Wëëlö Mana Göör Pøølli Baŋ Jø Röm 12:3 - Wëël Jwøk

³ 'Ba a cäänna uuni u bëët ki køør met yi Jwøk na wëëk aani, nee bäŋe dhaanhø dïïu mo caar dëëre ni eno kadhø ni kaala mana dee caarø. 'Ba ŋati man nø wïïe wär caare døøc no orømø ki ŋäädhe mana wëëk Jwøki eni.

Wëëlö Mana Göör Pøølli Baŋ Jø Röm 12:3 Iomraidhean Croise

Pwöc Leec Wïc 25:27

Patha gïn mo beer ki man cam maar kïc ni päl, ni patha gïn mo beer ki man many wödö kiper dëël.

Pwöc Leec Wïc 26:12

?Dhaanhø mo köö ni wïïe leer ki jïre ajootï? Da ŋäädhe mo thiinh kiper ŋat mo wïïe känni ni kaala teeŋ ŋatøgø.

Luup Dïpööy 7:16

Kär beer marï kaathï, ni ba kaathï leec wïc marï. ?Aŋø, ï raanynyï riï jaak kiper ŋø?

Mikiya 6:8

Wui ï na dhaanhø, Wuuö Jwøk gïna beer anyoodhe jïrï. ?'Ba Wuuö Jwøk agïnaŋø ni manynye baŋï? Beeye ki man ŋølï luup na karge, ki man nyoothï mëër man wø ba jøøl, ki man cäädhï ki Jwøk marï ni riï iï dwøk piny.

Luk 18:11

Kanyøgø ŋat Paricith acuŋŋö ni läm dëëre keere na enøgø, ni kööe, ni ‹Jwøk, ïïna pwøa kiper na ba caala jø møga bëët, na näk dïmute, ki jøøa reyø, ki jø lugi, naa ba caal ŋat ajwäk manøgø.

Jøøn 3:34

'Ba eni na jääŋ Jwøki wø køpa luup Jwøk. Kiper Jwøk Jwïëye bäŋ wø cïbe ni ee rømø.

Wëëlö Mana Göör Pøølli Baŋ Jø Röm 1:5

ŋata jïtwa ki met ec ki køøre ki twiel man tïïcwa jiy nee jïëcge ni ŋääthge, nee nyeŋŋe tïme ni wïnyö dï juurre bëët,

Wëëlö Mana Göör Pøølli Baŋ Jø Röm 11:20

Manøgø adïëri. Gena tuur wøk møn kiper mana kärge jïëy, 'ba ïïni, ï bëëdö karï ka køør ŋäädhe keere. Kiper manøgønø, kärï tïmö niï töödö, 'ba bëëdï niï lwäär.

Wëëlö Mana Göör Pøølli Baŋ Jø Röm 11:25

'Ba nyïïmera, a manynya uuni man ŋäyu gïn en na näk tiere okwøŋ kan, kiper nou ba töödu ni reegø nyeŋŋu. Kiper thäk jø Icriel møøk cwïnyge adøøc mo teek këël mano ci kwään juurre moa wäŋŋi yie.

Wëëlö Mana Göör Pøølli Baŋ Jø Röm 12:16

Bëëdu ki cwïny aciel. Käru tïmö nou töödö, 'ba ŋïïyu ki jø wø can. Ni ba caarru gø ni kadha uuni.

1 Körin 15:10

'Ba beeye met ec mar Jwøk na tïïc aani ni aana dhaanhø en. 'Ba met yie na nyuth aani paa oballe jaak. 'Ba atïmö ni tïïö aani døc naa kaala geni. 'Ba paa aani, 'ba beeye met yi Jwøk ni wø tïïö dëëra.

1 Körin 3:10

'Ba ki køør met yi Jwøk na wëëk aani, tier øtø acaaa keda man wø tïïc kwääc geerri mo ŋäc geer døøc, ni ö dhaanhe maya ni gëët bäät gø. 'Ba ŋati man wïïe wär caare ki geer man gëët bääte nidïï.

1 Körin 7:17

'Ba mana beerra eni keere, ŋati man nø wär bëëde kare kaawat mana cïp Wuue jïre, ki waŋjööra cwøli ya Jwøki ki gø. Manøgø beeye dwøl mara man wø caana jï acook Jwøk bëët.

2 Körin 10:13

'Ba waani, wa ba töödö ka atöör mo okadhø, 'ba wa töödö ka atöör mana wëëk Jwøki waani, ni beeye mano cööp baŋu thuwø.

2 Körin 12:13

?Aŋø, agïnaŋø na tïïc dï acook Jwøk møga, ni kääŋu ki gø? ?Paa mana kära uuni öölö keere? Cïbu cwïnynyu piny ki aani kiper gïnö ni yaa baa enø.

2 Körin 12:7

'Ba kiper naa ba kanynya døc ni kaala kanynyø mana daa kanynyø ki gø kiper gïïa thööth na nyooth jïra, koodhø akïth dëëra na näk nyïïatwiel Ceethan kiper naa ööle, naa ba kanynya døc ni kaala kanynyø mana daa kanynyø ki gø.

Galeecia 6:3

Kiper ŋat wø caar dëëre keere ni kare dwøŋ, ni kare ba dwøŋ, eni cøøga ree keere.

Epeca 3:2

Ni yaa caarø ni tïï met yi Jwøk na wëëk aani kiperu you wïnynyö,

Epeca 3:4

Kiper kanyo kwaannu gïn, nee mana ŋääa kiper gïna näk tiere okwøŋ kan mar Krictø nee ŋäyu,

Epeca 4:16

ni beeye eni ni wø ö dëëlli bäre wø piidhe ki ree ni tëënne ki ri mëër, dëëra näk okupö ni dwäte na aciel ki køør mut na kïth dëëre, kany wø ö thääŋö man nø wø tïïc kuna näk mare.

Pilipay 2:13

Kiper beeye Jwøk ni wø tïïö cwïnynyu, ni mooya uuni ki teek ki man tïïyu moe na met yie ki ge.

Köløcia 1:29

Ni beeye ni ööla døc ki tïïc en, naa tïïö ka ki køør teek mare bäre, keda man tïïe cwïnya ki teege en.

Köløcia 2:13

'Ba u na näk othøw yïth gïïa dhallu, ni mo dëëtu paa odaŋø, uuna tïïc Jwøki nou kwøw ki eni na aciel, ni wec moa dhalø bëët,

1 Timöthi 1:14

Ni ö met eci mar Kwääyø ni tïme ni päl bääta, ki ŋäädhe ki mëër na en jï Krictø Jecu.

1 Timöthi 2:15

'Ba dhaagø okøny thuwø kiper mana nywøl jiy, ni näk eni puta bëëtö ri ŋäädhe ki mëër, ni ena kur keere, ni mwöl.

1 Timöthi 2:9

'Ba mään thuwø, doo käära abïïe mo orømø ki bëëtö mo beer ni patha mo atöör, ni wøp marge man døøcge dëëtge mo mïërö patha dwøc wïc, wala käär warkey, wala käär tii mo beyø, ki gïï mo ŋeew ka jammi mo thööth.

Tayta 2:12

ni wø pwöny øøni ni wiiø gïïa ba en jöör Jwøk ki gïïa reyø ni wø many cwïnynyø, nee ø bëëdø ni dëëtø yøø mänö ki raay, ni marø beer, ni bëëtö marø pinyi en ena jöör Jwøk,

Tayta 2:2

Ni köömmï jäle nee bëëtge mëëth, ni rege ege wøørø, ni ge ŋäc cäänö ni wïthge leer, ni geno jïëy ni ŋääthge møn, ni ge mëër, ni ge bëëdö ni teek karge.

Tayta 2:4

kiper nee määrögø ni therø yøø nee pwönyge ki man mëërge ki cwøwge ki nyïïge,

Tayta 2:6

Ni köömmï wøpe na enøgønø thuwø, nee dëëtge mänge ki raay.

Jeemeth 4:6

'Ba eni wø cïpö ki met ec mo päl. Ni beeye ni wø caan, ni «Jwøk män ka jø atöör, 'ba met ec wø wëëge jøøa mwöl.»

1 Piter 1:13

Kiper manøgønø, caarru wïthu døøc ni magu wïthu, ni ŋääthu met ec ki cwïnynyu bäre, mano jootu yi cäŋo nyooth Jecu Krictø yie.

1 Piter 4:11

'Ba noo näk da ŋat mo cäänö, wär cääne ni ena dhaanhø mo køpa luup Jwøk. Ni ŋat wäro tïny jø møøk wär tïïe ni ena dhaanhø mo tïïö ka teek man wø cïp Jwøki, kiper nee Jwøk jiem ki yïth jammi bëët ki køør Jecu Krictø. 'Ba ajiem ki rööny en jïre, këël na bäre bäre. Enøgønø.

1 Piter 4:7

'Ba aŋuun jammi bëët kare acäännö. Bëëdu ni wïthu leer, ni koorru dëëtu ni lämu.

1 Piter 5:5

'Ba u ni therø thuwø, leŋŋu luup jaak acooŋ Jwøk. Bëëdu nou mwöl ki røgu keeru karubëët, kiper Jwøk män ka jø atöör, 'ba met ec wø wëëge jøøa mwöl.

1 Piter 5:8

Koorru dëëtu, ni bëëdu ni nyeŋŋu you jabø. Kiper nyimän maru na näk anägö wïïrö ni caala ŋuu mo jwöŋö, ni eni caya ŋat mo løønye.

3 Jøøn 1:9

'Ba da gïn mo yaa göör baŋ acooŋ Jwøk. 'Ba Dïtaripa, ŋat wø many man cuum dëëre keere, ba many man leŋ dwøra.