Wëëlö Mana Göör Pøølli Baŋ Jø Röm 12:1 - Wëël Jwøk

¹ Kiper manøgønø, nyïïmera, a kwaya uuni ki køør met yi Jwøk na päl ki man cïpu dëëtu no olämi mo kwøw ni ena kur keere, na gïn wø jïëc Jwøki, ni beeye lam maru ni wø en cwïnynyu.

Wëëlö Mana Göör Pøølli Baŋ Jø Röm 12:1 Iomraidhean Croise

Aydheea 56:7

ge tïïa tïïö nee öge bäät kïdi mara na en kur keere, ni mooa geni ki met ec yi øt lam mara. Olämme moge mo wø waaŋ, ki muuce moge, di jïëö ki man cïbi bäät gïn wø cïp olämme bääte mara; kiper øtø mara ocwøl ni Øt Lam kiper wïth juurre bëët.»

Jeremaya 6:20

?U na jiya, aperŋø nø ni wø kännu baŋa ki dwøø man wø jïye ŋwääi ni met ki yi Cïïba en? ?Na aperŋø thuwø ni wø kännu baŋa ki luum wø maare ŋwääi ni met ki paac mo kare bäär en? Olämme mou mo wø waaŋ bäre a ba jïëy ki geni, ni yia ba mïnni thuwø ko olämme møøk mo wø cïpu.»

Odheea 14:2

Duu baŋ Wuuö Jwøk, ni kööu jïre, ni «Wëën raay mowa bëët, ni jïëyï waani ki met ec marï, nee wa cïpwa ki pwøc no olämme.

Kwään Jiy 7:21

ni cïpe ki rwaath aciel, ki nywø røømmø aciel, ki nyidiel aciel ma røømmø ma nywøk mo cwiine aciel no olämme mo wø waaŋ bäre;

Luk 7:47

Kiper manøgønø, a caana gø jïrï, ni raaye ni thööth yøø awec, kiper mëër mare okadhø. 'Ba ŋat wø wëënni ki gïn mo thiinh, mëëye thiinh.»

Wëëlö Mana Göör Pøølli Baŋ Jø Röm 12:2

Käru bëëdö nou caala jø pinyi en këët, 'ba tïmu nou nyärö ki køør mana døøc cwïnynyu mo nyärö, kiper nee mana many Jwøki nee ŋäyu døøc, ki gïn mo beer ma kare man wø jïëc Jwøki.

Wëëlö Mana Göör Pøølli Baŋ Jø Röm 15:16

naa tïma naa tïnynya Krictø Jecu jï juurre, naa lama tier luumma nyään na met mar Jwøk, kiper nee juurre cïp na jëëdhi man wø jïëc Jwøki, ni wø en kur keere ki køør Jwïëc Jwøk na en kur keere.

Wëëlö Mana Göör Pøølli Baŋ Jø Röm 15:30

Nyïïmera, a kwaya uuni ki nyeŋ Kwääyø ma Jecu Krictø ki køør mëër mar Jwïëc Jwøk ki man lämu ki aani na aciel karubëët, ni kwaayu Jwøk døc kipera,

Wëëlö Mana Göör Pøølli Baŋ Jø Röm 2:4

?Aŋø, met yi Jwøk na päl na bëëde ni cwïnye ee cïp piny ni ba laar jøømø iï taaø? ?Aŋø, kuyï ni met yi Jwøk beeye kiper nee cwïnyï løgï?

Wëëlö Mana Göör Pøølli Baŋ Jø Röm 6:13

Ni käru nou wëëga thäk dëëtu raay ni gena gïï wø tïïc gïï mo reyø. 'Ba cïpu dëëtu jï Jwøk ni uuna jiy mo okäl wøk ki yi thøø, ni cäŋge kwøw. Ni cïpu thäk dëëtu jï Jwøk na gïï wø tïïc gïï mo beyø.

Wëëlö Mana Göör Pøølli Baŋ Jø Röm 6:16

?Aŋø, kuyu ni ni näk dëëtu you cïbö jï ŋat mør ni uuna laaŋe mo leŋa luupe, u puta tïmö ni uuna laaŋe jï ŋata dwøre leŋŋu? 'Ba ni näk mou leŋa dwør raay, cuŋŋe beeye thøø, 'ba ni näk mou leŋa dwør Jwøk, cuŋŋe beeye bëënynyö.

Wëëlö Mana Göör Pøølli Baŋ Jø Röm 6:19

'Ba man caana en, a cäänö keda man wø caan dhaanhe, kiper mana tïme ni teek jïïu ki man laar ci cwïnynyu. 'Ba kawaane cïpu thäk dëëtu jï gïïa beyø nee tïmge ni ena kur keerge na mo Jwøk, kaawat mana kwøŋu thäk dëëtu cïp jï gïï mo patha adïëri ki rääö mo raac døc.

Wëëlö Mana Göör Pøølli Baŋ Jø Röm 9:23

kiper nee ajiem mare na päl nyoodhe jï gïïo kønye na kwøŋ jiiŋŋø nee ge jiem.

1 Körin 1:10

Nyïïmera, a kwaya uuni ki nyeŋ Kwääyø ma Jecu Krictø, ni jïëyu ki luumma näk aciel karubëët, ni bäŋe apääk yïthakiyu, ni dwallu cwïnynyu na aciel, ki dwøl aciel.

2 Körin 10:1

A na Pøøl ki dëëra, a kwaya uuni ki køør mööl mar Krictø, ki bäth ec mare, ni beeye a ŋat wø døøc dëëra mo mwöl kany wø ena buutu, ni en cerri cwïnya kany wø tøøra.

2 Körin 4:1

Kiper manøgønø, na tïme ni tïïc man ni tïïcwa en, jootwa ka køør met yi Jwøk, cwïnywa ba wëëkwa pädhö.

2 Körin 4:16

Kiper manøgønø, cwïnywa ba pädhi. Këël na näk dëëtwa moi ni wøk ii oränynyö, yïth cwïnywa wø døøya mo nyärö cooth.

2 Körin 5:20

Kiper manøgønø, waana kar dhøk mo Krictø, ni Jwøk jiy wø köömme ka køørwa. Wa kwaaya uuni ki køør Krictø ki man døøu kanya ciel ki Jwøk.

2 Körin 6:1

'Ba waana tïmö ni wa tïïö ka Jwøk na aciel, ni wa köömma uuni nee met yi Jwøk ba jïëyu ki dhøgu jaak.

Epeca 4:1

Kiper manøgønø, a na tööny Wuuö, a kwaya uuni ki man bëëdu ki bëëtö mo orømø ki cwödö mana cwøl uuni kipere,

Epeca 5:10

Ni kwanynyu bëëtö man wø met yi Wuuö ki gø.

Tiet Ciik 14:2

Kiper uuna jiy mo ena kur keerge jï Wuuö Jwøk na näk Jwøu. 'Ba Wuuö Jwøk uuna jiere kiper nou tïmu ni uuna jiy moa näk thööge dï jiy bëët moa en bäät piny.

Pilipay 1:20

Kiper yaa ŋäädhø døc ni wïïa ba doo lää bäre bäre, 'ba cwïnya yaa maa døc kawaane kaawat man wø bëëda cooth, nee Krictø wøør ki dëëra, nee mara kwøw wala thøø.

Pilipay 2:17

'Ba ni näk aano tïmö kaamar ogweea ni køny aani bäät jëëdhi na näk ŋäädhe maru, yia met, ni yïthø met, karøbëët.

Pilipay 4:18

'Ba aana nø jïtö ki muuce baŋu mo thööth døc, ni jäŋa ki muuce moa cïbu cer Eparödaata, na näk caala olämi man wø waaŋ ni ŋwääö ni met, man wø jïëc Jwøki ki gø, ni wø met yie ki gø.

1 Thecalönika 4:1

'Ba nyïïmera, mana dööŋ keere nø, wa kwaya uuni ni wa köömma uuni ki ri Kwäärö ma Jecu, nou bëëdu ki bëëtö mana dou bëëdö ki gøøni, ni tïïyu gïïa met yi Jwøki ki ge, kaawat mana kwanynyu gø baŋwa. Ni putu gø tïïc ni cäätha nyïm kaawat man tïïyu gø enøgø.

1 Thecalönika 4:10

Ni näk adïëri møn, nou wø mëër ki nyïïmëëe bëët moa en dï Macedönia bäre. 'Ba wa köömma uuni, nyïïmera, nee putu tïïc ni cäätha nyïm.

1 Thecalönika 5:12

'Ba nyïïmera, wa kwaya uuni ki man wøørru jøøgø ni tïïö dïïu yøø, ni enu ceŋge ki ri Wuuö, ni jøga uuni.

1 Timöthi 2:3

Ni beeye mana näk wøp na mïërö ki waŋ Jwøk na näk Pïëmi marø,

1 Timöthi 5:4

'Ba ni näk cï thøø jïre da obwöre wala nyïïkwaaye, beerra man kwanyge tïïc mana dege tïïö jï tuuŋge dïkwøŋ ki køør bëët jöör Jwøk, ni kønyge jøøa nywøl ge. Kiper gïnögø beeye gïn mo beer nyïm Jwøk.

Piliman 1:10

A kwaya ïïni kiper wääda ma Onecima, ŋata tïma ni aana wänni yi øt twöc en.

Piliman 1:9

'Ba kiper nyeŋ mëër keere doo beerra mana daa ï kwaa, a na Pøøl, ni aana ŋat dwøŋ, a no otööny Krictø Jecu en.

Ibaru 13:22

'Ba nyïïmera, a kwaya uuni ki man cegu ïthu ki luumma köömma uuni ki gø, kaawat mana göönna baŋu ki luubö mo ciek en.

1 Piter 2:20

?'Ba agïnaŋø noo pwøc uuni kipere, ni näk mo uuno bääyö ni pwöt u kipere, këël na bëëdu ni cwïnynyu you cïp piny? 'Ba ni näk mou tïïya gïn mo beer ni jwørru gïï mo leth kipere ni cwïnynyu you cïp piny, pwøc Jwøk ena bäätu.

1 Piter 2:5

Ni tïmu nou caala kïte mo kwøw, ni uuno geerø ni uuna øt Jwøk, nou tïmu ni uuna dïlämme moa en kur keerge, nou cïpa cwïnynyu na en køør Jwøk jï Jwøk no olämme mo wø jïëc Jwøki ki køør Jecu Krictø.