Wëëlö Mana Göör Pøølli Baŋ Jø Röm 2:25 - Wëël Jwøk

²⁵ 'Ba daŋ beeye gïn mo beer møn ni näk mo ciik Jwøk iï gwøø. 'Ba ni näk ciik Jwøk dhalï dhalø, daŋ marï tïmö ni rööma ŋat mo kär daŋø.

Wëëlö Mana Göör Pøølli Baŋ Jø Röm 2:25 Iomraidhean Croise

Jeremaya 4:4

U na cwøw Jerucalem ki mo dï Juuda bäre, wëëgu cwïnynyu daŋ nou cïpa dëëtu jïra, a na Wuuö Jwøk, ni kälu dupa mana raac wøk cwïnynyu, kiper nee wëër mara na liel na wääŋö kaamar maac mo bäŋ ŋat lønye jïgø ki bïp ba käla bäätu kiper gïïa reyø na tïïyu.

Moa Tïïc Nyïïatwieli 7:51

«U jø wïthu teek en, nou patha odaŋø ki yïth cwïnynyu ki ïthu en, cooth u wø kweeyø ki Jwïëc Jwøk na en kur keere. Keda mana kwøŋ kwäyu tïïc, beeye eni ni tïïyu en thuwø.

Wëëlö Mana Göör Pøølli Baŋ Jø Röm 2:13

Kiper patha jø wø wïny ciik Jwøk ni wø marge beer nyïm Jwøk, 'ba beege jø wø tïïc moa en yi ciik Jwøk noo jïëc ni marge beer.

Wëëlö Mana Göör Pøølli Baŋ Jø Röm 2:23

?Ï ni wø töödö kiper ciik Jwøk, nyeŋ Jwøk diï raanynyø niï dhala ciik Jwøk?

Wëëlö Mana Göör Pøølli Baŋ Jø Röm 2:26

?'Ba ni näk ŋat mo kär daŋø luup moa caan ciik Jwøki wø gwøe gwøø, aŋø, mare na käri daŋø ba jïëc ni daŋ?

Wëëlö Mana Göör Pøølli Baŋ Jø Röm 2:27

Kiper manøgønø, jø wø näk kär daŋø, 'ba ciik Jwøk ege gwøø, uuno jäälge kiper man bëëdu en nou poot dhala ciik Jwøk, këël na bëëde ni ciik Jwøk ki luum daŋ nut baŋu.

Wëëlö Mana Göör Pøølli Baŋ Jø Röm 2:28

Kiper dhaanhø ba doo tïmö na ŋat Juuth ma adïëri kiper mana nywöli ni ena ŋat Juuth. Ni daŋ ma adïëri patha gïn wø tïïc wøk dëër dhaanhø, 'ba beeye gïn wø en cwïny dhaanhø.

1 Körin 7:19

Kiper daŋ wala bäŋ daŋ bäŋ gïn tïïcge, 'ba beeye gwøk luup moa cem Jwøki keerge.

Galeecia 6:13

'Ba këël geni ki dëëtge na näk odaŋø, ciik Jwøk bäŋ wø gwøkge. 'Ba ge manynya man daŋ uuni, kiper nee ge töötge ki mano tïïc dëëtu.

Galeecia 6:15

'Ba daŋ wala bäŋ daŋ, bäŋ gïn mo dege tïïö, 'ba beeye cwääc mana nyään keere.

Tiet Ciik 30:6

'Ba Wuuö Jwøk na näk Jwøu cwïnynyu ki cwïny nyïïkwaayu wiile wiilø nou mëërru ki eni, e na Wuuö Jwøk na näk Jwøu, ki cwïnynyu bäre ki jwïëyu bäre, kiper nou bëëdu nou kwøw.