Wëëlö Mana Göör Pøølli Baŋ Jø Röm 14:6 - Wëël Jwøk

⁶ Ŋat wø gwøk cäŋ, wø gwøe ni eni wøøra Wuuö. Ni ŋat wø cämö ki teeŋ caammi bëët thuwø, wø cämö ni wøøra Wuuö, ni wø dwøga met ec jï Jwøk. 'Ba ŋat wø ba cämö ki teeŋ caammi bëët, wø poot wøøra Wuuö, ni dwøga met ec jï Jwøk.

Wëëlö Mana Göör Pøølli Baŋ Jø Röm 14:6 Iomraidhean Croise

Bwøth Wøk 12:14

« ‹Dïcäŋögø otïmö na cäŋ par wïc jïïu, ni wøørru gø na ajwöma jï Wuuö Jwøk; cäŋ manøgø wär wøørru cooth ki yïth beenhnhe mou bëët.

Bwøth Wøk 12:42

'Ba wäär mana ö Wuuö Jwøki na käl jø Icriel wøk ki yi ŋööm Ijep beeye wäär mo doo gwøø jï Wuuö Jwøk; wäänögø doo gwøk jø Icrielli bëët jï Wuuö Jwøk këël yïth beenhnhe moge bëët.

Bwøth Wøk 16:25

Ni kö Modhe, ni «Cammu muunni moøgø dïcäŋi. Kiper dïcäŋi en beeye cäŋ jwömö na mar Wuuö Jwøk; ni bäŋ møø mo jootu dïcäŋi dï pwöla.

Aydheea 58:5

?Aŋø, teeŋ wödö manøgø beeye mana manynya, ni tïme ni beeye cäŋ man ö dhaanhø ni dwøk dëëre piny ni mwöl keere yie? ?Aŋø, beeye ki man ö dhaanhe ni kuul wïïe piny kaamar otöök, ni but piny yïth keece ki yi bur? ?Aŋø, manøgø beeye man wø cwøllu ni wödö, ni beeye cäŋ man wø jïëa, a na Wuuö Jwøk?

Dhekaraya 14:21

Këël dääe bëët moa en yi Jerucalem ki moa en yi Juuda otïmö ni ena kur keerge na mo Wuuö Jwøk, eni na wïth jammi bëët. 'Ba jiy bëët moo wäro ö baŋ cïp olämme, geno lwöti røk dääe moøgø ni tëëtge ki ge. Dïcäŋöca otïmö ni bäŋ dïgäthe këët yi Øt Wuuö Jwøk, eni na wïth jammi bëët.

Mathiew 14:19

Kanyøgøøni lwaak aköömme nee pïge piny yi luum. Ni lwør muuga näk abïïc ki reya näk ariiø, ni neen maal ni gwïëth ge, ni pøt muugögø, ni mëëk ge bääge. Ni ö bääge ni pääŋge ge jï lwaak.

Mathiew 15:36

Ni lwør muuga näk abïriiø ki rec. 'Ba kanya nø dwøk met ec, apøte, ni mëëk ge bääŋi. Ni ö bääŋi ni pääŋge ge jï lwaak.

Jøøn 6:28

Kanyøgø gena köö jïre, na «?Agïnaŋø na dewa tïïö, nee tïme ni wa tïïö ki tïï Jwøk?»

Galeecia 4:10

Uuni, uuna tïmö nou gwøga cääŋŋe, ki dwäde, ki kwöra näk owäŋŋö yi cwiir, ki cwiiri.