Wëëlö Mana Göör Pøølli Baŋ Jø Röm 11:36 - Wëël Jwøk

³⁶ Kiper beeye eni na ö jammi bëët ki baŋe, ni ööi ka køøre, ni cäätha baŋe. Ajiem en jïre na bäre bäre. Enøgønø.

Wëëlö Mana Göör Pøølli Baŋ Jø Röm 11:36 Iomraidhean Croise

Pwöc Leec Wïc 16:4

Wuuö Jwøk jammi bëët ee cwääö kiper tïïe moge, ni ŋata raac cøøa yi ränynyö cäŋ gïïa leth.

Aydheea 42:12

Beerra man ö geni ni pwøcge Wuuö Jwøk, ni caange ajiem mar gø jï wïth juurre mo wø bëëdö yïth mïëri moa en bäät naama dwøŋ.

Daniel 4:3

A teeŋ dööŋö mo nyïëdi na døøŋ nyuuthe moe ki gø! Naa teeŋ dööŋö mo nyïëdi mar gïïa tïïe na näk rëëma ec! Buc nyec mare beeye bura mo bëëdö na bäre bäre; ni teek mare këëta yïth beenhnhe bëët.

Daniel 4:34

'Ba kanya thum cwiiri moøgø na abïriiø yøø, a na Nabukedenecör, nyeŋŋa ataa maal, ni ö acaara mara ni put duu baŋa, ni ö Jwøa dwøŋŋi ni en maal ni puta gø pwøc, ni wøøra eni, ni jiema eni, eni ni wø bëëdö na bäre bäre. Teek mare bëëdö na bäre bäre, ni buc nyec mare këëta yïth beenhnhe bëët,

Mathiew 6:13

Kär wa bwøth kany mo wa di päänynyö yie, 'ba piem wa cer ŋata raac.›

Luk 19:38

Ni köge, ni «Gwïëth en ri nyenynyi ni ööi en ki nyeŋ Wuuö Jwøk! Bëët-mëër en maal, ni ö ajiemmi ni en maalø bäre!»

Luk 2:14

na «Ajiem en jï Jwøk maalø, ni ö bëët-mëër ni en piny bäät jiy na met yie ki ge.»

Moa Tïïc Nyïïatwieli 17:28

Kiper « ‹beeye eni ni kwøø kipere en, ni cäädhø, ni nudø en,› kaawat mana caani ya lööŋe møøk dïïu, «ni ‹Øøna nyïïe møn.›

Wëëlö Mana Göör Pøølli Baŋ Jø Röm 16:27

Ajiem en jï Jwøk na wïïe leer keere na bäre bäre ki køør Jecu Krictø. Enøgønø.

1 Körin 11:12

Kiper dhaagø cwääc ni käla dëër dïcwøø, ni ö dïcwøø thuwø ni tïme ni nywøla dhaage. Ni jammi bëët ööi ki baŋ Jwøk.

1 Körin 8:6

ki jïïø, beeye Jwøk aciel keere, na näk Wuuö, eni na ö jammi bëët ki baŋe, ni beeye eni ni bëënnø en, ki kwäärö aciel ma Jecu Krictø, ŋata ö jammi bëët ki køøre, ni poot na eni ni tïmø ni ø nut en ki køøre.

Galeecia 1:5

ni beeye na doo jiemø, këël na bäre bäre. Enøgønø.

Epeca 3:21

Ajiem en jïre ki ya acooŋ Jwøk ki ri Krictø Jecu ki yïth beenhnhe bëët këël na bäre bäre. Enøgønø.

Pilipay 4:20

Ajiem en jï Jwøø na näk Wuuö këël na bäre bäre. Enøgønø.

1 Timöthi 1:17

'Ba wödö ka ajiem en jï Nyeny beenhnhe bëët këël na bäre bäre, ŋata näk ba thøw na näk ba neen, ni beeye Jwøk keere. Enøgønø.

1 Timöthi 6:16

eni keere ni wø bëëdö ni ba thøw, ni wø bëëdö yi tayo näk bäŋ ŋat ci buute, eni na näk bäŋ ŋat mo oneen gø, na ba doo maara neen. Ajiem en jïre ki rööny na bäre bäre. Enøgønø.

2 Timöthi 4:18

'Ba Wuuö aano pieme yïth gïïa reyø bëët, ni gwøk aani kiper buye na en maalø. Ajiem en jïre këël na bäre bäre. Enøgønø.

Ibaru 13:21

uuno wëëk gïïa beyø bëët, kiper nee mana manynye tïïyu, ni tïïc gïï wø met yie ki ge yïth cwïnynyø, ki ri Jecu Krictø, ŋat wø en ajiemmi jïre këël na bäre bäre. Enøgønø.

Ibaru 2:10

Kiper orømø jï Jwøk, eni na en jammi bëët jïre, ni ööi ki baŋe, ki man tïïc ŋata bwøth jiy jöör pïëm man piem geni ki gø no othur kare ki køør gïïa leth na jwøre, kanya ö eni na käl nyïïe mo thööth kar ajiem.

1 Piter 4:11

'Ba noo näk da ŋat mo cäänö, wär cääne ni ena dhaanhø mo køpa luup Jwøk. Ni ŋat wäro tïny jø møøk wär tïïe ni ena dhaanhø mo tïïö ka teek man wø cïp Jwøki, kiper nee Jwøk jiem ki yïth jammi bëët ki køør Jecu Krictø. 'Ba ajiem ki rööny en jïre, këël na bäre bäre. Enøgønø.

1 Piter 5:11

'Ba teek oen jïre këël na bäre bäre. Enøgønø.

2 Piter 3:18

'Ba cääthu nyïm nou ŋäya met ec ki ŋäc man ŋäyu Kwääyø na näk Pïëmi ma Jecu Krictø. 'Ba ajiem en jïre en nø, këël na bäre bäre. Enøgønø.

Juut 1:25

'Ba ajiem, ki rööny, ki teek, ki cuum, opoot en jïre, eni na Jwøa näk aciel enø, na näk Pïëmi marø, ki ri Jecu Krictø na näk Kwääyø, ki mana täge cøøn, këël ennø, këël na bäre bäre. Enøgønø.

Mana Nyooth 19:1

Køør gïïögøøni dwøl mør mo päl awïnynya maalø mo keda dwør lwaak mo päl, ni ge köö, ni «Alëluya! Pïëm man piem jiy ki gø, ka ajiem, ki teek, beege mo Jwøk marø.

Mana Nyooth 21:6

Ni kööe jïra, na «Aløny nø. Aana Alpa ni näga Omëëga, ŋata nut wïlöölö ni näga cuŋŋe. 'Ba jø wø dëëtge da riew omooa ki pïï mo ba ŋeew mo käla yi jøøro mar pï kwøw.

Mana Nyooth 7:10

Ni köökge ki dwøl mo päl, ni «Pïëm man piem jiy ki gø, en jï Jwøø, eni ni en bäät wälu en, ki Nyidiel.»

Mana Nyooth 7:12

ni köge, ni «Enøgønø. Pwøc ka ajiem ki leec wïc, ki dwøk met ec, ki wödö, ki teek, ki dööŋ-kar, en jï Jwøø këël na bäre bäre. Enøgønø.»