Wëëlö Mana Göör Pøølli Baŋ Jø Röm 12:16 - Wëël Jwøk

¹⁶ Bëëdu ki cwïny aciel. Käru tïmö nou töödö, 'ba ŋïïyu ki jø wø can. Ni ba caarru gø ni kadha uuni.

Wëëlö Mana Göör Pøølli Baŋ Jø Röm 12:16 Iomraidhean Croise

2 Luup Nyeye 30:12

'Ba cer Jwøk ena bäät jø Juuda thuwø ki man tïïc cwïnyge na aciel, nee luumma ö nyeya ki kwääri na köömge ge ki gø ki køør dwør Wuuö Jwøk nee tïïcge.

Jööp 36:5

«'Ba ka adïëri møn, Jwøk beeye na teek ni bäŋ dhaanhø mo raŋe ni ee taaø; ni teek mare ki man ŋäc tiet jammi opöödhö.

Pwöc Leec Wïc 17:5

Ŋat wø buu ŋat mo can janynya Jwøk na cwääc ŋatøgø, ni ŋat wø yie mïnni ki gïï wø leth ni wø tägi ba kääŋi ka ajäla.

Pwöc Leec Wïc 19:17

Ŋat wø nyooth mëër ni wø cïpi jï jøøa can mooya Wuuö Jwøk; eni cun Wuuö Jwøki cunnö kiper gïna beer na tïïe.

Pwöc Leec Wïc 19:22

Gïn mo cwïny dhaanhø doo ena køøre beeye bëët mëër man wø ba jøøl, ni beerra eni ki man bëët dhaanhe ki can ni kaala man bëëde ni ena twöt.

Pwöc Leec Wïc 19:7

?Ni näk ŋat mo can, nyïïmenni omännö ki eni, a nyïïawäädi moe nø, a bäc kar mo nyïëdi nø ki eni? Këël eni doo rïïŋö køørge ni kwaaya geni, ge bäŋ dee joodø.

Pwöc Leec Wïc 26:12

?Dhaanhø mo köö ni wïïe leer ki jïre ajootï? Da ŋäädhe mo thiinh kiper ŋat mo wïïe känni ni kaala teeŋ ŋatøgø.

Pwöc Leec Wïc 26:5

Dwøk luum ŋat mo wïïe känni no orømø ki luup bøøl moe, nee ba kööe ni wïïe leer ki jïre.

Pwöc Leec Wïc 3:7

Kär niï cädö ni leerra wïïï keerï ki jïrï; lwäär Wuuö Jwøk, ni luuï riï niï kwiera gïïa reyø.

Aydheea 5:21

Otïmö ni leth jï jø wø köö ni leerra wïthge keerge, ni wø car riek waŋ marge keerge.

Jeremaya 32:39

Ni mooa geni ki cwïny aciel ni cääthge ki jöö aciel, nee bëëtge ni ge lwäär ki aani cooth, nee bëëtö marge ki bëëtö mar obwöre moge moo ööi køørge tïme ni beer.

Jeremaya 45:5

?'Ba ï na Baruk, aŋø, ï manynya gø niï bëëdï ni karï dwøŋ? Kär manynyï. Kiper ennø, a na Wuuö Jwøk, da gïn mo leth mo 'käla bäät jiy bëët; 'ba ï wëëga bødhø ki thøø kwöro cäädhï yïthge bëët.» › Luummögø caana Wuuö Jwøki.»

Mathiew 11:5

ni cööye nyeŋge adøø karge, ni ö ŋööte ni cääthge, ni ö jøøa näk dëëtge da dhøøbø ni døø dëëtge karge, ni ö meŋŋe ni wïnyge luup, ni ö jøøa näk othøw ni tïŋ ge maal ki yi thøø, ni ö jøøa canni ni køp luumma nyään na met jïge.

Mathiew 26:11

Kiper jøøa can wø ena dïïu cooth. 'Ba aani, a ba en dïïu cooth.

Luk 14:13

'Ba ni näk mo ï tïmö ki cam jï jiy, cwøl jøøa can, ki jøøa näk dëëtge oränynyö, ki ŋööte, ki cööye.

Luk 6:20

Kanyøgø Jecu alwïthö ni neen jï bääge, ni kööe, «Gwïëth en jïïu, u ni can, kiper buc Jwøk a maru.

Moa Tïïc Nyïïatwieli 4:32

'Ba kanyøgø jøøa näk ojïëy cwïnyge aciel ni jwïëcge aciel, ni bäŋ dhaanhø aciel dïge mo köö ni japa en jïre moe keere. 'Ba geni japge anywaakge na aciel bëët.

Wëëlö Mana Göör Pøølli Baŋ Jø Röm 11:20

Manøgø adïëri. Gena tuur wøk møn kiper mana kärge jïëy, 'ba ïïni, ï bëëdö karï ka køør ŋäädhe keere. Kiper manøgønø, kärï tïmö niï töödö, 'ba bëëdï niï lwäär.

Wëëlö Mana Göör Pøølli Baŋ Jø Röm 11:25

'Ba nyïïmera, a manynya uuni man ŋäyu gïn en na näk tiere okwøŋ kan, kiper nou ba töödu ni reegø nyeŋŋu. Kiper thäk jø Icriel møøk cwïnyge adøøc mo teek këël mano ci kwään juurre moa wäŋŋi yie.

Wëëlö Mana Göör Pøølli Baŋ Jø Röm 12:3

'Ba a cäänna uuni u bëët ki køør met yi Jwøk na wëëk aani, nee bäŋe dhaanhø dïïu mo caar dëëre ni eno kadhø ni kaala mana dee caarø. 'Ba ŋati man nø wïïe wär caare døøc no orømø ki ŋäädhe mana wëëk Jwøki eni.

Wëëlö Mana Göör Pøølli Baŋ Jø Röm 15:5

'Ba Jwøk ni wø cïp tëënnö ki cøm cwïny, uuno wëëk bëëtö ki cwïny aciel ki nyeŋ Krictø Jecu,

Wëëlö Mana Göör Pøølli Baŋ Jø Röm 6:2

Ba doo løny. ?Øøni na näk othøw ni teek raay bäŋgø bäätø këët, øøna døø poodø ni ø bëëdö yïth raay nidïï?

1 Körin 1:10

Nyïïmera, a kwaya uuni ki nyeŋ Kwääyø ma Jecu Krictø, ni jïëyu ki luumma näk aciel karubëët, ni bäŋe apääk yïthakiyu, ni dwallu cwïnynyu na aciel, ki dwøl aciel.

1 Körin 3:18

Kär dee ŋat mo cøøk ree keere. 'Ba ni näk da dhaanhø dïïu mo dëëre ee caarø ni wïïe leer pinyi en, wär eni tïme kaamar bøøl, nee wïïe tïme ni leer na adïëri.

1 Körin 4:10

Waana bøøre kiper nyeŋ Krictø, 'ba uuni, wïthu leer ki kur Krictø. Wa jääk, 'ba u teek. Uuno wøørø, 'ba waano taaø.

1 Körin 6:5

Manøgø caana naa lääa wïthu. ?Aŋø, doo bäŋ dhaanhø aciel dïïu bäre mo wïïe leer ki man ŋøl luum wø tägi yïthakic nyïïmëëe moa näk jø Jwøk?

1 Körin 8:2

'Ba nee da ŋat mo wïïe ee caarø ni da gïn mo ŋääe, eni poot bäŋ gïn mo ŋääe keda mana dee gø ŋääö.

2 Körin 13:11

'Ba ennø, nyïïmera, turu paar nø. Bëëdu ki bëëtö mana beer. Leŋŋu kwac mara. Mëërru ki røgu. 'Ba Jwø wø cïp mëër ki bëët-mëër oen buutu.

Pilipay 1:27

'Ba man caana jïïu keere nø, bëëdu ni bëëtö maru orømø ki luumma nyään na met mar Krictø. Kiper ni näk maa duua baŋu ni neena uuni, wala a ba ö baŋu, nee wïnynya ki man näk mou cuŋŋö nou teek ki cwïny aciel, ni döötu aciel, nou tïïö døc ni dëëtu you maa karubëët, kiper ŋäädhe mar luumma nyään na met.

Pilipay 3:16

'Ba beerra man putø mana nø joodø mak na adïëri.

Pilipay 4:2

A kwaya ï na Yudia, naa kwaya ï na Cintike, ki man dwallu cwïnynyu ki ri Wuuö.

Ibaru 13:5

Bëëdu ni dëëtu you gwøø ki mëëc jammi, ni uuno rømø ki mou na en jïïu. Kiper Jwøk aköö, ni «U ba leeŋa piny, ni ba wiia uuni.»

1 Piter 3:8

'Ba luubö mana dööŋ keere nø, uuni bëët, beerra man dwallu cwïnynyu na aciel, ni bëëdu ni cwïnynyu jööt, ni mëërru ki nyïïmëëe, ni cwïnynyu lïëth ki køny, nou bëëdö nou mwöl.

1 Piter 5:3

Ni ba tïmu ni uuna kwääri bäät jøø ni en ceŋŋu yøø, 'ba bëëdu ni uuna jiy ma wøpe nee bëëtö maru ŋwaal pïïthi.

3 Jøøn 1:9

'Ba da gïn mo yaa göör baŋ acooŋ Jwøk. 'Ba Dïtaripa, ŋat wø many man cuum dëëre keere, ba many man leŋ dwøra.