Wëëlö Mana Göör Pøølli Baŋ Jø Röm 16:19 - Wëël Jwøk

¹⁹ Teeŋ ka man bëët mwölli maru ni ŋäc jø bëëti ni mïn yia ki maru, a doo manynya man bëëdu thuwø ni wïthu leer ki man laaru gïno beer ŋäc, ni kuyu raay.

Wëëlö Mana Göör Pøølli Baŋ Jø Röm 16:19 Iomraidhean Croise

Jeremaya 4:22

'Ba Wuuö Jwøk aköö, ni «Jiya bëëdö ni wïthge teek, ni ge bëëdö naa kucge, ni ge caala obwöre ma bøøre, ni wïthge bäŋ acaara. Nyeŋge reegø ka tïïc gïï mo reyø, 'ba tïïc gïn mo beer kucge.»

Mathiew 10:16

«Neennu, aani, a jääŋŋa u wøk kaamar dïëk mo ena dï kwäänynye. Kiper manøgønø, bëëdu ni nyeŋŋu reegø kaamar thwöre nou mwöl kaamar akuyi.

Luk 10:3

Cou nø. 'Ba neennu, aani, a jääŋŋa u wøk kaamar nyïïdïëk mo ena dï kwäänynye.

Wëëlö Mana Göör Pøølli Baŋ Jø Röm 1:8

'Ba kawaane a pwøya Jwøa ki køør Jecu Krictø kiperu bëët, kiper gïr ŋäädhe maru akøp piny bäre.

1 Körin 14:20

'Ba, nyïïmera, kär acaara maru tïmö na acaac obwöre. Bëëdu ni uuno obwöre mo mar ki kur raay, ni tïmu nou døøŋŋø ki kur acaara.

Epeca 5:17

Kiper manøgønø, käru tïmö ni uuna bøøre, 'ba ŋäyu gïna many Wuue.

Pilipay 1:9

'Ba a wø kwaya Jwøk nee mëër maru pälle cooth, ka acaara ki man ŋäyu gïno beer ki gïno raac,

Pilipay 2:15

kiper nee bäŋe ajäla mo ö dëëtu, ni bëëtö maru beer, ni uuna nyïï Jwøk mo bäŋ gïn mo jøøŋŋi ri bëëtö maru, kany bëëdu dï jøøi ni reyø ni wïthge teek ni en piny en, jøøo rienynyu dïge keda ceer ni wø meeny piny,

Köløcia 3:16

Wëëgu luum Krictø bëëtö cwïnynyu na adïëri, kaawat man wø pwönynyu røgu, nou jøga røgu ki køør acaare bëët mo leec wïc, kaawat man wø wärru Dut Pwøc ki dut Jwøk, nou dwøga met ec jï Jwøk.