Wëëlö Mana Göör Pøølli Baŋ Jø Röm 13:13 - Wëël Jwøk

¹³ Beerra man bëëdø ki bëëtö mo beer na man wø bëëdö ki gø ki waŋcäŋ, ni ø ba wïïri ni meeyø, wala øøna kääpe ni dëëtø yøø cïbö jï raay, wala ø wëëyø ni këëø.

Wëëlö Mana Göör Pøølli Baŋ Jø Röm 13:13 Iomraidhean Croise

Pwöc Leec Wïc 23:20

Kärï dwätö ki jø meeye, ki jøøa no owär ki cam rïŋö,

Luk 1:6

'Ba gena jiy mo beyø nyïm Jwøk karge riet, ni ge caatha køør moa näk ocem Wuue ki ciik moe bëët, ni bäŋ gïn mo ege baaø rege.

Luk 16:19

«'Ba da nyen mør mo okwär, mo wø käära abïïe ma wøpe, mo cam päl jïre cooth.

Luk 21:34

«Gwøgu dëëtu. Kanymør cwïnynyu tïmö ni ena køør caammi, ki meeye, ki lääŋ jap kwøwi en, ni ö cäŋöce ni laar ö bäätu ni caala abïëp.

Moa Tïïc Nyïïatwieli 2:15

Kiper jøøi ii ge paa omeer kaawat man caarru gø enø, kiper man poot na caae abïŋween mo aruunnø.

1 Körin 3:3

Kiper cwïnynyu poot ena køør mo dëël, kiper kanyo poode nou këëö ni dïïu da pïëm, ?aŋø, cwïnynyu ba poot en køør mo dëël, nou bëëdö nou caala jiy møga jaak?

Galeecia 5:19

'Ba gïï wø tïïc dëëlli, ŋäc. Ni beege käp, ki rääö, ki bäŋ mak røk,

Galeecia 5:21

ki gwönö, ki maath, ki meeye mo dëël oraanynyø, ki teeŋ møga bëët. A köömma uuni, kaawat mana kwøŋa u köömmö, jø wø tïïc teeŋ gïïögø, buc Jwøk ba dege joodø.

Epeca 4:1

Kiper manøgønø, a na tööny Wuuö, a kwaya uuni ki man bëëdu ki bëëtö mo orømø ki cwödö mana cwøl uuni kipere,

Epeca 4:17

Kiper manøgønø, a cäänna uuni ni mara køba ka nyeŋ Wuuö, ni kär nou bëëdö këët kaawat man wø bëët juurre ni wø bäŋ gïn mo ŋäcge.

Epeca 5:15

Kiper manøgønø, gwøgu dëëtu døøc ki wääthu, ni wïthu leer nou patha jiy mo wïthge ba leer.

Epeca 5:18

Käru meeyø ki kwøŋ, kiper beeye wø käl bëëtö mo raac, 'ba cwïnynyu päŋge ki Jwïëc Jwøk,

Epeca 5:8

Kiper dïkwøŋ uuna muudhö, 'ba kawaane uuna tar ki ri Wuuö. Cäädhu ni uuna nyïï tar.

Pilipay 1:27

'Ba man caana jïïu keere nø, bëëdu ni bëëtö maru orømø ki luumma nyään na met mar Krictø. Kiper ni näk maa duua baŋu ni neena uuni, wala a ba ö baŋu, nee wïnynya ki man näk mou cuŋŋö nou teek ki cwïny aciel, ni döötu aciel, nou tïïö døc ni dëëtu you maa karubëët, kiper ŋäädhe mar luumma nyään na met.

Pilipay 2:3

Ni bäŋe gïn mo tïïyu ki cøl cwïny wala atöör, 'ba beerra man caarru gïr jiy møga, ni beyø geni ki uuni, nou mwöl.

Köløcia 1:10

nou bëëdu ki bëëtö mo beer mo rømø jï Wuuö, ni tïïyu gïï wø met yie ki geni keerge, nou kännö ki nyïëdi yïth tïïe moo beyø moo tïïyu bëët, ni meetu mana ŋäyu kiper Jwøk,

Köløcia 3:5

Kiper manøgønø, 'nägu jap piny ni en cwïnynyu, teeŋ kaa käp, ki rääö, ki gïïa reyø wø nieŋ cwïnynyu køørge, ki many raay, ki päl cwïny, na näk beeye wøør juu møøk.

1 Thecalönika 2:12

ni cømwa cwïnynyu, ni caanwa gø jïïu, ki man bëëdu ki bëëtö mo beer mo orømø ki Jwøk, ŋat wø cøør uuni yi buye kiree ni mooc uuni ka ajiem.

1 Thecalönika 4:12

Kiper manøgønø, nou wøør jøøa pathi, nee bäŋe gïn cannu.

1 Thecalönika 5:17

Ni lämu cooth.

Jeemeth 4:5

Wala you caarø ni gïn wø caan Wëël Jwøki oballe jaak, ni wø köö, ni «Jwøk cwïnye lääŋŋa jwïëy mana tïïe nee bëëde dëëtø.»

1 Jøøn 2:6

'Ba ŋat wø köö ni eni bëëdö ree doo cäädhö ki jööra cääth Jecu ki yie.

2 Jøøn 1:4

Yia amïnnö døc na jooda nyïïï møøk ni caatha køør adïëri, keda mana ö Wuue na kööm øøni.

Juut 1:23

Ni judhu jø møøk wøk ki yi maac nou piema geni. Ni päth cwïnynyu ki gïr jø møøk nou lwäär, nou ciil këël ka abïïe moge na näk oraany japa en dëëtge na reyø.