Wëëlö Mana Göör Pøølli Baŋ Jø Röm 15:13 - Wëël Jwøk

¹³ 'Ba Jwøk ni wø cïp ŋäädhe, cwïnynyu opääŋe ki met ec mo päl ki mëër ki køør mana jïëyu, kiper nee ŋäädhe maru pälle ki køør teek Jwïëc Jwøk na en kur keere.

Wëëlö Mana Göör Pøølli Baŋ Jø Röm 15:13 Iomraidhean Croise

Aydheea 55:12

Kiper uuno døny wøk ki met ec, ni bwøth uuni ki bëët-mëër; kïte ki thuuri geno kwöŋŋi ki met ec nyïmmu, ni ö jenni bëët ni paŋge ceŋge.

Jeremaya 14:8

Wui, ï ni wø ŋääth jø Icrielli, ï ni wø piem waani cäŋ gïïa leth, ?aperŋø ni bëëdï kaamar wëëllö yi ŋöömmi en? ?Na aperŋø ni bëëdï kaamar ŋat mo tiere ena jöö mo gää baŋ niine keere en?

Jool 3:16

Wuuö Jwøk määr ki yi Dhayan, ni dwøre wïnyi ka yi Jerucalem, ni ö maalli ki piny ni tïmge ni jäŋŋi. 'Ba Wuuö Jwøk bëëdö na kar kan røk jï jiye, ni eni caala kiir mo ogeerø ni teek jï jø Icriel.

Jøøn 14:1

'Ba Jecu aköö, ni «Kär cwïnynyu wëëgu ränynyö. Jïëyu ni ŋääthu Jwøk, ni jïëyu ni ŋääthu aani thuwø.

Jøøn 14:27

Bëët-mëër wø wëëga uuni, ni bëët-mëër mara wø cïba cïbö jïïu. Ni man wø cïba jïïu en, ba caal mana doo cïp pinynyi jïïu. Kär cwïnynyu wëëgu ränynyö, ni ba lwäyu.

Wëëlö Mana Göör Pøølli Baŋ Jø Röm 12:12

'Ba yïthu mïnge ki ri ŋäädhe maru, ni cïbu cwïnynyu piny ki gïïo leth ni wø pïï dëëtu, ni lämu cooth.

Wëëlö Mana Göör Pøølli Baŋ Jø Röm 14:17

Kiper buc Jwøk paa per cam ki maath, 'ba beeye bëëtö mo beer, ki bëët-mëër, ki met ec ki ri Jwïëc Jwøk na en kur keere.

Wëëlö Mana Göör Pøølli Baŋ Jø Röm 15:19

ki teek mar ŋïïce ki gïï mo rëëma ec, ki køør teek Jwïëc Jwøk na en kur keere. Ni køba luumma nyään na met mar Krictø dï paac bäre, ni tägi ka yi Jerucalem këël mana këët Ilirikam.

Wëëlö Mana Göör Pøølli Baŋ Jø Röm 15:5

'Ba Jwøk ni wø cïp tëënnö ki cøm cwïny, uuno wëëk bëëtö ki cwïny aciel ki nyeŋ Krictø Jecu,

1 Körin 2:4

Ni dwøra na cääna ki gø, ki dwøl mana køba, kära caanø naa møøtha uuni ki luup mo riek waŋ, 'ba Jwïëc Jwøk ki teek ee nyoodhø,

2 Körin 9:8

Kiper løny jï Jwøk ki man gwïëth uuni døc ki yïth jammi bëët, nou bëëdu ni jïïu da jammi mo orømø cooth, nee u cïpö døc kiper tïïe bëët mo wø beyø cooth.

Galeecia 5:22

'Ba nyïëdi mo wø ööi ki ri Jwïëc Jwøk, beege mëër, ki met ec, ki bëët-mëër, ki bäŋ jøømø, ki bäth ec, ki køny, ki ŋääth dhaanhø,

Epeca 1:2

Met ec bëëde bäätu, ki bëët-mëër man wø ööi ki baŋ Jwøk na näk Wääø ki Kwäärö ma Jecu Krictø.

1 Thecalönika 1:5

Kiper luumwa na nyään na met kär ö baŋu na luubö keere, 'ba aöö ki teek thuwø ki ri Jwïëc Jwøk na en kur keere, na caanwa na gïn mo ŋäcwa døøc. Ni ŋäyu gø ki man näk a teeŋ bëëtö mo nyïëdi na beetwa dïïu, na kønywa uuni.

1 Timöthi 1:1

Aana Pøøl na nyïïatwiel mar Krictø Jecu ki køør mana ö Jwøki na kööm aani, eni na näk Pïëmi marø, ki Krictø Jecu, ŋata ŋäädhø kiper yi nyïm.

Ibaru 6:11

Ni wa manynya man ö ŋati man nø dïïu, ni put cwïnye cïp køør ŋäädhe mare mar yi nyïm ki teeŋ jöörögø, ni put gø ŋäc na adïëri ki kare bäre, këël cuŋŋe,

1 Piter 1:8

'Ba u mëër ki eni, këël na käru gø neenø, ni jïëyu ni ŋääthu eni, këël na ba neennu gø, ni mïn yïthu ki met ec mo päl døc mo ba løny ki par.

1 Camiel 1:18

Ni kö Anna, ni «Beerra man bëët yiï ni met ki aani.» Ni ö Anna ni put aay, ni cäme ni täärnyïme leer jaak.