Wëëlö Mana Göör Pøølli Baŋ Jø Röm 2:21 - Wëël Jwøk

²¹ aŋø, ïïni ni wø pwöny jø møøk nø, dëërï ba diï pwönynyö? ?Ï ni wø pöö, ni «Kärï kwätö,» ï doo kwätö?

Wëëlö Mana Göör Pøølli Baŋ Jø Röm 2:21 Iomraidhean Croise

Aydheea 42:20

«Uuna rääŋö ki jammi mo thööth, 'ba tietge käru kwanyø; ïthu bëëdö ni ŋammø, 'ba bäŋ gïï mo wïnynyu.»

Aydheea 56:11

ni ge caala guu mo owär mo ge ba jäŋ, ni ge caala dïkwääc dïëk mo tiet luup ba kwanyge. Ge bëët, gena gaa wøk ni aacge ki øtjöö marge keerge, ni ŋati man nø dëëtge manynya gïn mo joode kiper dëëre keere.

Edhikiel 22:27

Kwääri moe moa en yie, ge bëëdö kaamar orude mo ge baga lääy, ki køør mana bëëtge ni rem jiy kønyge piny, ni jwïëc jiy raanyge raanynyø kiper joot jammi ki jöör møt.

Mikiya 3:11

U na dïbwöthe mo päänyögø, luup wø ŋøllu ka køør gïï wø cïp jïïu ki piny, ni ö dïlämme moe ni pwönyge jiy ki ciik ni ge di cunnö ki jammi, ni ö nyïïkuk Jwøki moe ni køpge luup adïëda kany wø mooc geni ki gwel. 'Ba ge wø poot köö ni dëëtge ege jääŋö dëër Wuuö Jwøk, ni ge köö, na «?Aŋø, Wuuö Jwøk ba bëëdö ni nut yïthakicwa? Bäŋ gïn mo leth mo ö bäätwa.»

Mathiew 21:13

Ni kööe jïge, no «Ogöörö yi wëël Jwøk ni Jwøk aköö, ni ‹Øda doo cwølø ni øt lam.› 'Ba uuni, atïïyu na kar dïmute.»

Luk 11:46

Ni kö Jecu, no «Otïmö ni raac jïïu thuwø, u wø caan tiet ciik Jwøk. Kiper beeye u wø kïth tëër bäät jiy mo peek ki man tïëti, ni u ki dëëtu gïïö peek yøø ba maaru gut këël ki lweetu oceele.

Luk 12:47

'Ba laŋŋo ŋäc mana many kwääye, ni käre ree jiiŋŋø, ni käre moa many kwääye tïïö, opwöt ki pöödö mo dwøŋ.

Luk 19:22

«Ni kööe jïgø, ni ‹Ïïno jääla ki køør mana ö wøk ki dhiï, ï na laŋŋø mo raac en. ?Aŋø, ŋäyï cøøn ni aana dhaanhø mo dwøre teek, naa wø kwanya gïn mo kära kwøŋ cïp piny, naa wø kaya gïn mo kära kwøŋ piith?

Luk 4:23

Ni kööe jïge, «Ba kääŋi jïïu ki man parru leeyi jïra, na køp, ni ‹Ï na akïïm, køny riï. Gïïa wïnywa na tïïyï Kapernaam, tïïyï dï pou kany thuwø.› »

1 Körin 9:27

'Ba a pööta dëëra, ni dïïma gø, kiper naa ba tïma naa patha orømø, a na kwøŋ jø møga pwönynyö.

Galeecia 6:13

'Ba këël geni ki dëëtge na näk odaŋø, ciik Jwøk bäŋ wø gwøkge. 'Ba ge manynya man daŋ uuni, kiper nee ge töötge ki mano tïïc dëëtu.