Wëëlö Mana Göör Pøølli Baŋ Jø Röm 11:4 - Wëël Jwøk

⁴ ?'Ba agïnaŋø na dwøk Jwøki jïre? Ena köö, ni «Jïra da jiy ma kume abïriiø mo yaa gwøø kipera, mo cøŋge kärge këël piny kiper Baal.»

Wëëlö Mana Göör Pøølli Baŋ Jø Röm 11:4 Iomraidhean Croise

1 Nyeye 16:31

'Ba eni, mana bëëde ni eni caatha køør tïïe moa reyø na tïïc Jeröbämmi o Nebat, aneene na gïn mo thiinh, ni cäŋ Jedhebel nyi Ëtbaal nyeny jø Caydan nywømø, ni cøøe ni tïny jwøa cwøl ni Baal ni wøør gø.

1 Nyeye 19:10

Ni kö Ilaaja, ni «Aani, aana këëyö døc kiperï, ï na Wuuö Jwøk, Jwø wïth jammi bëët; kiper jø Icriel luumma tuutï ki geni awecge, ni raanyge gïï wø cïp olämme bäätge moï, ni 'näkge nyïïkuk Jwøk moï ko opëëllö. 'Ba beeye aani keera na dööŋ, ni ge poot manynya jwïëy 'moa nee raanyge.»

1 Nyeye 19:18

'Ba poot da jø Icriel ma kume abïriiø mo cøŋge kärge këël piny nyïm Baal, ni dhøk gïïa no otieŋø no ocaa ri Baal kärge nuumö; geni, ge wiia wiiø bëët.»

Aydheea 4:3

'Ba jiy moo dööŋ yi Dhayan noo bëëdö Jerucalem, ge di cwølø na jiy mo ena kur keerge na mo Jwøk mo nyeŋge ogöör piny kiper kwøw yi Jerucalem.

Jeremaya 19:5

Ni tïïge ki kwör lam jï jwøa cwøl ni Baal, kiper nee wäätge waaŋge no olämme jï Baal, ni beeye gïn mo ge kära köömmö ki man tïïcge gø, na gïn mo kära caanø, na acaac gïnögø bäŋgø mo ö wïïa thuwø.

Odheea 13:1

'Ba kanya wara cään jø dhi øt Ipariem, jiy dëëtge puta tïmö ni kwanynyi; ni ge bëëdö no owøørø dï Icriel. 'Ba gena bääyö ki køør mana lamge jwøa cwøl ni Baal, ni ö thøø bäätge.

Odheea 2:8

Kiper kuue ki man näk mo bee aani ni wø mooc gø ki beel, ki køøŋø mo met, ki maaw, ni wø cïp gwet-bïrö ki warkey ni thööth jaak jïgø, jap wø kønyge dëëtge ki ge ki man jiiŋge jwøge man wø cwøl ni Baal.

Jepaniya 1:4

«Aani cera tïŋa maal bäät jø Juuda ki jiy bëët mo wø bëëdö yi Jerucalem ni raanynya ge. Aani kwör wø lam jwø wø cwøl ni Baal yïthge, ki thäk jiy moa no odööŋ ni lama gø, ge raanynya raanynyø. Ni raanynya dïlämme mo juuga path nee nyeŋge ba wïnynyi këët.

Kwään Jiy 25:3

Ni ö jø Icrielli ni løøge rege baŋ Baal-Pëëgör, na näk jwø jø Möap, ni tïm wëëc Wuuö Jwøki ni päl bäät jø Icriel døc.

Tiet Ciik 4:3

Gïna tïïc Wuuö Jwøki dëët jøøa caath køør jwøa cwøl ni Baal-Pëëgör ri Kïn Baal-Pëëgör ajootu ki nyeŋŋu. Wuuö Jwøk na näk Jwøu jøøgø anääe dïïu.

Pïëmme 2:13

'Ba jø Icriel Wuuö Jwøk awecge ni tïnyge juuga cøøri ni Baal ki Actaröth.