Wëëlö Mana Göör Pøølli Baŋ Jø Röm 2:22 - Wëël Jwøk

²² ?Ï ni wø köö, ni «Kär dee ŋat känni ki luk,» ï doo kännö ki luk? ?Ï ni wø ciil ki gïï wø lam, ï doo mudö uut juu?

Wëëlö Mana Göör Pøølli Baŋ Jø Röm 2:22 Iomraidhean Croise

Jeremaya 5:7

'Ba Wuuö Jwøk aköö, ni «?Ï na Jerucalem, ïïno wëënna gø nidïï nø? Jiy moï aana wecge, ni kööŋge røk juu mo patha adïëri. Kanya nø caama geni ni jäŋge, rege agwaarge uut kääpe, ni känge ki lugi.

Jeremaya 9:2

Wui, aŋø ni ba tïme ni da abïla jïra mo bëëda yie dï paap en, mo caala kany wø but jø wääthi yie, naa paanya raa buut jø powa ni wiia geni! Kiper gena jø lugi bëët, ni gena lwaa jiy mo tïïö ki gïï mo reyø ki piny.

Edhikiel 22:11

Ni ŋat mør kännö ki luk ki cï ŋat atut mare, ni ŋat mør butö ki cï nyaare, ni ŋat mør buti ka nyiwänni kiree mana nywøl wänni.

Milkiya 1:14

'Ba acïëni oen bäät ŋata näk jïre da nywø diel mo beer dï pïïth mare, na näk eno kööŋ ki man cïp gø jïra, ni cïp mana raac na kar gø no olämi jïra, ni møta aani, a na Wuuö Jwøk. Kiper aana nyeya mo kare dwøŋ, ni nyeŋŋa di lwäärö dï wïth juurre bëët.» Gïnögø caana Wuuö Jwøki, eni na wïth jammi bëët.

Milkiya 1:8

?Aŋø, kany wø cïpu lääy ma cööye no olämme, paa gïn mo obøth? ?Ni kany wø cïpu lääy ma ŋööte ki moa näk dëëtge da täwe, paa gïn mo obøth thuwø? Wär pääru ki man cïpu teeŋ lääyöge jï kwäärö maru. ?Aŋø, løny jïre ki man tïm yie ni met ki uuni? ?A løny jïre ki man pänh uuni ni yie met?» Gïnögø caana Wuuö Jwøki, eni na wïth jammi bëët.

Milkiya 3:8

«?Aŋø, løny jï dhaanhø ki man møt Jwøk? 'Ba uuni aana møtu. «'Ba uuna köö, ni ‹?Ï ewa mødø nidïï?› «Møt mana mudu ki gø beeye mana käru cïpö ki paac wïth jammi ki muuce.

Mathiew 12:39

'Ba adwøk Jecu jïge, ni «Jø pinyi ni reyø ii ni wø kwier luum Jwøk en, ge manynya ŋïï, 'ba bäŋ ŋïï mo nyooth jïge. 'Ba beeye ŋïï mar nyikuŋ Jwøk ma Joona keere noo nyooth jïge.

Mathiew 16:4

Jø pinyi ni reyø ii ni wø kwier luum Jwøk en, ge manynya ŋïï. 'Ba bäŋ ŋïï mo nyooth jïge. Beeye ŋïï mar Joona keere noo nyooth jïge.» Køøre Jecu jøøgø awiie ni aae.

Maak 11:17

Ni kööm geni ni kööe, na «?Aŋø, paa ogöörö, ni ‹Øda doo cwølø ni øt lam kiper mïëri bëët›? 'Ba atïïyu na kar dïmute.»

Moa Tïïc Nyïïatwieli 19:37

Kiper jøøi ii akälu kany ni gena jiy mo bäŋ gïn mo raac mo ege tïïö dëër øt jwøk, wala ajaany mo ege tïïö dëër jwøø.

Wëëlö Mana Göör Pøølli Baŋ Jø Röm 12:9

Beerra man mëërru ki mëër mo ree bäŋ atade. Männu ki gïno raac ni magu gïno beer.

Jeemeth 4:4

?Nyie, u ni wø kwier luum Jwøk en, kuyu ni ŋat wø näk nyïïawäädi ki piny, mare män ki Jwøk? Kiper manøgønø, ŋat wø many piny nee tïme na nyawatge, wø tïïya ree ni ena nyimän Jwøk.