Wëëlö Mana Göör Pøølli Baŋ Jø Röm 14:1 - Wëël Jwøk

¹ 'Ba ŋat mo ŋäädhe mare thiinh wär pänhnhu, ni paa kiper nou pïëmu ki gïr gïïa caare.

Wëëlö Mana Göör Pøølli Baŋ Jø Röm 14:1 Iomraidhean Croise

Jööp 4:3

Ka adïëri møn, jiy mo thööth apwönynyï, ni wëëgï bäädi moa no onilway tëënnö.

Aydheea 40:11

Wuuö Jwøk jiye gwøe gwøø, kaawat man wø ö dïkwääyi wø gwøk dïëk moe, kaawat man wø ö eni wø cooŋ nyïïdïëk ki cere, ni käär ge ki kööre, ni bwøth moa näk nyoori ni kääre mëëth.

Aydheea 42:3

Eni otöök mo onyøc, ba toore, ni lamba mo manynya thøø ba nääe; 'ba ŋøl luup mana näk kare beeye noo tïïe.

Edhikiel 34:16

Aani, dïëk moa no orwäänyö manynya manynyø, ni duua moa no okeethø, ni bääa ŋwiili moa en dëëtge, ni tïïa dëët moa jägö ni teek; 'ba moa no olør ki moa dëëtge teek raanynya raanynyø. 'Ba aani, dïëk 'moa käära käärö ki jöö ma kare.

Edhikiel 34:4

Uuni, moa näk oööl käru wëëk tëënnö, ni käru moa tuu kønyø, ni käru ŋwiili moa en dëëtge bääö, ni käru moa no okeethø cooŋø, ni käru moa no orwäänyö manynyø, 'ba ge kääru ka teek ni ge you caannø.

Dhekaraya 11:16

Kiper aani a tïŋŋa maal yi ŋöömö man ki dïkwääy dïëk mo ba cädö kiper dïëk moa no orwäänyö, wala ki man many moa therø, wala ki man køny moa näk rege da ŋwiili, wala ki man caam moa dëëtge jööt; 'ba eno bëëdö ni cämö ki rïŋ dïëk moa no ojierø, ni cääny okiei moge wøk.

Mathiew 12:20

Ni ba toor otöök mo onyøc, ni ba jwöc maac mo duuŋ, këël mano wëëk ŋøl luup mo beer mar Jwøk thur kare.

Mathiew 14:31

Ni ö Jecu ni put cere rwaak baŋe ni mak gø, ni cään gø ni kööe, ni «Nyie, ï ni ŋäädhe marï thiinh en. ?Aŋø ni tääï en?»

Mathiew 18:10

«Gwøgu rou døc, nee bäŋe nyilaal aciel røk moi ni therø ii mo taagu. Kiper a cäänna uuni, ni nyïïatwiet maal moge wø bëëdö ni neeta waŋ Wära cooth ni en maal.

Maak 7:19

Kiper atïmö ni ba ci cwïnye, 'ba cøøa yie, ni pöötha wøk.» 'Ba na caan luummögø, eni caana gø, ni caammi bëët beyø.

Luk 17:2

Doo beerra eni kiper ŋatøgø ki man twöö kïn guur ŋute, ni leeŋi yi naama dwøŋ, ki man wëëk aciel dëët moi ni therø ii bääyö.

Jøøn 13:20

Adïëri møn a caana gø jïïu, ni ŋat wäro jïëc ŋato jääŋŋa, jïëya aani; ni ŋato wäro jïëc aani, jïëya eni na jääŋ aani.»

Moa Tïïc Nyïïatwieli 28:2

'Ba jøøa bëëdö kaace met ec mo dwøŋ døc anyoothge jïwa. Kiper waana ämge ki maac ni pänhge wa bëët, kiper køth atïmö ni pädhö ni piny da köö.

Wëëlö Mana Göör Pøølli Baŋ Jø Röm 11:15

?'Ba ni näk kwier marge na kwier geni ki gø beeye na cäŋ piny dwøk kanya ciel ki Jwøk, a kanyo jïëc geni, ba put tïmö ni beeye kwøwa eni køør thøø?

Wëëlö Mana Göör Pøølli Baŋ Jø Röm 14:2

Ŋat mør wø ŋäädhö ni eni doo cämö ki teeŋ caammi bëët jaak, ni ö ŋat mo ŋäädhe mare thiinh ni caam omär keerge.

Wëëlö Mana Göör Pøølli Baŋ Jø Röm 14:21

Wøp døc, ni ba cämï ki rïŋö wala maath køøŋ nyïïomøki, wala tïïc gïn mør jaak mo wëëga cöögu cwaany tiere.

Wëëlö Mana Göör Pøølli Baŋ Jø Röm 14:3

'Ba ŋat wø cämö ki teeŋ caammi bëët, kär ŋat wø ba cämö jøøŋŋe, ni ö ŋat wø ba cämö ni ba jääl ŋat wø cämö. Kiper eno nø pänh Jwøki.

Wëëlö Mana Göör Pøølli Baŋ Jø Röm 15:1

'Ba ø ni teek, ø doo käära jøø ni poot jägö yøø, ni ba caarø dëëtø keerø.

Wëëlö Mana Göör Pøølli Baŋ Jø Röm 15:7

Kiper manøgønø, pänhnhu røgu, kaawat mana ö Krictø na pänh uuni. Kanyøgønø, Jwøk ojiem.

Wëëlö Mana Göör Pøølli Baŋ Jø Röm 4:19

Ŋäädhe mare käre wiiø, këël na caar dëëre na näk kare cään ki thøø kiper na näk jïre da cwiiri mo jïtö ki dïpa, wala kanya caar bwøc cïïe ma Ceera.

1 Körin 9:22

'Ba ki jï jøøa näk ŋäädhe marge thiinh, dëëra atïïa keda aana dhaanhø mo ŋäädhe mare thiinh, kiper naa känna kura ki jøøa ŋäädhe marge thiinh. Aani, dëëra atïïa na enøgønø ki yïth jammi bëët jï jiy bëët, kiper naa jïta ki jöö ki yïth japøgø bëët nee jø møøk piema.

Pilipay 2:29

Kiper manøgønø, pänhnhu eni ki nyeŋ Wuuö ni mïn yïthu bëët, ni wøørru teeŋ jøøgø.

1 Thecalönika 5:14

'Ba wa köömma uuni, nyïïmera, ki man köömmu jøø ni bëëtge ogwäyö yøø, ni cømmu cwïny jøø ni cwïnyge lwäär yøø, ni kønynyu jøøa jägö, ni ba jøømmu ki geni bëët.

Ibaru 5:14

Kiper kwön mo teek rømi ka jiy mo døøŋŋø, jøøa näk onø kwänynyö ki man ŋecge gïïa beyø ki gïïa reyø, kiper man wø pwönyge rege ki gø.

2 Jøøn 1:10

'Ba ni näk da ŋat mo ööa baŋu ni ba käl pwöc moøgø, kär nou jïëya gø ki man døny paac, ni ba määthu gø.