Wëëlö Mana Göör Pøølli Baŋ Jø Röm 2:12 - Wëël Jwøk

¹² Jiy bëët moa bääö ni ciik Jwøk bäŋgø jïge, geno ränynyi ni bäŋ ciik Jwøk jïge. 'Ba jiy moa bääö ni ge bëënna ciik Jwøk, luup moge oŋøl piny ki køør luup moa en yi ciik Jwøk.

Wëëlö Mana Göör Pøølli Baŋ Jø Röm 2:12 Iomraidhean Croise

Mathiew 11:22

'Ba a cäänna uuni, noo tïmö ni theemma ajäl Tayar ki Caydan ka ajäla maru, dïcäŋo ŋøl luup yie.

Mathiew 11:24

'Ba a cäänna uuni, noo tïmö ni theemma ajäl jø Cødam ka ajäla maru dïcäŋo ŋøl luup yie.»

Jøøn 19:11

Ni løgi ya Jecu jïre, ni «Jïrï doo bäŋ teek bääta, onää kär wëëk ïïni ki maal. Kiper manøgønø, ŋata cïp aani jïrï, dwøŋŋa ajälle ki marï.»

Moa Tïïc Nyïïatwieli 2:23

Jecu manøgø acïp ceŋŋu keda mana kwøŋi ya Jwøki cooŋ ki cwïnye ni ŋääe cøøn, 'ba acïbu ceŋ jøøa kuc ciik Jwøk, ni guru gø bäät jaadha no odëëdö, ni 'nägu gø.

Wëëlö Mana Göör Pøølli Baŋ Jø Röm 1:32

'Ba këël na ŋäcge luumma cem Jwøki, ni jø wø tïïc teeŋ gïïögø, marge wø rømi ka thøø, ge poot bëëdö ni ge tïïya teeŋ gïïögø, ni ge jïëy ki jø wø tïïc teeŋ gïïögø thuwø.

Wëëlö Mana Göör Pøølli Baŋ Jø Röm 4:15

Kiper ciik Jwøk käla ajäla, 'ba kany mo bäŋ ciik Jwøk, bäŋ gïn mo caan no odhalø yie.

Wëëlö Mana Göör Pøølli Baŋ Jø Röm 8:3

Kiper gïna ba maar lønyø jï ciik Jwøk ki man tïïc gø kiper mana døøyi ya dëëlli mo jääk, atïïc Jwøki kanya jääŋ Wääde kiree, ki dëël mo caala dëër dhaanhø ni da raay en, ni tïme no olämi kiper raay, ni jääl raay ri dëël.

1 Körin 9:21

'Ba ki jï jøøa kuc ciik Jwøk, dëëra atïïa keda aana dhaanhø mo ciik Jwøk kuua. Naa ba kuc ciik Jwøk, 'ba a bëënna ciik Krictø, kiper naa känna kura ki jøøa kuc ciik Jwøk.

Galeecia 3:10

Kiper jiy bëët mo wø ŋääth tïïe moa en ri ciik Jwøk, acïëni ena bäätge. Kiper ogöörö, na «Acïëni oen bäät jiy bëët mo wø ba gwøk jammi bëët moa näk ogöör yi wëël ciik Jwøk, ki man tïïcge ge.»

Galeecia 3:22

'Ba Wëël Jwøk aköö, ni jiy bëët otwöc raayi, kiper nee luumma kwøŋ buuk ki køør ŋäädhe ki ri Jecu Krictø, nee tïme ni mëëga jø wø jïëy ni ŋääthge.

Tiet Ciik 27:26

« ‹Acïëni oen bäät ŋato ba wëëk ciik moi thur karge ki køør mano ba kïth ge bäät tïïc.› «Køøre ojøl jiyi bëët, ni köge, ni ‹Kare!›

Jeemeth 2:10

Kiper ŋat wø gwøk ciik Jwøk bëët ni baaya aciel dïge, ena tïmö ni baaya ge bëët.