Wëëlö Mana Göör Pøølli Baŋ Jø Röm 2:13 - Wëël Jwøk

¹³ Kiper patha jø wø wïny ciik Jwøk ni wø marge beer nyïm Jwøk, 'ba beege jø wø tïïc moa en yi ciik Jwøk noo jïëc ni marge beer.

Wëëlö Mana Göör Pøølli Baŋ Jø Röm 2:13 Iomraidhean Croise

Jeremaya 11:6

'Ba Wuuö Jwøk aköö jïra, ni «Caan luup moi ii bëët Jerucalem ki yïth päänye mo Juuda møga bëët, ni kööï ni Wuuö Jwøk aköö, ni ‹Wïnynyu luummi en na tuuda ki kwäyu, ni kïthu gø bäät tïïc.

Edhikiel 20:11

Ni pwönynya geni ki luup 'moa, ni tïïa geni nee ciik 'moa ŋäcge, ni beege gïïa doo cïpö ki kwøw jï ŋato kïth ge bäät tïïc.

Luk 18:14

«A cäänna uuni, ni ŋatøgø aaa paare no ojïëö ni mare beer, ni kwier maya. Kiper jiy bëët mo wø døøc dëëtge mo døøŋŋø, odwøk piny. 'Ba ŋat wø døøc dëëre mo can, otïïc ni dwøŋ.»

Luk 8:21

'Ba ena kö jïge, ni «Mera ki nyïïmera beege jø wø wïny luum Jwøk ni kïthge gø bäät tïïc.»

Jøøn 13:17

Ni näk mo gïïögø ŋäyu, uuno gwïëth kany wø tïïyu geni.

Moa Tïïc Nyïïatwieli 13:39

Ni beeye ki køøre no ö jøw ojïëy bëët ni ŋääthge noo pädi yïth jammi bëët moa ba doo maar lønyø jï ciik Modhe ki man pät uuni.

Wëëlö Mana Göör Pøølli Baŋ Jø Röm 10:5

'Ba Modhe agöödö, ni kööe, ni «Ŋato caath jöör bëënynyö man wø göök ri ciik Jwøk, okwøw ki køør gø.»

Wëëlö Mana Göör Pøølli Baŋ Jø Röm 2:25

'Ba daŋ beeye gïn mo beer møn ni näk mo ciik Jwøk iï gwøø. 'Ba ni näk ciik Jwøk dhalï dhalø, daŋ marï tïmö ni rööma ŋat mo kär daŋø.

Wëëlö Mana Göör Pøølli Baŋ Jø Röm 3:20

Kiper bäŋ dhaanhø mo jïëc ni mare beer nyïm Jwøk ki køør tïïe moa en ri ciik Jwøk. Kiper beeye ciik Jwøk ni wø ö dhaanhe wø ŋäc raay ki køøre.

Wëëlö Mana Göör Pøølli Baŋ Jø Röm 3:23

'Ba kiper mana tïm jiyi bëët no obääyö ni geno kääŋö ka ajiem Jwøk,

Wëëlö Mana Göör Pøølli Baŋ Jø Röm 3:30

Kiper Jwøk aciel. Ni eni jøøa näk odaŋø ojïëe ni marge beer ki køør ŋäädhe marge, ni jïëc jøøa näk patha odaŋø ni marge beer kiper ŋäädhe marge.

1 Körin 4:4

Bäŋ gïn mo ŋääa mo obøth mo raa daa jäälö kipere, 'ba gïnögø a käre ŋunnö, 'ba beeye Wuuö noo ŋøl mara piny.

Galeecia 2:16

ŋäcwa ni dhaanhø ba jïëc Jwøki ni mare beer ki køør tïïe moa en ri ciik Jwøk, 'ba beeye ki køør ŋäädhe ni en ri Jecu Krictø. Këël waani, waana jïëy ni ŋääthwa Krictø Jecu, kiper nee wa jïëc ni marwa beer ki køør ŋäädhe ni en ri Krictø, ni paa ki køør tïïe moa en ri ciik Jwøk. Kiper bäŋ dhaanhø mo jïëc ni mare beer ki køør tïïe moa en ri ciik Jwøk.

Galeecia 5:4

U ni many man jïëc u ni maru beer ki køør ciik Jwøk, uuna ŋul wøk ri Krictø, ni tïmu nou tøør ri met ec.

Tiet Ciik 4:1

Køøre Modhe aköö, ni «Ennø, u na jø Icriel, beerra man leŋŋu ciik ki luup ŋøl mo Wuuö Jwøk mo pwönynya uuni ki ge, kiper nee kïthu bäät tïïc, kiper nou bëëdu nou kwøw nou cou yi ŋöömmo cïp Wuuö Jwøki na näk Jwø kwäyu jïïu, nee lwørru na maru.

Tiet Ciik 5:1

Køøre Modhe jø Icriel bëët acwøle, ni kööe, «U na jø Icriel, cegu ïthu ni wïnynyu ciik ki luup ŋøl moo caana jïïu dïcäŋi en. Pwönynyu rou ki geni, ni gwøgu geni døc, ni kïthu geni bäät tïïc.

Tiet Ciik 6:3

'Ba u na jø Icriel, wïnynyu gïï, ni gwøgu ge døc ki man kïthu geni bäät tïïc, kiper nou jïtu ki bëëtö mo beer, ni nyaayu ni tïmu nou thööth yi ŋöömma näk caak ki maar kïc päl yie, kaawat mana buugi ya Wuuö Jwøki na näk Jwø kwäyu jïïu.

Jeemeth 1:27

'Ba lam mana näk adïëri na näk bäŋ gïn mo raac dëëre nyïm Jwøk na näk Wuuö, beeye ki man gwøk obwöre moa näk kïïe ki määr thuunhnhi ri gïï wø leth wø pïï dëëtge, ki man ö dhaanhe ni män ree ki raac piny.

1 Jøøn 2:29

Ni näk ŋäyu ni mare beer, dou ŋääö ni jiy bëët mo wø tïïc gïno beer, nywøla eni.

1 Jøøn 3:7

U ni therø, kär dee ŋat cøøk uuni. Ŋat wø tïïc gïn mo beer, eni beer keda mar Krictø na beer.