Wëëlö Mana Göör Pøølli Baŋ Jø Röm 12:11 - Wëël Jwøk

¹¹ Käru jøøm ki tïïu, 'ba bëëdu nou tïnynya Wuuö ni täärnyïmmu leer ki Jwïëc Jwøk ni en cwïnynyu.

Wëëlö Mana Göör Pøølli Baŋ Jø Röm 12:11 Iomraidhean Croise

Bwøth Wøk 5:17

'Ba Peerø aköö, ni «Uuni u jägö, u jägö døc kiree; ni beeye tiere ni kööu enø, ni ‹Wa wec nee wa ciwa kuna cïpwa ko olämme jï Wuuö Jwøk.›

Pwöc Leec Wïc 10:26

Kaawat man wø bëët gïn mo waci ki lak, ki man wø bëët jïrö ki waŋ, gïnögø thuwø caala ŋat mo dëëre leth jï ŋat wø jääŋ gø.

Pwöc Leec Wïc 13:4

Ŋat leth dëël gïï wø pare ni wø en cwïnye køørge ba joode, 'ba ŋat mo rweenhnhi ri tïïc bëëtö mare bëënynyö.

Pwöc Leec Wïc 18:9

Ŋat mo nweenna ceŋŋe ki tïïc, ena nyawat ŋat mo mare aranya.

Pwöc Leec Wïc 22:29

?Dhaanhø mo rëëm tïïc ajootï? Eni wø bëëdö ni tïnynya nyeye, ni eni jiy jaak ba tïnynye.

Pwöc Leec Wïc 31:15

Eni wø laara päny maal ni piny poot cøl, ni jiiŋ cam kiper jic paare, ni cïp kur mään mo wø tïïö jïre.

Luup Dïpööy 9:10

Gïn wäro magï ki cerï ki man tïïyï gø put tïïc ki cwïnyï bäre; kiper bäŋ acaare, wala kwänynyö wala leec wïc ki tïïc mo di tïïö këët kar bëët jwïëc jøøa no othøw noo ciï yie.

Aydheea 56:10

Jø koor mo Icriel gena cööye; bäŋ gïn mo ŋäcge ge bëët. Ge bëët, ge caala guu mo dhøkge orïpö, mo ba løny ki man gucge, ge bëëdö ni geno butö jaak ni marge lääk, ni gena jiy mo yïthge met ka niine,

Mathiew 24:12

'Ba kiper mano tïm rääö ni päl, thööth jiy mëër marge othïnhnhi.

Mathiew 25:26

«'Ba adwøk kwäärö mare jïre, ni ‹Ïïna laŋŋø mo raac mo dëërï leth. Ni näk ŋäyï naa wø kääö kany maa kär kwøŋ pïïdhö yie, ni kääa kany maa kär kwøŋ judö yie,

Moa Tïïc Nyïïatwieli 18:25

ni eno pwönynyö ki jöör Wuuö. 'Ba kiper na en cwïnye køør gø, eni wø cäänö ni pöö ka luum Jecu døøc na karge, këël na ŋäc lwøk mar Jøøn keere na nyuudhi.

Moa Tïïc Nyïïatwieli 20:19

naa tïnynya Wuuö ni dëëra yaa dwøk piny naa jwöŋö, ni jït dëëra ki gïï mo leth ki køør luup moa tuut jø Juuthi bääta.

1 Körin 7:22

Kiper eni na cwøl Wuue ni ena laŋŋø na bëëde, ena tïmö na dhaanhø mo opät Wuue. Kaawat manøgø thuwø, ŋata cwøl na näk bëëdö ka wïïe na bëëde, ena tïmö na laŋ Krictø.

Epeca 4:28

Kär dee kuu mo kwädö këët, 'ba beerra man tïïe ki cere ki tïïc ma adïëri, kiper nee lønye jïre ki man cïpe jï jø wø can.

Köløcia 4:1

U na kwääri, bëëdu ki laaŋe mou na wøpe, ni ba caannu geni, ni ŋäyu gø ni jïïu da Kwäärö maal thuwø.

1 Timöthi 5:13

'Ba ki køør bëëtö manøgø thuwø, ge kwänynyö ki bëëtö jaak, ni tïmge ni ge wïïrö jaak ni ge cøøa paani nø, ni cige paani nø. Ni paa bëëtö jaak keere, 'ba ge tïmö ni gena dïwääc nyeŋŋi, ni ge cøøa yïth luup jø møøk, ni ge cara gïï mo ba mïërö ki man carge ge.

Ibaru 12:28

Kiper manøgønø, beerra man dwøgø pwøc jïre kiper mana jïtø ki bura mo ba maar jäŋŋi, ni tïnynyø Jwøk ni ø tïïya gïï wø mïn yie ki ge, ni ø pwøya eni ni yøø wøørø, ni ø lwäär.

Jeemeth 5:16

Kiper manøgønø, køpu raay mou yïthakiyu keeru, ni lämu kiperu keeru, kiper nee dëëtu wø jöönge. 'Ba lam ŋat mo beer jïre da teek mo dwøŋ døc ki man tïïc jammi ni cööpge karge.

1 Piter 1:22

'Ba na tïme ni cwïnynyu you døøc mo tar kiper mana leŋŋu adïëri ni jït cwïnynyu ki mëëc nyïïmëëe ma adïëri, putu bëëtö nou mëër ki røgu ki cwïnynyu bäre.

1 Piter 4:8

'Ba dï japøgø bëët, ŋäyu mëër man mëërru ki røgu cooth, kiper mëër beeye wø gëëŋ raay mo thööth.

Mana Nyooth 2:4

«'Ba gïna jääla ïïni ki gø en beeye kiper mana weyï mëëyï mana dïkwøŋ.