2 Käru bëëdö nou caala jø pinyi en këët, 'ba tïmu nou nyärö ki køør mana døøc cwïnynyu mo nyärö, kiper nee mana many Jwøki nee ŋäyu døøc, ki gïn mo beer ma kare man wø jïëc Jwøki.
'Ba ennø, køpu raayu jï Wuuö Jwøk, Jwø kwäyu, ni tïïyu mana manynye, ni kälu dëëtu wøk ki røk juurre mo wø bëëdö yi ŋöömmi, ni kwierru nyïï juurre moa nywømmu.»
Aani, u mooa mooø ki cwïnynyi mo nyärö, ni kïtha dëëtu ki jwïëy mo nyään; cwïnynyi mou na teek na caal kïdi käla wøk dëëtu, ni mooa uuni ki cwïnynyi mo jööm kaamar rïŋö.
Kiper manøgønø, nyïïmera, a kwaya uuni ki køør met yi Jwøk na päl ki man cïpu dëëtu no olämi mo kwøw ni ena kur keere, na gïn wø jïëc Jwøki, ni beeye lam maru ni wø en cwïnynyu.
ni jap nyeŋ mo cwïnynyu kiper nou tïmu nou ŋäya ŋäädhe mana en nyïm mana cwøl u kipere, ni ŋäyu dööŋ olaaw mare na näk ree da ajiem mo bäŋ teeŋe ni wø en jï jø Jwøk,
japa kwøŋu køørge caath na jïëyu ki luum pinyi en, na caathu køør kwääy juuga reyø ni wø jïge da teek yi jamø, ni beeye jwøøgø ni poot tïïö cwïny jø adhala enø.
Kiper manøgø nø, ki mana täge dïcäŋa wïnywa gø yie, bäŋ dïcäŋ aciel mo ewa ŋøl wøk, ni wa ba lämö kiperu, ni wa kwaaya Jwøk nee moa many Jwøki bëët tïme ni ŋäyu ki køør leec wïc ka acaare bëët mo wø en ri Jwïëye,
'Ba uuna määth Epapara ŋata öö ki baŋu, na näk laŋ Krictø Jecu. Eni lääŋŋa uuni cooth ki cwïnye bäre yïth laam moe, nou cuŋŋu ni uuno thur karu, ni moa many Jwøki bëët you kwanyø na adïëri.
øøna pieme, ni paa kiper ni da tïïe mo beyø mo yøø tïïö, 'ba ø pieme ka met yie keere, kanya ööe ni lwøk cwïnynyø ni døøc ge mo nyärö, kanya døøc ge mo nyärö ki ri Jwïëc Jwøk na en kur keere,
'Ba lam mana näk adïëri na näk bäŋ gïn mo raac dëëre nyïm Jwøk na näk Wuuö, beeye ki man gwøk obwöre moa näk kïïe ki määr thuunhnhi ri gïï wø leth wø pïï dëëtge, ki man ö dhaanhe ni män ree ki raac piny.
?Nyie, u ni wø kwier luum Jwøk en, kuyu ni ŋat wø näk nyïïawäädi ki piny, mare män ki Jwøk? Kiper manøgønø, ŋat wø many piny nee tïme na nyawatge, wø tïïya ree ni ena nyimän Jwøk.
Kiper ŋäyu ni uuna wïïl wøk ki yïth uutjïëthe mou ni wø bäŋ gïn duuge jïïu na kwanynyu baŋ kwäyu, nou ba wiil ka teeŋ jap wø ränynyi, teeŋ ka gwel-bïrö wala warkey.
Ni beeye køør gïï ii, na wëëk ø jape na døøŋŋø na perge leth na buue, kiper nou bøthu ki ränynyö ni en piny ni wø ööi ki køør gïïa reyø ni wø nieŋ cwïnynyi køørge, nou tïmu nou nywaaga bëët Jwøk.
'Ba ni näk wïthge ocäŋ maaŋŋø ni bööt geni, køør mana bøthge ki japa doo raany geni piny, ki køør ŋäc mana ŋäcge Kwääyø na näk Pïëmi ma Jecu Krictø, bëëtö mana en cään atïmö ni raaca eni døc ki bëëtö mana dïkwøŋ.
Ni ö thwöra dwøŋ ni lëëŋi piny. Ni beeye thwöra cääŋŋe cøøn, na cwøl na anägö ni näk Ceethan, na näk dïcuuy mar piny bäre. Ena lëëŋ piny, ni ö nyïïatwiet maalli moe ni lëëŋi piny ki eni na aciel.
'Ba eno wøør jø wø bëëdö bäät piny, ni beege jiy bëët moa näk nyeŋge kär göör yi wëël kwøw mar Nyidiel na bëëdö no onää ki kanya poot pinynyi ni kär caa.