Wëëlö Mana Göör Pøølli Baŋ Jø Röm 2:10 - Wëël Jwøk

¹⁰ 'Ba beeye ajiem ki pwøc ki bëët-mëër noo cïp jï jiy bëët mo wø tïïc gïno beer. Ni tägi ka jø Juuth këël mano këët baŋ jøw mo patha jø Juuth.

Wëëlö Mana Göör Pøølli Baŋ Jø Röm 2:10 Iomraidhean Croise

Jööp 22:21

«'Ba ïïni, beerra man dwätï ki Jwøk, ni tïïyï bëët mëër ki gø, 'ba noo tïïyï gïnögø, ïïno jïtï ki bëëtö mo beer.

Pwöc Leec Wïc 11:18

Ŋata raac jammi mo wø joode beeye jammi mo kiera wïïe, 'ba ŋat wø piith gïïa beyø wø joota gïna näk kare.

Pwöc Leec Wïc 8:18

Bëët jap kwärö ki wödö ena baŋa, ni ö bëët kwärö manøgø ki bëënynyö ni bëëtge na bäre bäre.

Aydheea 26:12

Wui Wuuö Jwøk, bëët-mëër wø cïpa ïïni jïwa; ni tïïe mowa bëët thur karge ka køør køny marï man wø tïïyï jïwa.

Aydheea 32:17

'Ba tïïc mar bëët adïëri tïmö na bëët-mëër, ni gïno duu bëët adïëri beeye bëëtö mëëth ki ŋääth røk mo bëëdö ni nut na bäre bäre.

Aydheea 48:18

'Ba doo na gïïa köömma uuni ki geni you gwøø, bëët-mëër maru doo tïmö kaamar naam mo kwödö ni ba cuŋ, ni ö bëënynyö maru ni dee tïmö ni päl kaamar athaŋ naama dwøŋ.

Aydheea 48:22

Wuuö Jwøk aköö, ni «Bëët-mëër bäŋgø jï jø raay.»

Aydheea 55:12

Kiper uuno døny wøk ki met ec, ni bwøth uuni ki bëët-mëër; kïte ki thuuri geno kwöŋŋi ki met ec nyïmmu, ni ö jenni bëët ni paŋge ceŋge.

Aydheea 57:19

ni tïïa ge naa pwøcge ki dhøkge, a na Jwøk. 'Ba bëët-mëër en jï jø wø kwörge bäyö ki jï jø wø kwörge cärö! Aani ge kønya kønyø.» Luummögø caana Wuuö Jwøki.

Jeremaya 33:6

«'Ba yi nyïme, pääny man odwøga kare, ni døø kare ni beer, ni dwøga bëët jiy kare, ni nyoodha bëët mëër ki bëët adïëri jïge ni päl.

Kwään Jiy 6:26

Wuuö Jwøk jïïu oraŋi ni täärnyïme leer, ni cïp bëët-mëër jïïu.›

Mathiew 10:13

'Ba noo näk mo jø paac mo beer, bëët-mëër maru wär wëëgu bëëtö yie. 'Ba noo näk mo ba beer, bëët-mëër maru wär duu baŋu.

Luk 1:79

nee tar cïbe jï jø wø bëëdö yi muudhö, ni bëëdö dhi thøø, ni bwøth øøni ki waŋjöör bëët-mëër.»

Luk 12:37

'Ba laaŋe mo wø nwän kwäärö marge ni ge nëënö kany wø ööe, gwïëth oen bäätge. Adïëri møn a caana gø jïïu, dëëre okïthe ka abïï tïïc, ni wëëk ge pïïn kar cam ni tïny geni.

Luk 19:42

ni kööe, ni «Beer kee jap wø käl bëët-mëër ŋäyu dïcäŋi en nø. 'Ba kawaane, geno mänö ki nyeŋŋu.

Luk 22:14

'Ba na päŋ caae, Jecu apï piny kar cam ki nyïïatwieli na aciel.

Luk 9:48

ni kööe jïge, ni «Ŋato wäro jïëc nyilaari ki nyeŋŋa, jïëya aani. Ni ŋato wäro jïëc aani, jïëya ŋata jääŋ aani. Kiper ŋato wäro kare thiinhnha eni dïïu bëët, beeye ŋato kare dwøŋŋa eni.»

Jøøn 12:26

'Ba ni näk da ŋat mo tïnynya aani, wär eni caath køøra. Ni kanyo ena yie, beeye kanyo en ŋat wø tïny aani yie thuwø. 'Ba ni näk da ŋat mo tïnynya aani, eno røøny Wära.

Jøøn 14:27

Bëët-mëër wø wëëga uuni, ni bëët-mëër mara wø cïba cïbö jïïu. Ni man wø cïba jïïu en, ba caal mana doo cïp pinynyi jïïu. Kär cwïnynyu wëëgu ränynyö, ni ba lwäyu.

Jøøn 16:33

Man en a caana jïïu, nee bëët-mëër nee jootu baŋa. Uuni, gïï mo leth ojwørru yi pinyi en. 'Ba magu cwïnynyu, kiper piny yaa nø böötö.»

Moa Tïïc Nyïïatwieli 10:35

'Ba ki yïth mïëri bëët ni näk da ŋat mo wøøra gø ni wø tïïya gïno beer, wø jïëc Jwøki jïëö.

Wëëlö Mana Göör Pøølli Baŋ Jø Röm 14:17

Kiper buc Jwøk paa per cam ki maath, 'ba beeye bëëtö mo beer, ki bëët-mëër, ki met ec ki ri Jwïëc Jwøk na en kur keere.

Wëëlö Mana Göör Pøølli Baŋ Jø Röm 15:13

'Ba Jwøk ni wø cïp ŋäädhe, cwïnynyu opääŋe ki met ec mo päl ki mëër ki køør mana jïëyu, kiper nee ŋäädhe maru pälle ki køør teek Jwïëc Jwøk na en kur keere.

Wëëlö Mana Göör Pøølli Baŋ Jø Röm 2:7

Ni eno cïpi ki kwøw mana näk adïëri mo bäŋ cuŋŋe jï jøw wø tïïc gïïa beyø ni cwïnyge ege cïp piny, ni ge caya ajiem, ki wödö, ki kwøw mana näk bäŋ thøø ree.

Wëëlö Mana Göör Pøølli Baŋ Jø Röm 2:9

'Ba da gïï mo leth ki gïï mo reyø mo pïï dëët jiy bëët mo wø tïïc gïno raac. Ni tägi ka jø Juuth këël mano këët baŋ jøw mo patha jø Juuth.

Wëëlö Mana Göör Pøølli Baŋ Jø Röm 5:1

'Ba kawaane na tïme ni øøno jïëö ni marø beer ki køør ŋäädhe, yïthakiyø ki Jwøk ajïtö ki bëët-mëër ki køør Kwääyø ma Jecu Krictø.

Wëëlö Mana Göör Pøølli Baŋ Jø Röm 8:6

Ki man cïp cwïny køør dëël beeye thøø. 'Ba ki man cïp cwïny køør Jwïëc Jwøk beeye kwøw ki bëët-mëër.

Wëëlö Mana Göör Pøølli Baŋ Jø Röm 9:21

?Aŋø, dïcwäc dääe jïre bäŋ teek bäät odhöönh mo ee göölö ki man cwääe ki dääe ariiø ro odhöönhögø na aciel enø? ?Na aciel ee kadø ni mïërö, ni maya ee cwääö na mar tïïc?

Wëëlö Mana Göör Pøølli Baŋ Jø Röm 9:23

kiper nee ajiem mare na päl nyoodhe jï gïïo kønye na kwøŋ jiiŋŋø nee ge jiem.

Galeecia 5:22

'Ba nyïëdi mo wø ööi ki ri Jwïëc Jwøk, beege mëër, ki met ec, ki bëët-mëër, ki bäŋ jøømø, ki bäth ec, ki køny, ki ŋääth dhaanhø,

Galeecia 5:6

'Ba ki jï jø wø en dëër Krictø Jecu, daŋ wala bäŋ daŋ bäŋ gïn tïïcge, 'ba gïn mo pere leth beeye ŋäädhe ni wø tïïö ki køør mëër.

Pilipay 4:7

'Ba leec cwïny man wø cïp Jwøki, na näk ba løny ki par, cwïnynyu ogwøe ka acaayu ki ri Krictø Jecu.

1 Timöthi 1:17

'Ba wödö ka ajiem en jï Nyeny beenhnhe bëët këël na bäre bäre, ŋata näk ba thøw na näk ba neen, ni beeye Jwøk keere. Enøgønø.

Ibaru 2:7

'Ba eni iï tïïö ni thiinhnha eni ki kany mo thiinh ki nyïïatwiet maal, ni røønyï gø ka ajiem ki wödö,

Jeemeth 2:22

?Aŋø, kärï joodø ni ŋäädhe mare cäädhi ka tïïe moe na aciel, ni thur ŋäädhe mare kare ki køør gïna tïïe?

Jeemeth 3:13

?Aŋa dïïu ni wïïe leer ni ŋäc luup? Beerra man ööe ni nyooth tïïe moe ki möölle mana öö ki ra acaara ki køør bëëtö mare na beer.

1 Piter 1:7

kiper manøgønø, nee ŋäädhe maru na näk adïëri na pere letha eni ki warkey ni wø päänynyi ki maac këël na ŋääi ni ränynyö, nee känne ki pwøc, ka ajiem, ki wödö yi cäŋo nyooth Jecu Krictø yie.

1 Piter 5:4

'Ba kanyo nyooth Kwääy dïkwääye, uuno jïti ka adun ajiem man wø ba jøøl.

1 Camiel 2:30

«Kiper manøgønø, Wuuö Jwøk Jwø Icriel mare acaane ni kööe, ni ‹Ka adïëri møn, aana köö ni dhi øtø marï ki dhi øt kwaru doo bëëdö ni tïïö geni na dïlämme nyïma cooth;› 'ba ennø, Wuuö Jwøk mare acaane ni kööe, ni ‹Gïnögø ba tïïa këët, kiper jø wø wøør aani, ge wøøra wøørø; 'ba jø wø taak aani, ge tïmö ni geno taaø thuwø.