Wëëlö Mana Göör Pøølli Baŋ Jø Röm 16:18 - Wëël Jwøk

¹⁸ Kiper teeŋ jøøgø nø ba tïny Kwääyø ma Krictø, 'ba ge tïnynya yïthge, ni ge maaŋŋa wïth jø wø cwïnyge cwøk ki luup mo ŋweeth.

Wëëlö Mana Göör Pøølli Baŋ Jø Röm 16:18 Iomraidhean Croise

2 Camiel 15:6

'Ba Abëcëlöm aput bëëtö ni tïïya teeŋ tïïc manøgø jï jø Icriel bëët mo wø ö kar ŋøl luup mar nyeya; ni ö Abëcëlömmi ni put cwïny jø Icriel løø baŋe.

2 Luup Nyeye 18:5

Køøre nyeny Icriel jiy ma dïpe aŋween moa tïïc rege na nyïïkuk Jwøk acooŋe ni kööe jïge, ni «?Ciwa baŋ leny Ramöth-Gelät, wala kära cøø?» 'Ba gena köö, ni «Ciï; ocïp Jwøki cerï, ï na nyeya.»

Pwöc Leec Wïc 14:15

Ŋat ma acaara mare thiinh jammi bëët wø di jïëö, 'ba ŋat mo waŋe riek kany wø ci yie wø di caarø.

Pwöc Leec Wïc 22:3

Ŋat mo waŋe riek gïna raac wø di joodø ni kan ree, 'ba ŋat ma acaara mare thiinh wø pätha yi gø, ni jwør gïï mo leth.

Pwöc Leec Wïc 8:5

U na acaara maru thiinh, kwänynyu ki riek waŋ; ni u na wïthu känni, kwänynyu ki leec wïc.

Jeremaya 23:17

Ge wø köö cooth jï jø wø kwier dëëra, ni ‹Luumma caan Wuuö Jwøki beeye nou jïtö ki bëëtö mo beer;› ni köge jï jø wø cäädhi ki køør teek wïc mana öö ki køør rääö mana en cwïnyge, ni ‹Bäŋ gïn mo leth mo pïï bäätu.›

Edhikiel 13:16

ni beege jø Icriel moa tïïc rege na nyïïkuk Jwøk, mo wø cään Jerucalem ni wø köö ni da jammi mo onyoodhø jïge ni paac beer jaak, këël na bëëde ni bëët paac raac.» Luummögø caana Wuuö Jwøki.›

Edhikiel 13:19

Uuni, aana päätu yïthakic jiya kiper beek wø cwøl ni gäbci mo ena yi thäny cenø ki thääŋ kwön. Ki køør mana cäänu ki luup tööt jï jiya mo wø cek ïthge ki jap tööt, jiy moa ba doo rømø ki thøø anägu, ni ö jiyi moa ba doo rømø ki man bëëtge ni kwøw ni wëëgu ge kwøw.› »

Daniel 11:34

'Ba kanyo bëëtge ni ge thøwø, ge na jic Jwøk ge jïtö ki køny mo thiinh, ni ö jiyi mo thööth ni dwätge ki geni ki dhøk mo pøøth.

Mikiya 3:5

'Ba man beeye mana caan Wuuö Jwøki kiper nyïïkuk Jwøk mo wø køp luup ki wïthge, ni wø bwøth jiya nee gaage wøk, ena köö, ni «Kany wø näk da jiy mo tiet lakge di lëëŋŋö ki gïn mo nyamge, ge wø puta tïmö ni ge køpa luum bëët-mëër jïge. 'Ba ni näk da jiy mo dhøkge kär mooø ki cam, ge wø puta tïmö ni ge køpa luum leny jïge.

Milkiya 1:10

Ni cäŋ köö, «Beerra mana di dhaanhø acielli cøø dëëtu ni cïëk dhøgi mo kal mar Øt Jwøk, kiper nee bäŋe dhaanhø dïïu mo äp maac bäät gïn wø cïp olämme bääte mana näk mara ki gïn mo bäŋ tiere jaak. Bäŋ gïn mo døøc yia mo met ki uuni; olämme moo cïpu jïra ba jïëa.

Mathiew 24:11

'Ba nyïïkuk Jwøk mo thööth mo patha adïëri rege othïïŋge ni maaŋge wïth jiy mo thööth.

Mathiew 24:24

Kiper Kricte mo patha adïëri ki nyïïkuk Jwøk mo patha adïëri, rege othïïŋge ni tïïge ki ŋïïce mo døøŋŋø ki gïï mo rëëma ec, nee wïth jiy maaŋge; këël wïth jøøa näk ojierø maaŋge maaŋŋø thuwø ni näk mo løny jïge.

Mathiew 6:24

«Bäŋ dhaanhø mo løny jïre ki man tïny kwääri ariiø. Kiper eni løny ki man männe ka aciel ni mëëre ki maya. Wala cwïnye wëëge aciel, ni jøøŋ maya. Kiper ba løny jïïu ki man tïnynyu Jwøk ni tïnynyu jap piny.

Mathiew 7:15

«Gwøgu rou ki nyïïkuk Jwøk mo patha adïëri mo wø ö baŋu ni ge käära duup rööm, 'ba ki yïthge gena kwäänynye mo owär.

Jøøn 12:26

'Ba ni näk da ŋat mo tïnynya aani, wär eni caath køøra. Ni kanyo ena yie, beeye kanyo en ŋat wø tïny aani yie thuwø. 'Ba ni näk da ŋat mo tïnynya aani, eno røøny Wära.

Wëëlö Mana Göör Pøølli Baŋ Jø Röm 14:18

Ni ŋat wø tïny Krictø na enønø, døøya yi Jwøk mo met, ni ŋäyi ya jiyi ni beer.

Wëëlö Mana Göör Pøølli Baŋ Jø Röm 16:19

Teeŋ ka man bëët mwölli maru ni ŋäc jø bëëti ni mïn yia ki maru, a doo manynya man bëëdu thuwø ni wïthu leer ki man laaru gïno beer ŋäc, ni kuyu raay.

2 Körin 11:3

'Ba aana lwäyö ni wïthu di maaŋŋø ni weyu mëër mana näk adïëri ni en cwïnynyu kiper Krictø, kaawat mana tïïc thwölli ki riek waŋe na ööe ni cøøk Iip.

2 Körin 2:17

Kiper wa ba caal jøø ni thööth yøø ni wø køp luum Jwøk kiper gwel. 'Ba waana jiy mo bäŋ atade cwïnywa, mo jiera Jwøki, ni wa cäänö ka nyeŋ Krictø nyïm Jwøk.

2 Körin 4:2

Waani tïï atade ni wø määnö akwierwa, ni wa ba caath jöör riek waŋ, wala ki man wiilwa luum Jwøk. 'Ba dëëtwa ewa nyoodhø jï jiy bëët nyïm Jwøk ki køør luumma näk adïëri ni wø køpwa ni wïnyö jaak.

Galeecia 1:10

?Aŋø, aani kawaane, a manynya man ö jiyi ni pwøcge aani, ni patha pwøc mar Jwøk? Wala, a manynya man døøya yïth jiy mo met? Onää a poot døøya yïth jiy mo met, a bäŋ doo tïmö ni aana laŋŋø mar Krictø.

Pilipay 2:21

'Ba jiy møga atïmö ni ge ŋäya dëëtge keerge, ni paa moa näk mo Jecu Krictø.

Pilipay 3:19

'Ba cuŋ marge beeye ränynyö, ni jwøge beeye ec, ni lään wïc marge ege tïïö na ajiem, ni cwïnyge ege cïp køør jap piny.

Köløcia 2:4

'Ba manøgø acaana jïïu kiper nee bäŋe ya ŋat mo maaŋ wïthu ki luup mo keda beyø jaak.

Köløcia 3:24

Ni ŋäyu gø, nou jïtö ko olaawi baŋ Wuuö, na ŋade maru. Kiper u tïnynya Kwäärö ma Krictø.

2 Thecalönika 2:10

ni ööi ka atade mo reyø døc baŋ jøw oraanynyi, kiper na kweerge ki man mëërge ki gïna näk adïëri, na di ge piemø ki køøre.

1 Timöthi 6:5

ki pïëm mo ba cuŋ dï jiy moa wïthge reyø, jø wø kuy adïëri, ni wø caar gø ni bëët jöör Jwøk beeye jöö man joot jammi ki køøre.

Jeemeth 1:1

Aana Jeemeth na laŋ Jwøk ki Kwäärö ma Jecu Krictø. A määtha uuni na tuŋi apaar kurriiø, u no okeethø dï piny.

2 Piter 2:3

'Ba kiper mano wärge ki uuni, uuno møøthge ki luup atade. 'Ba ajäla marge nutö cøøn ni ena dëëtge, ni ränynyö marge patha okääŋö.

Juut 1:1

Aana Juut cöök Jeemeth, ni aana laŋ Jecu Krictø. A määtha uuni na cwøl, na näk jø wø mëër Jwøki ki geni na näk Wuuö, u na näk ogwøø kiper Jecu Krictø.

Juut 1:12

'Ba jøøgø caala kït mo reyø mo raanynya kwör cam mou ni wø cammu ki mëër, kany wø cämge ki uuni ni nyeŋge teek, ni marge loora dëëtge. 'Ba ge caala pøøl mo bäŋ køth rege, mo käära jame, ni ge caala jenni mo bäŋ nyïëdi ka arïïa, mo othøw na bäre bäre, mo lweetge oö wøk.

Juut 1:16

'Ba jøøgø gena jø gwön ni bäŋ gïn mo pwøcge, ni ge caatha køør gïïa reyø ni wø nieŋ cwïnyge køørge, ni dhøkge päŋ ka atöör, na jø wø mwøth jiy kiper nee ge jïtge ki jammi.

Mana Nyooth 1:1

Wëëlö man caana luup gïna nyooth Jecu Krictø, na wëëk Jwøki eni, nee gïïo laar tägö nee nyoodhe jï laage. Ni nyoodhe ka dhi nyïïatwiel maal mare na jääŋŋe baŋ laŋŋe ma Jøøn,

1 Camiel 2:29

?Aperŋø nø na päätu olämme ki muuce 'moa na caana ni doo cïba kar bëëtö mara, ki man caammu rou ni lørru ki kwöra met røk gïï wø cïp jiya ma jø Icriel? ?A ï na Ëli, aperŋø na wøørï wäätï ni kaala aani?›