Wëëlö Mana Göör Pøølli Baŋ Jø Röm 14:11 - Wëël Jwøk

¹¹ Kiper ogöörö, ni «Wuuö Jwøk aköö, ni ‹Kaawat man kwøa en, cøŋŋi bëët okëël piny nyïma, ni ö lëëpi bëët ni pwøcge aani na Jwøk.› »

Wëëlö Mana Göör Pøølli Baŋ Jø Röm 14:11 Iomraidhean Croise

Aydheea 49:18

Tïŋu wïthu maal ni lwïthu; jø pou bëët rege acooŋge ni ge ööa baŋu.» Ni kö Wuuö Jwøki, ni «Ka teeŋ man bëëda naa kwøw en, geni ge kïthu dëëtu kaamar jap mïërö, ni meenu ge dëëtu kaamar jap nywöm.

Jeremaya 22:24

Wuuö Jwøk akööŋ ŋëëte keere, ni kööe jï Jekönaya wär Jeyöakëm, nyeny Juuda, ni «Këël doo na ï bëëdö kaamar ogut lweedø man ni pere leth ni cer cwïïa en, ï daa käla wøk.

Edhikiel 5:11

Kiper manøgønø, Kwäärö Wuuö Jwøk aköö, ni «Ka adïëri møn, kaawat man bëëda naa kwøw en, kiper mana päätï øtø mara na en kur keere ki kït gïï wø lamï na reyø døc, ki gïïa näk ec raac ki ge, aani ki dëëra raa paanya paanyø buutï, ni ba nyoodha bäth ec mara jïrï wala ki man wara cwïnya ki ïïni.

Jepaniya 2:9

Kiper manøgønø, Wuuö Jwøk, Jwø Icriel, eni na wïth jammi bëët, aköö, ni «Ka adïëri møn, kaa man bëëda naa kwøw en, jø Möap, poge tïmö kaamar Cødam, ni ö jø Amönni ni tïm poge kaamar Gømöra; ni ö luummi mo raac ni put tuuö yïth ŋøøpge, ni tïm ŋøømmi moge na buri mo acäbö, ni put ŋöömö ränynyö na bäre bäre. Jiy 'moa moa dööŋ ni kwøw, jap jøøgø otwierge, ni putge bëëtö yi ŋöömö mar jøøgø ni tïme na marge.»

Kwään Jiy 14:21

'Ba ka adïëri møn, kaawat man bëëda naa kwøw en, a na Wuuö Jwøk, ajiem mara bäät piny bäre opääŋe.

Kwään Jiy 14:28

'Ba ennø, caanï jïge ni Wuuö Jwøk aköö, ni ‹Kaawat man bëëda naa kwøw en, gïïa caannu na wïnynya tïïa tïïö ni dwøga gø dëëtu.

Mathiew 10:32

'Ba jiy bëët mo wø jïëc aani nyïm jiy, ojïëa thuwø nyïm Wära ni en maal.

Wëëlö Mana Göör Pøølli Baŋ Jø Röm 10:9

Kiper ni näk mo iï caanø ki dhiï, ni «Jecu beeye Kwäärö,» ni jïëyï ki cwïnyï ni ena tïŋ Jwøki maal ki yi thøø, ï di piemø.

Wëëlö Mana Göör Pøølli Baŋ Jø Röm 15:9

nee juurre tïmge ni ge jiema Jwøk kiper met yie. Kaawat mana gööri, ni «Ïïno pwøa dï juurre, ni kïtha nyeŋŋï ri dudi.»

1 Jøøn 4:15

'Ba ŋat wø jïëc Jecu ni ena O Jwøk, Jwøk wø bëëdö dëëre, ni en dëër Jwøk.

2 Jøøn 1:7

Kiper jø cwøk mo thööth okeethø dï piny, jøøa näk kär jïëy ni Jecu Krictø oöö ni da dëël. Teeŋ ŋatøgø nø, beeye dïcuuy ni ena nyimän Krictø.

Mana Nyooth 5:14

Ni kö gïïa kwøw karge ŋweeni, ni «Enøgønø.» Ni ö jaae ni leeŋge rege piny ni wøørge Jwøk ki Nyidiel.