Wëëlö Mana Göör Pøølli Baŋ Jø Röm 15:5 - Wëël Jwøk

⁵ 'Ba Jwøk ni wø cïp tëënnö ki cøm cwïny, uuno wëëk bëëtö ki cwïny aciel ki nyeŋ Krictø Jecu,

Wëëlö Mana Göör Pøølli Baŋ Jø Röm 15:5 Iomraidhean Croise

2 Luup Nyeye 30:12

'Ba cer Jwøk ena bäät jø Juuda thuwø ki man tïïc cwïnyge na aciel, nee luumma ö nyeya ki kwääri na köömge ge ki gø ki køør dwør Wuuö Jwøk nee tïïcge.

Bwøth Wøk 34:6

Køøre eni na Wuuö Jwøk apöödhö ki nyïm Modhe, ni cäänö, ni «Beeye aani na Wuuö Jwøk, Jwøa näk yie bäth ni wø nyooth met ec mare jï jiy, ni wø ba laar wëër, ni mëëye ni wø ba jøøl päl, na adïëri mare okadhø;

Jeremaya 32:39

Ni mooa geni ki cwïny aciel ni cääthge ki jöö aciel, nee bëëtge ni ge lwäär ki aani cooth, nee bëëtö marge ki bëëtö mar obwöre moge moo ööi køørge tïme ni beer.

Edhikiel 11:19

Aani ge mooa mooø ki cwïny aciel ni mooa dëëtge ki jwïëy mo nyään; cwïnynyi moge na caal kïte käla wøk dëëtge ni mooa geni ki cwïnynyi mo jööm kaamar rïŋö.

Moa Tïïc Nyïïatwieli 4:32

'Ba kanyøgø jøøa näk ojïëy cwïnyge aciel ni jwïëcge aciel, ni bäŋ dhaanhø aciel dïge mo köö ni japa en jïre moe keere. 'Ba geni japge anywaakge na aciel bëët.

Wëëlö Mana Göör Pøølli Baŋ Jø Röm 12:16

Bëëdu ki cwïny aciel. Käru tïmö nou töödö, 'ba ŋïïyu ki jø wø can. Ni ba caarru gø ni kadha uuni.

Wëëlö Mana Göör Pøølli Baŋ Jø Röm 15:13

'Ba Jwøk ni wø cïp ŋäädhe, cwïnynyu opääŋe ki met ec mo päl ki mëër ki køør mana jïëyu, kiper nee ŋäädhe maru pälle ki køør teek Jwïëc Jwøk na en kur keere.

Wëëlö Mana Göör Pøølli Baŋ Jø Röm 15:3

Kiper këël Krictø kär cädö kiper dëëre keere. Kaawat mana göörï, na «Ajøøŋ mar jøøa jøøŋ ïïni apänh bääta.»

1 Körin 1:10

Nyïïmera, a kwaya uuni ki nyeŋ Kwääyø ma Jecu Krictø, ni jïëyu ki luumma näk aciel karubëët, ni bäŋe apääk yïthakiyu, ni dwallu cwïnynyu na aciel, ki dwøl aciel.

2 Körin 13:11

'Ba ennø, nyïïmera, turu paar nø. Bëëdu ki bëëtö mana beer. Leŋŋu kwac mara. Mëërru ki røgu. 'Ba Jwø wø cïp mëër ki bëët-mëër oen buutu.

2 Körin 7:6

'Ba Jwøk ni wø cøm cwïny jø wø can, cwïnywa acøme ki køør ööny Tayta.

Epeca 5:2

Ni caathu jöör mëër, kaamar Krictø na mëër ki øøni ni cïp dëëre kiperø na jëëdhi mo ŋwääö ni met no olämi man wø 'näk jï Jwøk.

Pilipay 1:27

'Ba man caana jïïu keere nø, bëëdu ni bëëtö maru orømø ki luumma nyään na met mar Krictø. Kiper ni näk maa duua baŋu ni neena uuni, wala a ba ö baŋu, nee wïnynya ki man näk mou cuŋŋö nou teek ki cwïny aciel, ni döötu aciel, nou tïïö døc ni dëëtu you maa karubëët, kiper ŋäädhe mar luumma nyään na met.

Pilipay 2:2

putu yia døøc mo met na adïëri, ki man bëëdu ki cwïny aciel, ki mëër aciel, ki bëëtö aciel, ni cwïnynyu you dwalø.

Pilipay 3:16

'Ba beerra man putø mana nø joodø mak na adïëri.

Pilipay 4:2

A kwaya ï na Yudia, naa kwaya ï na Cintike, ki man dwallu cwïnynyu ki ri Wuuö.

1 Piter 3:20

jøøa dhal luubö dïkwøŋ kanya bëët Jwøki ni cwïnye ee cïp piny ni kurö yïth nïr Nöa, kanya tïïc jääy, jääna piem jøøa nøk keerge na näk abära ki thøw pïï.

1 Piter 3:8

'Ba luubö mana dööŋ keere nø, uuni bëët, beerra man dwallu cwïnynyu na aciel, ni bëëdu ni cwïnynyu jööt, ni mëërru ki nyïïmëëe, ni cwïnynyu lïëth ki køny, nou bëëdö nou mwöl.

2 Piter 3:15

Ni ŋäyu gøøni ni koor mar Kwääyø ni bëëdö ni cwïnye ee cïp piny beeye kiper nee ø piem. Ni beeye mana göör cöögø ma Pøøl na näk omëëyø jïïu, ki køør leec wïc mana wëëk eni,

2 Piter 3:9

Kiper Wuuö ba dwiil ki mana buue, keda man wø caan jø møøki ni dwiil, 'ba eni poot koora uuni ni cwïnye ee cïp piny, ni bäŋ ŋat manynye nee ränynye, 'ba eni manynya jiy bëët nee thumge ri løk cwïny.