Wëëlö Mana Göör Pøølli Baŋ Jø Röm 12:8 - Wëël Jwøk

⁸ Ni ŋato wëëk köömmö man kööm jiy, wär jiy köömme. Ni ŋato wëëk muuy man muu jammi, wär muue ki bäth ec. Ni ŋato wëëk nyuunhnhö man nyuunh jiy ki luup, wär jiy nyuunhnhe ki cwïnye bäre. Ni ŋato wëëk køny man kunye, wär kunye ni yie met.

Wëëlö Mana Göör Pøølli Baŋ Jø Röm 12:8 Iomraidhean Croise

Wïlöölö 18:19

Kiper ena jiera, nee obwöre moe këël nyïïkwaaye mo ööi køøre nee pwönynye ki man caathge køør dwøra, a na Wuuö Jwøk, ni ge bëëdö ka bëëtö mo beer, ni ge tïïya tïïe ma adïëri; kiper nee gïna buua jï Eeberam nee tïïa jïre.»

Pwöc Leec Wïc 22:9

Ŋat wø nyooth mëër jï jiy wø di gwïëdhö, kiper man wø cïpe ri cam mare jï ŋat mo can.

Luup Dïpööy 11:6

Piith köödhi moï ka amöölla, ni ba øc dëërï piny ki man pïïdhï ka abøøya thuwø, kiper kuyï ki man näk mo pïïdhö marï thura kare ka amöölla wala abøøya, wala kwörögø tïmö ni beyø bëët kiperï.

Luup Dïpööy 9:10

Gïn wäro magï ki cerï ki man tïïyï gø put tïïc ki cwïnyï bäre; kiper bäŋ acaare, wala kwänynyö wala leec wïc ki tïïc mo di tïïö këët kar bëët jwïëc jøøa no othøw noo ciï yie.

Aydheea 32:5

'Ba ŋat mo wïïe ba leer ba cwøl këët ni bëëtö mare beer, ni ö ŋat mo bëëtö mare ba tiir ni ba købi ni bëëtö mare tiir.

Aydheea 32:8

'Ba ŋat mo bëëtö mare beer, acaare moe beyø, ni cuŋŋe ni teek ki køør acaare moe na beyø.

Aydheea 64:5

Ïïni, ï ööa kuna kønyï jø wø yïthge met ki tïï jammi ma karge, ki jø wø paac wïthge ki uutjïëthe moï. Ka adïëri møn, ïïna gootø, kiper waana bääyö; waana bëëdö ni wa temma raay jaak. ?Aŋø, løny ki man piem wa këët ennø?

Mathiew 25:40

«'Ba odwøk nyeya jïge, na ‹Adïëri møn, a cäänna uuni, ni gïna tïïyu jï dhaanhø aciel mo thiinhnha kare dï moi na nyïïmera ii, gïnögø tïïyu jïra.›

Moa Tïïc Nyïïatwieli 11:23

'Ba na pïïe ni neen gïna tägö ki køør met yi Jwøk, yie amïnnö. Ni pwöny geni bëët døøc ki man bëëtge ni cwïnyge ena køør Wuuö, ni cwïnyge ege maa ni teek.

Moa Tïïc Nyïïatwieli 13:12

Kanyøgø kwäärö ajïëy ni ŋäädhe kanya neen gïna tägö. Kiper yie arëëm ki pwöc Wuuö.

Moa Tïïc Nyïïatwieli 13:15

'Ba køøre na kwaan ciik Jwøk ki mo nyïïkuk Jwøk, kwääri mo øt acooŋ lam ajääk baŋge, ni köge, «Nyïïmera, ni näk jïïu da luubö mo dou købø jï jiy, caannu.»

Moa Tïïc Nyïïatwieli 15:32

'Ba Juudac ki Cayla na näk nyïïkuk Jwøk thuwø, nyïïmëëe acäänge ki luup mo thööth ni cømge cwïnyge.

Moa Tïïc Nyïïatwieli 20:2

'Ba na nø caath kwörögø bëët ni cøma cwïny jiy døøc, ena ci po jø Gïrïïk.

Moa Tïïc Nyïïatwieli 20:28

'Ba kawaane gwøgu rou, ni gwøgu pïïth bäre, pïïdha cïp Jwïëc Jwøki na en kur keere ceŋŋu ni uuna dïkuye, na acooŋ Jwøk na joode ki køør remme caammu.

Moa Tïïc Nyïïatwieli 4:36

Kaawat manøgø thuwø, da dhaanhø ma nyï tuuŋ Libay mo käla Caypara, mo cwøl ni Jocep, mo nyeŋŋe ocak nyïïatwieli ni Barnaba, na näk tiere beeye O Cøm-cwïny.

Wëëlö Mana Göör Pøølli Baŋ Jø Röm 12:13

Nywaagu japu ki jø Jwøk mo wø can, ni bëëdu nou pänhnha jiy.

Wëëlö Mana Göör Pøølli Baŋ Jø Röm 13:6

Ni beeye tier manøgø thuwø ni wø cïpu ka ajwäk. Kiper jøøa näk ocuumö ge tïnynya Jwøk, ni beeye tïïögø kiree ni neetge.

1 Körin 12:28

'Ba Jwøk aröönyö ki jiy ya acooŋ Jwøk. Dïkwøŋ beege nyïïatwieli, rietge beege nyïïkuk Jwøk, dääge beege dïpööye, køøre beege jø wø tïïc gïï mo rëëma ec, køøre ki muuy mar riem täwe, ki dïkunynye, ki dïnyuuthe, ki jøøa wëëk teek ki man cäänge ki teeŋ dhøgi møøk.

1 Körin 14:3

'Ba løøk maya, ŋat wø køp dwør Jwøk, cäänna jiy ni wëëga ge tëënnö, ni cøma cwïnyge, ni cøga geni.

2 Körin 1:12

'Ba atöör marwa beeye en, kiper ŋäcwa ki cwïnywa ni waana bëëdö pinyi en ki bëëtö mana en kur keere na käl baŋ Jwøk, ni bäŋ atade yie, ni kadha bëëtö mana beetwa nyïmmu. Ni bëëtö marwa ba käl ri riek waŋ mar pinyi en, 'ba käla ri met yi Jwøk.

2 Körin 11:3

'Ba aana lwäyö ni wïthu di maaŋŋø ni weyu mëër mana näk adïëri ni en cwïnynyu kiper Krictø, kaawat mana tïïc thwölli ki riek waŋe na ööe ni cøøk Iip.

2 Körin 8:12

Kiper ni näk cwïny dhaanhø tar ki man cïpe, ojïëö kaawat mano nut cere, ni eni ba pëënynyi ki gïno tøør cere.

2 Körin 9:11

Uuni, uuno kwär ki yïth jammi bëët nee yïthu bänhge døc ki muuc, man wø käl dwøk met ec jï Jwøk ki køørwa.

2 Körin 9:13

Kiper tïïögø nyootha bëëtö maru, ki man näk mo uuno tïmö nou jiema Jwøk ki køør mana leŋŋu luumma nyään na met mar Krictø na jïëyu, ki man cïpu ki muuce mo thööth ki bäth ec kiperge ki jø møga bëët,

2 Körin 9:7

'Ba ŋati man nø, wär cïpe ki mano näk ee cooŋø ki cwïnye, ni ba cwiigi, wala eni mak ka teek. Kiper Jwøk wø mëër ka ŋat wø cïpi ki met cwïny.

Epeca 6:5

U na laaŋe, leŋŋu dööt jøø ni bëënnu pinyi en ki cwïnynyu bäre nou lwäär ni dëëtu kwanynyi, kede tïïyu jï Krictø.

Tiet Ciik 15:14

'Ba wär mooc ki met ec ri dïëk ki ri beel ki ri kwøk nyïïomøki, kaawat mana ö Wuuö Jwøki na gwïëth uuni.

Tiet Ciik 16:11

Ni mïn yïthu nyïm Wuuö Jwøk na näk Jwøu, yi kanyo jier Wuuö Jwøki na näk Jwøu noo caa ri nyeŋŋe, ni beeye uuni ki wäätu ki nyïïu, ki jø tïïc mou moa näk cwøw ki moa näk mään, ki jø tuuŋ Libay, ki wëëlle moa path, ki kïïe, ki määr thuunhnhi mo bëëdö ka uuni.

Köløcia 3:22

U na laaŋe, leŋŋu luup jøø ni bëënnu piny en ki yïth jammi bëët. Ni ba tïïyu kaper man wø neet uuni nou døøya yïth jiy mo met. 'Ba tïïu ni cwïnynyu leer, nou lwäära Wuuö.

1 Thecalönika 2:3

Kiper köömmö marwa mana köömwa uuni ki gø paa mar cwøk, wala gïn mo käla raay, wala gïn mo tïïc ka atade.

1 Thecalönika 2:8

'Ba kiper mana mëërwa ki uuni døc, yïthwa met ki man nywaaø luumma nyään na met mar Jwøk ki uuni na aciel. Ni patha luum Jwøk keere, 'ba këël dëëtwa kiree, kiper uuna tïmö ni peru leth jïwa døc.

1 Timöthi 4:13

Kwaan wëël Jwøk nyïm jiy bëët, ni køpï luum Jwøk, ni pööï këël mano ööa.

1 Timöthi 5:17

'Ba jaak acooŋ Jwøk moø ni tïïö døc yøø, wär tïmge na jiy mo di wøørø døøc, ni letha per jøø no oööl røk yøø ki køp luum Jwøk ki pwöc.

1 Timöthi 6:18

'Ba ge doo tïïya tïïe mo beyø, ni tïm kønynyi ni päl jïge, ni ceŋge jööt ki muuc, ni cwïnyge piew ki køny.

Ibaru 10:25

ni ba wiiø røømmø kar acooŋ Jwøk, kaawat man wø tïïc jø møga, 'ba cømø cwïnynyø kaa man ŋäyu gøøni enø ni cäŋ Wuuö Jwøk kare acäännö.

Ibaru 13:17

Leŋŋu dööt jø wø bwøth uuni, ni jïëyu geni. Kiper ge koora jwïëyu, ni ŋäcge ni beege noo pëënynyi ki gïïa tïïcge. Beerra man wëëgu geni tïïc gïnögø ni yïthge met, ni cwïnyge ba peek. Kiper ni näk ma enøgønø tïmö ni bäŋ gïn mo beer mo kwanynyu.

Ibaru 13:22

'Ba nyïïmera, a kwaya uuni ki man cegu ïthu ki luumma köömma uuni ki gø, kaawat mana göönna baŋu ki luubö mo ciek en.

Ibaru 13:24

Määthu jø wø bwøth uuni, ki jø Jwøk bëët. 'Ba uuna määth jøøa käl yi ŋööm Itali.

Ibaru 13:7

Lääŋŋu jøøa bwøth uuni, jøøa caan luum Jwøk jïïu. Caarru bëëtö marge këël aŋuunne, ni ŋwaallu ŋäädhe marge.