli Baŋ Jø Röm 2:20

na dïtiit luup mo jøøa bäŋ wïdhi, na dïpööy mar obwöre, ni moa doo ŋäc dhaanhe, ki mana näk adïëri, iï joodø ri ciik Jwøk,

Wëëlö Mana Göör Pøølli Baŋ Jø Röm 2:25

'Ba daŋ beeye gïn mo beer møn ni näk mo ciik Jwøk iï gwøø. 'Ba ni näk ciik Jwøk dhalï dhalø, daŋ marï tïmö ni rööma ŋat mo kär daŋø.

Wëëlö Mana Göör Pøølli Baŋ Jø Röm 2:26

?'Ba ni näk ŋat mo kär daŋø luup moa caan ciik Jwøki wø gwøe gwøø, aŋø, mare na käri daŋø ba jïëc ni daŋ?

Wëëlö Mana Göör Pøølli Baŋ Jø Röm 2:29

'Ba dhaanhø wø tïmö ni ena ŋat Juuth ma adïëri kiper man wø en cwïnye. Ni daŋ ma adïëri beeye gïn mo ena cwïny, na gïr jwïëy ni patha gïn mo tïïc ka cenø. Ni pwøc mare ba käl baŋ jiy, 'ba käla baŋ Jwøk.

Wëëlö Mana Göör Pøølli Baŋ Jø Röm 3:30

Kiper Jwøk aciel. Ni eni jøøa näk odaŋø ojïëe ni marge beer ki køør ŋäädhe marge, ni jïëc jøøa näk patha odaŋø ni marge beer kiper ŋäädhe marge.

Wëëlö Mana Göör Pøølli Baŋ Jø Röm 8:4

Ni manøgø tïïe kaper nee bëënynyö mana many ciik Jwøki nee thur kare dëëtø, ø wø caath køør Jwïëc Jwøk ni patha køør mo dëël.

1 Körin 7:19

Kiper daŋ wala bäŋ daŋ bäŋ gïn tïïcge, 'ba beeye gwøk luup moa cem Jwøki keerge.

2 Körin 3:6

ŋata wëëk wa rømø ki man tïnywa luubö mana nyään na tuut Jwøki ki jiy, na näk patha ciik mo ogöörö, 'ba ena ri mo Jwïëc Jwøk. Kiper ciik mana näk ogöörö wø duua thøø, 'ba Jwïëc Jwøk wø cïpa kwøw.

Galeecia 5:14

Kiper ciik Jwøk ki kare bäre wø thur kare ka ri luubö aciel, ni «Ï doo mëër ki ŋat mør kaawat man wø mëërï ki dëërï.»

Epeca 2:11

Kiper manøgønø, parru wïthu ni u nywöli ni uuna juurre dïkwøŋ, nou cøøri nou patha odaŋø ki jï jøøa näk odaŋø, ni beeye daŋ man wø tïïc ki cenø dëël.

2 Timöthi 3:15

kaawat mana kwanyï weet Jwøk na en kur keerge na ööï ki gø ki thïnhö, ni wø løny ki man pwönyge ïïni ki jöör pïëm man piem jiy ki gø ki køør ŋäädhe na en ri Krictø Jecu.

Ibaru 11:3

Ni beeye ŋäädhe ni ŋääø gø ki man näk mo piny cwääc ka dwør Jwøk, ni tïme ni gïï wø nëëni ii, cwääca ri gïï mo ba nëëni.