Wëëlö Mana Göör Pøølli Baŋ Jø Röm 16:25 - Wëël Jwøk

²⁵ Pwøc en jï ŋat wø løny jïre ki man wëëk u tëënnö ki køør luumma nyään na met ni wø køba, ni beeye luum Jecu Krictø, kaawat mana nyooth ri gïna näk tiere okwøŋ kan ki kany mo bäär,

Wëëlö Mana Göör Pøølli Baŋ Jø Röm 16:25 Iomraidhean Croise

Daniel 2:22

Bee eni ni wø nyooth tiet gïï mo ena piny mo okanø; bee eni ni wø ŋäc gïï mo ena yi muudhö, ni tar bëëdö ka eni.

Amøc 3:7

Kiper Wuuö Jwøk bäŋ gïn mo tïïe jaak ni gïna näk ee cooŋø ki cwïnye käre caanø jï laaŋe na näk nyïïkuk moe.

Mathiew 13:17

Ka adïëri møn, a cäänna uuni, ni nyïïkuk Jwøk mo thööth ki jiy mo beyø mo thööth, gena many man neenge gïï ni neennu ii, 'ba kärge neenø. Ni manyge man wïnyge gïï ni wïnynyu ii, 'ba kärge wïnynyö.

Mathiew 13:35

Manøgø beeye kiper nee gïna caan nyikuŋ Jwøki thur kare, na kööe, ni «Aano cäänö ki luup mo keda leere, ni køba gïïa näk okanø ki mana täge ki kanya cwääc piny.»

Mathiew 20:7

«'Ba adwøkge jïre, ni ‹Beeye kiper bäŋ dhaanhø mo omooc wa ki tïïc.› «Ni kööe jïge, ni ‹Uuni thuwø, cou yi pwödhö mara.›

Moa Tïïc Nyïïatwieli 20:32

'Ba kawaane, uuna wiia cer Jwøk, ki luum met ec mare, ni beeye noo wëëk u tëënnö, ni mëëk olaawi uuni na aciel ki jøøa näk ocïp kur keerge bëët na mo Jwøk.

Moa Tïïc Nyïïatwieli 9:20

Ni put gïr nyeŋ Jecu køp yïth uut acook lam, ni caana gø, ni Jecu beeye O Jwøk.

Wëëlö Mana Göör Pøølli Baŋ Jø Röm 11:25

'Ba nyïïmera, a manynya uuni man ŋäyu gïn en na näk tiere okwøŋ kan, kiper nou ba töödu ni reegø nyeŋŋu. Kiper thäk jø Icriel møøk cwïnyge adøøc mo teek këël mano ci kwään juurre moa wäŋŋi yie.

Wëëlö Mana Göör Pøølli Baŋ Jø Röm 14:4

?Aŋø, ïïna ŋa ni jääl ŋat tïïc mar ŋat mør en? Beeye kwääye noo ŋøl mare piny nee cuŋŋö wala eno pädhö. 'Ba eno wëëk man cuŋŋe, kiper løny jï Wuuö ki man wëëk gø cuŋŋö.

Wëëlö Mana Göör Pøølli Baŋ Jø Röm 16:24

Met ec mar Kwääyø ma Jecu Krictø bëëde bäätu.]

Wëëlö Mana Göör Pøølli Baŋ Jø Röm 2:16

Ni ge cädö ni kanymør ge di jäälö wala ge di ŋunnö dïcäŋöca, kanyo ö Jwøki noo ŋøl luup jiy piny moa näk ege kanø, ki køør Krictø Jecu, kaawat man wø en ri luumma nyään na met ni wø køba.

1 Körin 1:23

'Ba waani, wa wø køpa gø ni Krictø anäk bäät jaadha no odëëdö, ni wø ö jø Juuthi ni wø cwanyge tietge ki gø, ni näk luum bøøl ki jï juurre.

1 Körin 2:7

'Ba wa wø caana leec wï Jwøk mana kuc na näk okanø, na näk ocooŋ Jwøki ki cwïnye ni piny poot kär cwääö kiper nee ø mooc ka ajiem.

1 Körin 4:1

'Ba man en beeye mana doo caar dhaanhe kiperwa, ni waana jø wø tïny Krictø, na näk jøøa wëëk tïïe mo Jwøk na näk ee kwøŋ kan.

2 Körin 4:3

'Ba këël ni näk luumwa na nyään na met ogëëŋö, gëëŋ ka kur jø wø raanynyi keerge.

2 Körin 4:5

Kiper wa ba køp dëëtwa, 'ba wa køpa gø ni Jecu Krictø beeye Kwäärö, ni waani ki dëëtwa waana laaŋe mou kiper nyeŋ Krictø.

Galeecia 2:2

Naa cii kaper na nyoothi ya Jwøki jïra, ni peedha luumma nyään na met nyïmge ni wø køba cooth dï juurre. 'Ba mara caana jï jøøa døøŋŋø kur keerwa naa ba tïma kaamar ŋat mo rïïŋö jaak, wala ŋat mo reeŋø ni ŋwiec mare bäŋ tiere.

Epeca 1:9

'Ba mana manynye na näk ee kwøŋ kan anyuth øøni, kaawat mana kwøŋ gø cooŋ ki cwïnye ni tïïe ka ri Krictø.

Epeca 3:11

Ni beeye gïna näk ee kwøŋ cooŋ ki cwïnye cøøn kanya poot pinynyi, ni beeye na wëëk thur kare ennø ki ri Krictø Jecu na näk Kwääyø,

Epeca 3:9

nee jiy bëët wëëga neen tïï gïna näk tiere okwøŋ Jwøki kan cwïnye cøøn, eni na cwääc jammi bëët,

Epeca 6:19

këël kipera thuwø, naa wëënni ki jöö man jaba dhaa ki gø ni cwïnya da cer ki man køba luumma nyään na met na näk tiere okwøŋ kan,

Köløcia 2:2

Kiper a doo naa manynya geni man jïtge ki cøm cwïny, kaawat mana kuutge bëët ki mëër, nee gïna näk tiere okwøŋ Jwøki kan, na näk beeye Krictø, nee kwanyge ki pälle bäre, ni ci cwïnyge døøc,

Köløcia 4:3

Ni lämu kiperwa thuwø, kiper nee wa jäm Jwøki ki jöö man køpwa luum Jwøk ki gø, ni køpwa gïr Krictø na näk tiere okwøŋ kan, ni beeye gïn twöc aani kipere en.

1 Thecalönika 3:13

Kiper manøgønø nee cwïnynyu tïïe ni ba jøøŋŋi ni ena kur keerge nyïm Jwøø na näk Wääø, yi cäŋo ö Kwääyø ma Jecu ki jiye bëët.

2 Thecalönika 2:14

Ni beeye na ö eni na cwøl uuni ki køør luumwa na nyään na met na køpwa, kiper nee moa beyø na näk mo Kwääyø ma Jecu Krictø na näk rege da ajiem, nee cige jïïu.

2 Thecalönika 3:3

'Ba Wuuö dwøre ba dak, ni uuno wëëk tëënnö ni koor uuni ki ŋata raac.

2 Timöthi 1:9

eni na piem øøni, na cwøl øøni ki cwönna en kur keere, ni paa kiper tïïe 'moø moa tïïø, 'ba beeye ki køør met ec mare ki mana manynye e keere, ni beeye met yie mana cïbe jïïø cøøn ki ri Krictø Jecu ni piny poot käre cwääö,

2 Timöthi 2:8

Lääŋ Jecu Krictø na tïŋ maal ki yi thøø, na näk nyikwaar Deebit, kaawat mana en ri luumma nyään na met na caana,

Tayta 1:2

kiper mana ŋääthge kwøw mana näk adïëri mo bäŋ cuŋŋe mana buuk Jwøki cøøn, eni na kuc tööt.

Ibaru 7:25

Kiper manøgønø, løny jïre ki man køny jø wø nyänh buut Jwøk ki køøre na bäre bäre, kiper mana bëëde ni kwøw cooth, ni kwaaya Jwøk kiperge.

1 Piter 1:20

Ni eno miiø kanya poode ni piny poot kär cwääö. 'Ba ena nyooth kiperu ya aŋuun nïne.

1 Piter 5:10

'Ba køøre, nou nø jwørru gïïö ni leth yøø ki kany mo thiinh, Jwøa näk Jwø met ec bäre, ŋata cwøl uuni ya ajieme mana näk bäŋ cuŋŋe ki ri Krictø, oööi ki dëëre ni dwøk u karu, ni wëëk u tëënnö, ni këël tietu piny.

Mana Nyooth 10:7

'ba gïna näk tiere okwøŋ Jwøki kan doo wëëga thur kare yïth nïro ö bïriet nyïïatwiel maalli noo kooth tuuŋ, keda mana caan gø jï laage ma nyïïkuk Jwøk.»