Wëëlö Mana Göör Pøølli Baŋ Jø Röm 13:8 - Wëël Jwøk

⁸ Kär dee pïïdö mar ŋat mør bäätu, 'ba tïme ni beeye mëër keere ki man mëërru ki røgu. Kiper ŋat wø mëër ki ŋat mør, ciik Jwøk ee thöörö.

Wëëlö Mana Göör Pøølli Baŋ Jø Röm 13:8 Iomraidhean Croise

Mathiew 7:12

Kiper manøgønø, gïn wäro manynyu nee tïïc jiyi jïïu, wär wø tïïyu jïge thuwø. Kiper manøgø beeye tier pwöc mana en yïth ciik Jwøk ki luup moa køp nyïïkuk Jwøki.

Jøøn 13:34

'Ba a wëëga uuni ciik mo nyään, ni mëërru ki røgu, keda mana mëëra ki uuni, kiper nou tïmu nou mëër ki røgu thuwø.

Wëëlö Mana Göör Pøølli Baŋ Jø Röm 13:10

Mëër bäŋ gïn mo raac mo tïïe dëër ŋat mør. Kiper manøgønø, mëër beeye wø thöör ciik Jwøk.

Wëëlö Mana Göör Pøølli Baŋ Jø Röm 13:7

Cïpu gïï wø cïpu jïge bëët. Cïpu teeŋ ajwäk bëët jï ŋat wø en ajwäki cere, ni lwäärru ŋat mo di lwäärö, ni wøørru ŋat mo di wøørø.

Galeecia 5:14

Kiper ciik Jwøk ki kare bäre wø thur kare ka ri luubö aciel, ni «Ï doo mëër ki ŋat mør kaawat man wø mëërï ki dëërï.»

Köløcia 3:14

'Ba dï gïïögø bëët, ŋäyu mëër keere, ni beeye ni wø dwal jammi bëët ni thurge karge ki cwïny aciel.

1 Timöthi 1:5

'Ba tier pwöc marø beeye mëër mo käla yi cwïny mo tar, ki bëëtö ma adïëri, ki ŋäädhe ma adïëri.

Jeemeth 2:8

'Ba ni näk mou tïïya ciik Jwøk møn na caal ciik nyeya keda man en yi wëël Jwøk, «Mëërï ki ŋat mør kaawat man wø mëërï ki dëërï,» nou tïïyu gø na enøgønø, u tïïya gïna beer na doo tïïö.

1 Jøøn 3:10

Ni beeye gïnögø noo joot jø wø näk nyïï Jwøk ki jø wø näk nyïï anägö. 'Ba ŋat wø ba tïïc gïn mo beer, ki ŋat wø ba mëër ki coki, patha mar Jwøk.