Wëëlö Mana Göör Pøølli Baŋ Jø Röm 16:21 - Wëël Jwøk

²¹ Uuna määth Timöthi ni wø tïïö ki aani na aciel. Uuna määth Lucia ki Jeecan, ki Cøcipater na näk jø powa.

Wëëlö Mana Göör Pøølli Baŋ Jø Röm 16:21 Iomraidhean Croise

Moa Tïïc Nyïïatwieli 13:1

'Ba kanyøgø ya acooŋ Jwøk mana en Antïëk da nyïïkuk Jwøk ki dïpööye, ni beege Barnaba ki Cimien ni wø cwøl ni Najer, ki Lucia ŋat ma nyï Cayriin, ki Manien na piith po kwäärö ma Eerat, ki Cøøl.

Moa Tïïc Nyïïatwieli 17:14

Kanyøgø nyïïmëëe Pøøl aputge jääŋŋö bäät naam. 'Ba Cayla ki Timöthi, gena dööŋ kaace.

Moa Tïïc Nyïïatwieli 17:5

'Ba jø Juuth akëëyö, ni kwanyge jak mo reyø ni cuŋge ki lwaak, ni wëëkge pääny niïïk, ni tiekge øt Jeecan, ni ge manynya man kälge Pøøl ki Cayla wøk baŋ jiy.

Moa Tïïc Nyïïatwieli 18:5

'Ba kanya pïïc Cayla ki Timöthi ki yi Macedönia, Pøøl acwänge ni køpa luum Jwøk, ni cäänna jø Juuth ni Krictø beeye Jecu.

Moa Tïïc Nyïïatwieli 19:22

'Ba na nø jääk Macedönia ki jiy ariiø mo wø køny gø, ni beege Timöthi ki Eracta, eni ki dëëre adööŋ Eecia ki nïne møøk.

Moa Tïïc Nyïïatwieli 20:4

'Ba jøøa aay ki Pøøl beege Cöpater o Payra ma nyï Beria, ki Aritarka ki Cekunda ma jak Thecalönika, ki Geea ma nyï Derbe, ki Timöthi, ki jaak Eecia na näk Taykika ki Taröpima.

Wëëlö Mana Göör Pøølli Baŋ Jø Röm 16:11

Määthu Eerödien na näk nyï powa. Ni määthu tuuŋ Narcica ni en ri Wuuö.

Wëëlö Mana Göör Pøølli Baŋ Jø Röm 16:7

Määthu Andarönika ki Junia na näk jø powa, jøøa ena øt twöc ki geni. Gena jiy mo nyeŋge lïëŋ dï nyïïatwieli, ni ge ena ri Krictø naa poodi.

Wëëlö Mana Göör Pøølli Baŋ Jø Röm 9:3

Doo beer kee aani ki dëëra, aano cienø, ni ŋul aani wøk dëër Krictø kiper nyïïmera, na näk tuuŋwa na jø powa.

2 Körin 1:1

Aana Pøøl na nyïïatwiel mar Krictø Jecu, ki køør mana many Jwøki, ki cöögø ma Timöthi. A göönna baŋ acooŋ Jwøk mana en yi Körin, ki jï jø Jwøk bëët moa en dï Akeea bäre.

2 Körin 1:19

Kiper O Jwøk ma Jecu Krictø na nyeŋŋe wara køpwa dïïu, ni beeye aani, ki Cilbana, ki Timöthi, luumme patha dööti ariiø. 'Ba ki nyeŋŋe wø joota dwøl aciel cooth.

Pilipay 1:1

Aana Pøøl ki Timöthi, wa na laak Krictø Jecu. Wa määtha uuni na jø Jwøk bëët ni en dëër Krictø yi Pilipay, ki jø wø raŋ acooŋ Jwøk, ki jø wø tïny acooŋa.

Köløcia 1:1

Aana Pøøl na nyïïatwiel mar Krictø Jecu ki køør mana many Jwøki, ki cöögø ma Timöthi.

1 Thecalönika 1:1

Aana Pøøl ki Cilbana ki Timöthi, a göönna baŋ acooŋ Jwøk mar jø Thecalönika na en ri Jwøk na näk Wuuö, ki Kwäärö ma Jecu Krictø. Met ec ki bëët-mëër bëëde bäätu.

1 Thecalönika 3:2

Ni jääŋwa cöögø ma Timöthi, na näk laŋ Jwøk ri luum Krictø na nyään na met, nou wëëk tëënnö ki ri ŋäädhe maru, ni kööm uuni

1 Thecalönika 3:6

'Ba kawaane, Timöthi aduu baŋwa, na öö ki baŋu, ni känne jïwa ki dwøl mo met kiper ŋäädhe maru ki mëër maru, ni caan gø ni cooth u lääŋŋa waani, ni yïthu met, ni cwïnynyu oäpö ki man jootu waani, keda man wø äp cwïnywa ki man jootwa uuni.

2 Thecalönika 1:1

Aana Pøøl ki Cilbana, ki Timöthi, a göönna baŋ acooŋ Jwøk mar jø Thecalönika, na en ri Jwøk na näk Wuuö, ki Kwäärö ma Jecu Krictø.

1 Timöthi 1:2

A göönna baŋï, ï na Timöthi, ï na wääda ma adïëri ki køør ŋäädhe. Met ec ki bäth-ec ki bëët-mëër na en jï Jwøk na näk Wuuö ki Krictø Jecu na näk Kwääyø bëëde bäätï.

1 Timöthi 6:11

'Ba ïïni, ï na dhaanh Jwøk, tïïc karï ni bäär ki gïïögø. Këël wïïï ri gïïa beyø ki bëët jöör Jwøk, ki ŋäädhe, ki mëër, niï teek, niï mwöl.

1 Timöthi 6:20

Ï na Timöthi, gwøk gïna wëëk ïïni. Kwier luup mo ba en jöör Jwøk, ki pïëm mar gïn wø cwøl ni kwänynyö, ni patha eni.

2 Timöthi 1:2

A göönna baŋï, ï na wääda ma Timöthi, na mëëra ki ïïni. Met ec, ki bäth-ec, ki bëët-mëër ni en jï Jwøk na näk Wuuö ki Kwääyø ma Krictø Jecu en bäätï.

Ibaru 13:23

Beerra man ŋäyu gøøni ni cöögø ma Timöthi apät, ni uuno jootwa ki eni ni näk eni laara öö.