Wëëlö Mana Göör Pøølli Baŋ Jø Röm 12:7 - Wëël Jwøk

⁷ 'Ba ni näk beeye tïïc man tïny jø møøk na wëëk øøni, beerra man tïnynyø ge. Ni ŋato wëëk pwöc, wär pööe.

Wëëlö Mana Göör Pøølli Baŋ Jø Röm 12:7 Iomraidhean Croise

Luup Dïpööy 12:9

Dïpööy kär ŋuudö ki man bëëde ni leerra wïïe keere, 'ba eni, jiy apwönynye thuwø ki luup leec wïc, ni cäde ni määnye ni jiiŋ pwöc leec wïc mo thööth.

Aydheea 21:8

Køøre ŋat koor acwötö ni dwøre ee tïŋ maal, ni kööe, «Wui kwäärö mara, ki yi cäŋ cooth a bëëdö naa cuŋŋö kar koor mara, ki yïth wärre cooth thuwø, a bëëdö kar koor mara.

Mathiew 28:19

Kiper manøgønø, cou ni tïïyu wïth juurre mo bäät piny bëët na bääŋi 'moa, ni lwøgu geni na nyuudhi ki nyeŋ Wuuö, ki Wäädö, ki Jwïëc Jwøk na en kur keere.

Jøøn 3:2

Ŋatøgø aö baŋ Jecu ki wäär ni kööe jïre, ni «Dïpööy, ŋäcwa ni ïïna dïpööy mo käla baŋ Jwøk, kiper bäŋ dhaanhø mo doo maara tïïö ki ŋïïce moøgø ni wø tïïyï yøø, ni näk Jwøk tøør buute.»

Moa Tïïc Nyïïatwieli 13:1

'Ba kanyøgø ya acooŋ Jwøk mana en Antïëk da nyïïkuk Jwøk ki dïpööye, ni beege Barnaba ki Cimien ni wø cwøl ni Najer, ki Lucia ŋat ma nyï Cayriin, ki Manien na piith po kwäärö ma Eerat, ki Cøøl.

Moa Tïïc Nyïïatwieli 20:20

Ni kära lwäyö ki man køba jammi bëët jïïu moa doo beyø kiperu ki man wïnynyu gø. Ni pwönynya uuni nyïm jiy bëët, ni cäŋa pöö naa cøøa yi ødi nø ki ødi nø,

Moa Tïïc Nyïïatwieli 20:28

'Ba kawaane gwøgu rou, ni gwøgu pïïth bäre, pïïdha cïp Jwïëc Jwøki na en kur keere ceŋŋu ni uuna dïkuye, na acooŋ Jwøk na joode ki køør remme caammu.

Moa Tïïc Nyïïatwieli 6:1

'Ba yïth nïrögø kanya ö bääŋi na meetge rege, jø Juuth moa näk odhoom na jø Gïrïïk gena tïmö ni ge ŋurö ki nyeŋ jø Ibaru, kiper määr thuunhnhi moge atïmö ni di kääŋö ki jammi mo wø pääŋŋi ki yïth nïne bëët.

1 Körin 12:28

'Ba Jwøk aröönyö ki jiy ya acooŋ Jwøk. Dïkwøŋ beege nyïïatwieli, rietge beege nyïïkuk Jwøk, dääge beege dïpööye, køøre beege jø wø tïïc gïï mo rëëma ec, køøre ki muuy mar riem täwe, ki dïkunynye, ki dïnyuuthe, ki jøøa wëëk teek ki man cäänge ki teeŋ dhøgi møøk.

1 Körin 12:5

Ni da jïëth køny ma teeŋi, 'ba poot na Wuuö aciel.

1 Körin 14:26

?'Ba agïnaŋø noo tïïø nø, nyïïmera? Kany wø dwätu kanya ciel, ni ŋat mør jïre da duut, ni dhaanhø mør jïre da pwöc, ni dhaanhø mør da gïn mo onyoodhø jïre, ni maya cäänö ka dhøk mør, wala da luubö mo di dwøgø, wär japøgø bëët tïïc nou wëëga acooŋ Jwøk tëënnö.

Galeecia 6:6

'Ba ŋat wø pwönynyi ki luum Jwøk, wär jape na beyø bëët nywaae ki ŋat wø pöö.

Epeca 4:11

'Ba muuce moe moa cïbe beeye ki man tïm jø møøki na nyïïatwieli, ni tïm jø møøki na nyïïkuk Jwøk, ni tïm jø møøki na jø wø køp luum Jwøk, ni tïm jø møøki na dïkwääc jiy ki dïpööye,

Tiet Ciik 33:10

Jø tuuŋ Libay nyïïkwaac Jeekap opwönyge ki luup ŋøl moï, ï na Wuuö Jwøk, ni pwönyge ge na jø Icriel ki ciik moï. Ge wø cïpö ki gïn wø jïye ŋwääi ni met jïrï, ï na Wuuö Jwøk, ni cïpge ko olämme jïrï mo wø waaŋ bäre bäät gïn wø cïp olämme bääte.

Köløcia 4:17

Ni caannu gø jï Arcipa, ni «Beerra man thöörï tïïc mana cïp Wuuö jïrï.»

1 Timöthi 2:7

Ni beeye gïna jier aani kipere, naa tïma naa køpa luum Jwøk, ni näga nyïïatwiel, ni aana dïpööy jï juurre, ki man pwönynya geni ki ŋäädhe ka adïëri. 'Ba a caana adïëri, naa ba caan tööt.

1 Timöthi 3:2

'Ba ŋat wø raŋ acooŋ Jwøk doo tïmö na dhaanhø mo bäŋ gïn mo jøøŋŋi ri bëëtö mare, mo cïïe aciel, ni ree ee mänö ki raay, ni wïïe leer, ni eno rømø ki wøør, na ŋat mo pänhnha wëëlle, ni ŋäc pwöc,

1 Timöthi 4:16

Gwøk riï ki pwöc marï ni putï gø ŋäc, kiper noo tïïï na enøgønø dëërï okønyï ki jøw owïny moï.

1 Timöthi 5:17

'Ba jaak acooŋ Jwøk moø ni tïïö døc yøø, wär tïmge na jiy mo di wøørø døøc, ni letha per jøø no oööl røk yøø ki køp luum Jwøk ki pwöc.

2 Timöthi 2:2

'Ba mana wïnynyï baŋa buut jøøa thööth na wïny gø, wär wëëk jiy mo iï ŋäädhö mo maara lønyø jïge ki man pwönyge jiy møøk thuwø.

2 Timöthi 2:24

'Ba laŋ Wuuö ba doo tïmö na ŋat wëëye, 'ba eni doo mwöl jï jiy bëët, na dïpööy mo ŋäc pwöc, ni cwïnye ee cïp piny,

2 Timöthi 4:2

ki man køpï luum Jwøk cooth ki cwïnyï bäre, kany wø näk ma kare, ki kany wø näk mo patha kare, niï cøga jiy, ni joogï geni, ni köömmï ge, ni pwöc marï ba weyï, niï ba jøøm.

1 Camiel 12:23

Këël aani thuwø, a poot bëëdö naa lämö kiperu, ni ba løny ki man wiia lam, naa ba bääya dëër Wuuö Jwøk; uuni, u poot pwönynya pwönynyö ki man ŋäyu gïna beer ni caathu jöö mo tiir.