Wëëlö Mana Göör Pøølli Baŋ Jø Röm 13:7 - Wëël Jwøk

⁷ Cïpu gïï wø cïpu jïge bëët. Cïpu teeŋ ajwäk bëët jï ŋat wø en ajwäki cere, ni lwäärru ŋat mo di lwäärö, ni wøørru ŋat mo di wøørø.

Wëëlö Mana Göör Pøølli Baŋ Jø Röm 13:7 Iomraidhean Croise

1 Nyeye 3:17

Ni kö dhaagø acielli, «Wui, ï na nyeya mara, aani ki dhaagø man, wa bëëdö yi øtø aciel; køøre aana lwaar ki nyilaal ni eni nut yi øtø.

Bwøth Wøk 20:12

«Wøør wäru ki meru, kiper nee nïr kwøw moï thöönhge yi ŋöömmo cïp Wuuö Jwøki na näk Jwøu jïïu.

Pwöc Leec Wïc 24:21

Nyie wääda, lwäär Wuuö Jwøk ki nyeya, ni ba dwätï ki jø wø many ageem;

Pwöc Leec Wïc 3:27

Kär gïn mo beer mänï ki jøøa no orømø ki man cïbi jïge, kany wø näk mo løny jïrï ki man tïïyï gø.

Ciik Kiper Dïlämme 19:3

« ‹Ŋati man nø dëëtu, menni ki wänni wär wøøre, ni gwøgu cäŋ jwömö mara. Beeye aani na Wuuö Jwøk, Jwøk maru.

Ciik Kiper Dïlämme 19:32

« ‹Wøørru jøøa wïthge da lwaar ni beege jäle, ni lwäärru aani, a na Jwøk maru. Beeye aani na Wuuö Jwøk.

Mathiew 17:25

Ni kööe jïge, ni «Wø cïpö.» 'Ba kanya ö Piterri yi øtø, Jecu akwøŋ cäännö ki eni, ni kööe, ni «?Cayman, agïnaŋø na caarï? ?A jøøe ni wø ö nyeye mo piny ni wø lwørge ajwäk baŋge? ?Ge wø käda baŋ wäätge wala baŋ jøøa path?»

Mathiew 22:21

Ni dwøkge gø jïgø, ni «Beeye Cidhar.» Kanyøgø Jecu aköö jïge, ni «Dwøgu japa näk jap Cidhar baŋ Cidhar, ni dwøgu japa näk jap Jwøk baŋ Jwøk.»

Maak 12:17

Ni kö Jecu jïge, «Dwøgu japa näk jap Cidhar baŋ Cidhar, ni dwøgu japa näk jap Jwøk baŋ Jwøk.» Ni rëëm yïthge ki gø.

Luk 20:22

?Beeye gïn mo beer jïwa ki man cïpwa ka ajwäk jï Cidhar, wala ba beer?»

Luk 20:25

Ni kööe jïge, ni «Dwøgu japa näk jap Cidhar baŋ Cidhar, ni dwøgu japa näk jap Jwøk baŋ Jwøk.»

Luk 23:2

Ni täkge ki man kïthge bääte ki luup, ni köge, ni «Nyeni en ajootwa ni manynya man wëëk powa ageem ka akwöma, ni män wa ki cïp ajwäk jï Cidhar, ni kööe ni eni ki dëëre beeye Krictø, ni ena nyeya.»

Wëëlö Mana Göör Pøølli Baŋ Jø Röm 12:10

Ŋati man nø mëëre ki wati maya ki mëër man wø mëër nyïïmëëe ki gø. Ni ö ŋati man nø ni laar wödö wëëk wati maya.

Wëëlö Mana Göör Pøølli Baŋ Jø Röm 13:6

Ni beeye tier manøgø thuwø ni wø cïpu ka ajwäk. Kiper jøøa näk ocuumö ge tïnynya Jwøk, ni beeye tïïögø kiree ni neetge.

Epeca 5:33

'Ba beerra man ö ŋati man nø ni mëëre ki cïïe keda dëëre, ni ö dhaage ni lwäär cwøre.

Epeca 6:5

U na laaŋe, leŋŋu dööt jøø ni bëënnu pinyi en ki cwïnynyu bäre nou lwäär ni dëëtu kwanynyi, kede tïïyu jï Krictø.

1 Timöthi 5:13

'Ba ki køør bëëtö manøgø thuwø, ge kwänynyö ki bëëtö jaak, ni tïmge ni ge wïïrö jaak ni ge cøøa paani nø, ni cige paani nø. Ni paa bëëtö jaak keere, 'ba ge tïmö ni gena dïwääc nyeŋŋi, ni ge cøøa yïth luup jø møøk, ni ge cara gïï mo ba mïërö ki man carge ge.

1 Timöthi 5:17

'Ba jaak acooŋ Jwøk moø ni tïïö døc yøø, wär tïmge na jiy mo di wøørø døøc, ni letha per jøø no oööl røk yøø ki køp luum Jwøk ki pwöc.

1 Timöthi 6:1

'Ba jøø bëët ni bëëdö yi laŋ ni caal twöc enø, beerra man ŋäcge kwääri moge no orømø ki wödö ma wøp, kiper nee nyeŋ Jwøk ki pwöc moe bëët nee ba jøøŋŋi.

1 Piter 3:7

Kaawat manøgøøni, u na cwøw, bëëdu ki määru nou cädu kiperge, ni wøørru geni kiper geno cwääö ni jääk, kiper mana tïme ni kwøw mana cïp Jwøki ki met ec omëëk u riet, nee bäŋe gïn gëëŋ lam maru.

1 Camiel 12:18

Kanyøgønø, Camiel Wuuö Jwøk aput kwac, ni ö Wuuö Jwøki ni put køth mo pöödö jääŋŋö dïcäŋögø; køøre jiy bëët aput lwäyö døc ki Wuuö Jwøk ki dhaanhnhe ma Camiel.