Wëëlö Mana Göör Pøølli Baŋ Jø Röm 2:16 - Wëël Jwøk

¹⁶ Ni ge cädö ni kanymør ge di jäälö wala ge di ŋunnö dïcäŋöca, kanyo ö Jwøki noo ŋøl luup jiy piny moa näk ege kanø, ki køør Krictø Jecu, kaawat man wø en ri luumma nyään na met ni wø køba.

Wëëlö Mana Göör Pøølli Baŋ Jø Röm 2:16 Iomraidhean Croise

Wïlöölö 18:25

Ba doo løny ki man tïïyï teeŋ gïnögø na bäre bäre, ki man 'nägï jøøa näk bëëtge beyø nyïmï ki jøøa näk tïïya raay na aciel bëët; caana gø ni jiy moa näk bëëtge beyø nyïmï ki jiy moa näk temma raay iï päärö na aciel bëët. Teeŋ gïnögø ba diï tïïö na bäre bäre. ?Aŋø, ŋat wø ŋøl luup mo bäät piny bëët, bäŋ wø ŋøl luup ma karge cooth?»

Luup Dïpööy 11:9

Ï na thiinh, iï mïnne kany poodï niï thiinh en; beerra man mïn cwïnyï yïth nïr thïnhö moï, ni caathï køør jap wø many cwïnyï ki mo wø neetï ki waŋï. 'Ba wär ŋäyï ni Jwøk ï pëënynye pëënynyö kiper japøge bëët.

Luup Dïpööy 12:14

Kiper Jwøk jammi bëët kïthe kar ŋøl mare, ni beege jammi bëët moa näk tietge okanø, nee raac wala beer.

Luup Dïpööy 3:17

Aani, aana cädö ki cwïnya ni kööa, ni «Jwøk luup jiy bëët moa bëëtge tiir, ki moa bëëtge raac, ŋøle ŋølø na kare, kiper jammi bëët ki tïïe bëët da caa marge mo öö.»

Mathiew 16:27

Kiper Wär Dhaanhø öö ki nyïïatwiet maal moe ka ajiem wänni. Kanyøgønø, jiy bëët ocunne ki køør gïïa tïïcge.

Luk 8:17

Ni bäŋe gïn mo okanø, mo ba cäŋ nyoothø, ni bäŋ gïn mo omooŋø, mo ba cäŋ käl wøk yi tar.

Jøøn 12:48

'Ba ŋat wø kweer ki aani ni ba wïny luup moa caana, da ŋat mo ŋøla luumme piny. Ni beeye luubö mana kwøŋa caan noo ŋøl mare piny yi cäŋo cuŋ pinynyi yie.

Moa Tïïc Nyïïatwieli 10:42

Ni kööm waani ki man køpwa luummi jï jiy, ni caanwa gø ni beeye eni na jier Jwøki na ŋato ŋøl luup piny mo jøøa kwøw ki mo jøøa näk othøw.

Moa Tïïc Nyïïatwieli 17:31

Kiper da cäŋ mo ee nø jier, cäŋo ŋøl luup mo piny yie ka adïëri ki køør ŋata näk ee jierø. Ni manøgø ee nø nyuth jiy bëët nee ŋäcge na adïëri, ki køør mana tïŋ ŋatøce maal ki yi thøø.»

Wëëlö Mana Göör Pøølli Baŋ Jø Röm 16:25

Pwøc en jï ŋat wø løny jïre ki man wëëk u tëënnö ki køør luumma nyään na met ni wø køba, ni beeye luum Jecu Krictø, kaawat mana nyooth ri gïna näk tiere okwøŋ kan ki kany mo bäär,

Wëëlö Mana Göör Pøølli Baŋ Jø Röm 2:5

'Ba kiper cwïnyï na teek na ba maarï løk, ï känna riï ki wëër mo päl, yi cäŋo ö wëërri yie, kanyo ö ŋøl luup mar Jwøk na näk adïëri noo nyoodhi.

Wëëlö Mana Göör Pøølli Baŋ Jø Röm 3:6

'Ba doo løny. ?Onää enøgønø, Jwøk luup piny a dee gø ŋølø nidïï?

1 Körin 15:1

'Ba kawaane, nyïïmera, a para wïthu ki luumma nyään na met na køba jïïu, na jïëyu, ni cuŋŋu ree,

1 Körin 4:5

Kiper manøgønø, käru ŋut piny ni kanya wäŋŋi poodi, ni Kwäärö poot kär öö, ŋato wëëk jammi nëënne, moø no okanø yi muudhö yøø, ni nyooth tiet luup moa en cwïny jiy. 'Ba kanyøgø jiy bëët ojïti ki pwøc mano wëëk Jwøki geni.

2 Körin 5:10

Kiper øøni bëët ø cuŋŋö nyïm thunh løøk mar Krictø, nee ŋati man nø jïte ki gïno joode na näk orømø ki gïïa tïïe na en ri dëël, nee gïï mo beyø, wala gïï mo reyø.

Galeecia 1:11

'Ba a caana gø jïïu, nyïïmera, ni luumma nyään na met na køba, patha luum dhaanhø.

1 Timöthi 1:11

kaawat pwöc mana en ri luumma nyään na met mar Jwøø ajiem na näk ogwïëdhö na wëëk aani.

2 Timöthi 2:8

Lääŋ Jecu Krictø na tïŋ maal ki yi thøø, na näk nyikwaar Deebit, kaawat mana en ri luumma nyään na met na caana,

2 Timöthi 4:1

A köömma ïïni nyïm Jwøk ki Krictø Jecu, ŋato ŋøl luup jøøa kwøw ki moa näk othøw kanyo ööe noo këël buye piny,

2 Timöthi 4:8

'Ba køør man nø, Kwäärö, ŋata näk ŋøl mare adïëri, adun wø cïp jï jøøa beyø na kan kipera, omëëk aani dïcäŋöca. 'Ba ba mëëk a keera, 'ba omëëk jiy bëët mo wø mëër ki öönynye.

Ibaru 9:27

keda man bëëde no onyoodhø jï jiy, ni dhaanhø thøw yie aciel, ni køøre beeye ŋøl luup.

1 Piter 4:5

'Ba marge opëëny ŋata näk ree ee jiiø ki man ŋøl luup jøøa kwøw ki moa no othøw.

2 Piter 2:9

'Ba ni näk eni na Wuuö gïïögø ee tïïö bëët, ŋääe ki man piem jø wø wøør Jwøk ki gïï wø pääny geni, ni maa jøøa reyø kar pöödö këël dïcäŋo ŋøl luup yie.