Wëëlö Mana Göör Pøølli Baŋ Jø Röm 15:15 - Wëël Jwøk

¹⁵ 'Ba luup møøk agööra baŋu naa para wïthu naa kär lwäyö, kiper met ec mana wëëk Jwøki aani,

Wëëlö Mana Göör Pøølli Baŋ Jø Röm 15:15 Iomraidhean Croise

Wëëlö Mana Göör Pøølli Baŋ Jø Röm 1:5

ŋata jïtwa ki met ec ki køøre ki twiel man tïïcwa jiy nee jïëcge ni ŋääthge, nee nyeŋŋe tïme ni wïnyö dï juurre bëët,

Wëëlö Mana Göör Pøølli Baŋ Jø Röm 12:3

'Ba a cäänna uuni u bëët ki køør met yi Jwøk na wëëk aani, nee bäŋe dhaanhø dïïu mo caar dëëre ni eno kadhø ni kaala mana dee caarø. 'Ba ŋati man nø wïïe wär caare døøc no orømø ki ŋäädhe mana wëëk Jwøki eni.

Wëëlö Mana Göör Pøølli Baŋ Jø Röm 12:6

'Ba na tïme ni jïïø da muuce keda mana cïbi jïïø na teeŋi ki met ec, beerra man tïïø ki geni. Ni näk ma køp dwør Jwøk, beerra man købø gø no orømø ki ŋäädhe marø.

1 Körin 15:10

'Ba beeye met ec mar Jwøk na tïïc aani ni aana dhaanhø en. 'Ba met yie na nyuth aani paa oballe jaak. 'Ba atïmö ni tïïö aani døc naa kaala geni. 'Ba paa aani, 'ba beeye met yi Jwøk ni wø tïïö dëëra.

1 Körin 3:10

'Ba ki køør met yi Jwøk na wëëk aani, tier øtø acaaa keda man wø tïïc kwääc geerri mo ŋäc geer døøc, ni ö dhaanhe maya ni gëët bäät gø. 'Ba ŋati man wïïe wär caare ki geer man gëët bääte nidïï.

Galeecia 2:9

'Ba na ŋäcge met yi Jwøk mana wëëk aani, Jeemeth ki Ciipa, ki Jøøn, jøøa wäŋŋi ni døøŋŋø kwörge, ceŋwa amakge ki Barnaba ni ge nyootha dwätö jïwa, ni wa doo cøøa baŋ juurre, ni cige baŋ jøøa näk odaŋø.

1 Timöthi 4:6

'Ba ni näk luupi ii peedhï nyïm nyïïmëëe, ï tïmö ni ïïna dïpööy mo beer jï Krictø Jecu, ni piidhï yïth luup ŋäädhe, ki pwöc mo beer mana caathï køøre.

2 Timöthi 1:6

'Ba a doo naa para wïïï nee wïïï ba wïle ki muuy manø ni cwïnyï enø na cïp Jwøki jïrï ki køør mana cïba ceŋŋa bäätï.

2 Timöthi 2:14

Par wïthge ki gïn, ni köömmï geni nyïm Jwøk, ki man kwierge pïëm tiet luup ni wø bäŋ gïn mo joot rege, 'ba beeye ränynyö keere jï jø wø wïny gø.

Tayta 3:1

Kööm geni ki man wøørge kwääri ki jøøa jïge da teek, ni bëëtge na dïleŋ luup, ni yïthge met ki man kunyge ri tïïe mo wø beyø bëët, ni cwïnyge leer,

Ibaru 13:22

'Ba nyïïmera, a kwaya uuni ki man cegu ïthu ki luumma köömma uuni ki gø, kaawat mana göönna baŋu ki luubö mo ciek en.

1 Piter 5:12

'Ba beeye Cilbana na cöögö mo yaa ŋäädhö ni cïba wëëlli ni ciek na gööra baŋu en cere, naa köömma uuni naa køpa gø jïïu, ni man beeye met yi Jwøk na näk adïëri. Bëëdu nou teek ri gø.

2 Piter 3:15

Ni ŋäyu gøøni ni koor mar Kwääyø ni bëëdö ni cwïnye ee cïp piny beeye kiper nee ø piem. Ni beeye mana göör cöögø ma Pøøl na näk omëëyø jïïu, ki køør leec wïc mana wëëk eni,

1 Jøøn 5:13

A gööra luubö man baŋu, u no ojïëy ki nyeŋ O Jwøk, nee ŋäyu ni jïïu da kwøw mana näk adïëri mo bäŋ cuŋŋe.