Wëëlö Mana Göör Pøølli Baŋ Jø Röm 12:19 - Wëël Jwøk

¹⁹ Omëëya, kär kwöri mou coollu ki dëëtu, 'ba wiiu cer Jwøk kanyo wëëre. Kiper ogöörö, ni «Kö Wuuö Jwøki, ni ‹Cool kwöri beeye mara, ni beeye aani noo cool ge.› »

Wëëlö Mana Göör Pøølli Baŋ Jø Röm 12:19 Iomraidhean Croise

Pwöc Leec Wïc 20:22

Kärï niï köö, ni «Kwör gïna raac na tïïc dëëra coola coolø;» 'ba bëëdï niï koora Wuuö Jwøk; ïïno pieme.

Pwöc Leec Wïc 24:29

Kär niï köö, na «A tïïö dëëre ki gïrpiny kaa mana tïïe dëëra, naa coola gø dëëre ki køør mana tïïe dëëra.»

Jeremaya 51:36

Kiper manøgønø, luumma caan Wuuö Jwøki beeye en, ena köö, ni «Ka adïëri møn, aani, u cwaa cwaaø, ni coola kwör maru na kare. Aani, naam mar Babiløn otaala, ni bäŋe kany jïtge yie ki pïï.

Edhikiel 25:12

«Man beeye luumma caan Kwäärö Wuuö Jwøki, ena köö, ni ‹Kiper mana ö jø Ëdömmi na tïïge ki gïn mo raac dëër dhi øt Juuda ki køør män marge na dwøŋ, ni tïm gïnögø na bääyö bäätge,›

Ciik Kiper Dïlämme 19:18

« ‹Kär kwörï coolï, ni ba bëëdï niï män ki jø pou, 'ba mëërï ki ŋat mør kaawat man wø mëërï ki dëërï. Beeye aani na Wuuö Jwøk.

Mathiew 5:39

'Ba aani, a caana gø jïïu, ni kär kwörï coolï dëër ŋat mo tïïö ki gïn mo raac dëërï. 'Ba ni näk da ŋat mo dhööŋa ïïni ki thääŋ cwïïï, løk thääŋŋï maya jïre thuwø.

Wëëlö Mana Göör Pøølli Baŋ Jø Röm 12:14

Gwïëthu jø wø caan uuni. Gwïëthu geni ni ba ciennu ge.

Wëëlö Mana Göör Pøølli Baŋ Jø Röm 12:17

Kär nou dwøga gïn mo raac jï ŋato caan gïn mo raac dëëtu, 'ba caarru gïno beer ki jï jiy bëët.

Wëëlö Mana Göör Pøølli Baŋ Jø Röm 13:4

Kiper kwäärö ena ŋat tïïc mar Jwøk kiper niï bëënynyï. 'Ba ni näk miï tïïya gïn mo raac, wär lwäärï. Kiper eni opëëllö bäŋ wø kääri jaak. Kiper ena ŋat tïïc mar Jwøk, ŋat wø tïïc ajäla dëër ŋat wø tïïc raay.

Epeca 4:27

ni ba wëënnu anägö ki jöö.

Tiet Ciik 32:35

Cool kwör beeye mara, ni ŋøl luup ena cera. Yi nyïme kanya wäŋŋa ni ge pädhö yie, ge puta pädhö, kiper ränynyö marge kare cäännö, ni ö gïïa lethi na reyø ni laar päth bäätge.›

Tiet Ciik 32:43

«'Ba u na wïth juurre, beerra man mïn yïthu ki jic Wuuö Jwøk bëët, kiper Wuuö Jwøk kwör jiye di coolø, ni cool kwöre dëët nyïïmän moe, ni wëën raay moa tïïc jiy yi ŋöömma cïbe jïge.»

1 Thecalönika 4:6

Ni bäŋe ya dhaanhø mo dhal luummögø, ni tïme ki gïn mo raac dëër coki kiper gïnögø. Kiper Wuuö kwöri wø coole kaper gïïögø bëët, keda mana kwøŋwa u köömmö døøc.

2 Timöthi 4:14

'Ba Alekdhander na näk rëëmmö atïïö dëëra ki gïn mo leth døc. 'Ba moøgø ocool Wuue dëëre.

Ibaru 10:30

Kiper eni na caan gøøni, ni «Cool kwör beeye mara, ni beeye aani noo cool gø,» ŋääø. Ni cäŋ köö, ni «Wuuö Jwøk mar jiye oŋøle.»

1 Camiel 25:26

«'Ba ennø møn, ï na kwäärö mara, a kööŋŋa ŋëët Wuuö Jwøk na kwøw, ki ŋëëtï; kaawat mana ö Wuuö Jwøki na män ïïni ennø nee rem jiy ba kønynyï piny, ni ba coolï kwörï ki dëërï kiree, beerra man ö nyïïmän moï, ni beege jøøa many man tïïge ki gïn mo leth dëërï, ni tïmge kaamar Nabal.

1 Camiel 25:33

Ïïno gwïëth Jwøki kiper acaara marï na beer, ki køør mana mänï aani dïcäŋi ki man kønynya rem jiy piny ki jaak, ni kwöra coola aani ki dëëra kiree.

1 Camiel 26:10

Køøre Deebit acäŋ köö, ni «Ŋëët Wuuö Jwøk na kwøw, ka adïëri møn, Wuuö Jwøk ni wø ŋøl luup, mare oŋøle bäät Cøøl; dïcäŋo thøøe yie opäŋ, ni put thøø, wala eni cøøa baŋ leny ni puti 'näk.

1 Camiel 26:11

Ŋëët Wuuö Jwøk, beerra man tïm kara ni bäär ki man kïtha cera dëër ŋata tïïc Wuuö Jwøki nee wïïe thïïmmi ki maaw; 'ba ennø, beerra man lwørï tøŋ manøgø ni ee cwöth piny wïïe enø, ka agwäy mar pïï, nee ø aaø.»