Wëëlö Mana Göör Pøølli Baŋ Jø Röm 11:25 - Wëël Jwøk

²⁵ 'Ba nyïïmera, a manynya uuni man ŋäyu gïn en na näk tiere okwøŋ kan, kiper nou ba töödu ni reegø nyeŋŋu. Kiper thäk jø Icriel møøk cwïnyge adøøc mo teek këël mano ci kwään juurre moa wäŋŋi yie.

Wëëlö Mana Göör Pøølli Baŋ Jø Röm 11:25 Iomraidhean Croise

Dut Pwøc 127:1

Pwöc Leec Wïc 26:12

?Dhaanhø mo köö ni wïïe leer ki jïre ajootï? Da ŋäädhe mo thiinh kiper ŋat mo wïïe känni ni kaala teeŋ ŋatøgø.

Pwöc Leec Wïc 26:16

Ŋat leth dëël ki jïre ni leerra wïïe keere ni kaala jiy abïriiø mo luup wø dwøkge ni ege caarø.

Aydheea 5:21

Otïmö ni leth jï jø wø köö ni leerra wïthge keerge, ni wø car riek waŋ marge keerge.

Odheea 14:9

Ni näk da ŋat mo wïïe leer, beerra man kwany tiet jammi moi; ni näk da ŋat mo tiet luup ŋääe, beerra man ŋäc ge, kiper jïëthe mo Wuuö Jwøk thïïŋ, ni jø wø marge beer wø cäädhö ki yïthge, 'ba jø wø tïïc raay ge pädhö yïthge.

Mathiew 13:11

Ni dwøk gø jïge, ni «Beeye uuni na wëëk ŋäc tiet luup moa näk tietge okwøŋ kan kiper buya käl maal. 'Ba jø møga, tier gïnögø kär cïbö jïge nee ŋäcge.

Luk 21:24

ni 'näk geni ko opëëlle, ni peec geni dï mïëri bëët. 'Ba Jerucalem onyak juurre ni macge gø, këël mano ö kwör juurre moa wäŋŋi noo thurge karge.

Jøøn 10:16

'Ba jïra da dïëk møøk mo tøør ri pïïth man. 'Ba geni käla kälö thuwø, ni wïnyge dwøra. Køøre geno tïmö na pïïth aciel ki dïkwääy aciel.

Wëëlö Mana Göör Pøølli Baŋ Jø Röm 1:13

Jaay, nyïïmera, a caya uuni man ŋäyu gø na a wø caya man ööa baŋu cooth, 'ba a poot di gëëŋŋö. 'Ba gïna daa ö baŋu kipere beeye kiper nee luum Jwøk thur kare dïïu, kaawat mana kwøŋa tïïc dï juurre møga.

Wëëlö Mana Göör Pøølli Baŋ Jø Röm 11:12

'Ba ni näk dhal luubö marge beeye na käl kwärö jï jø piny, ni kääŋö marge beeye na käl kwärö jï juurre, a teeŋ kwärö mo nyïëdi nø kanyo duu geni yie!

Wëëlö Mana Göör Pøølli Baŋ Jø Röm 11:24

'Ba ni näk miï ŋul wøk ka dëër jaath paap ni rap ïïni ri jaadha näk opiidhø paac na gïn mo bäŋ wø tïïc, jööt døc kiree ki man cäŋ bäät jaadha näk opiidhø paac rap ri jaadha kälge ree.

Wëëlö Mana Göör Pøølli Baŋ Jø Röm 12:16

Bëëdu ki cwïny aciel. Käru tïmö nou töödö, 'ba ŋïïyu ki jø wø can. Ni ba caarru gø ni kadha uuni.

Wëëlö Mana Göör Pøølli Baŋ Jø Röm 16:25

Pwøc en jï ŋat wø løny jïre ki man wëëk u tëënnö ki køør luumma nyään na met ni wø køba, ni beeye luum Jecu Krictø, kaawat mana nyooth ri gïna näk tiere okwøŋ kan ki kany mo bäär,

Wëëlö Mana Göör Pøølli Baŋ Jø Röm 9:18

Kiper manøgønø, eni wø kønya ŋat wø kønye kaa mana manynye, ni ŋat wø cwïny gø døøc mo teek, wø døøye mo teek kaawat mana manynye.

1 Körin 10:1

Nyïïmera, a manynya uuni man ŋäyu gø, ni kwäyø akwøŋ en tier pöölö, ni ŋølge naama dwøŋ bëët,

1 Körin 12:1

'Ba ennø, nyïïmera, a ba many man bëëdu ni muuce mo Jwïëc Jwøk kuyu.

1 Körin 2:7

'Ba wa wø caana leec wï Jwøk mana kuc na näk okanø, na näk ocooŋ Jwøki ki cwïnye ni piny poot kär cwääö kiper nee ø mooc ka ajiem.

1 Körin 4:1

'Ba man en beeye mana doo caar dhaanhe kiperwa, ni waana jø wø tïny Krictø, na näk jøøa wëëk tïïe mo Jwøk na näk ee kwøŋ kan.

Epeca 1:9

'Ba mana manynye na näk ee kwøŋ kan anyuth øøni, kaawat mana kwøŋ gø cooŋ ki cwïnye ni tïïe ka ri Krictø.

Epeca 3:9

nee jiy bëët wëëga neen tïï gïna näk tiere okwøŋ Jwøki kan cwïnye cøøn, eni na cwääc jammi bëët,

Epeca 4:18

Kiper bäŋ gïn kwanyge, ni ge tøør ri kwøw mar Jwøk kiper na bäŋe gïn mo ŋäcge ki køør mana teek cwïnyge.

2 Piter 3:8

'Ba u no omëëya, kär wïthu wïl ki gïn na aciel en, ki jï Wuuö dïcäŋ aciel keda cwiiri ma kuma, ni cwiiri ma kuma keda dïcäŋ aciel.

Mana Nyooth 1:20

'Ba luum ceer moa na abïriiø na jootï cer cwïïa, ki lambae moa näk abïriiø na näk warkey, ni beege japa näk tietge okwøŋ kan, tiere beeye en. Ceer moøgø karge bïriet gena nyïïatwiet acook Jwøk karge bïriedi. 'Ba lambae karge bïriet beege acook Jwøk karge bïriedi.»

Mana Nyooth 10:7

'ba gïna näk tiere okwøŋ Jwøki kan doo wëëga thur kare yïth nïro ö bïriet nyïïatwiel maalli noo kooth tuuŋ, keda mana caan gø jï laage ma nyïïkuk Jwøk.»

Mana Nyooth 11:15

Ni ö bïriet nyïïatwiet maalli ni kooth tuuŋ mare. Ni jït maalli ki dööti mo døøŋŋø, mo cäänö, ni «Buc piny atïmö na buc Kwääyø ma Jwøk, eni ki Krictø na røønye. 'Ba eno bëënni këël na bäre bäre.»

Mana Nyooth 7:9

Køør gïïögø aana nëënnö, ni jooda lwaak mo päl døc, mo bäŋ ŋat mo maar lønyø jïre ki man kwaan geni, ni ööi ki yïth mïëri bëët, ki røk tuŋi bëët, ki røk jiy bëët, ki teeŋ dhøgi bëët, ni ge cuŋŋa nyïm wälu ki nyïm Nyidiel, ni geno ruyö ka abïïe mo tar, ni ceŋge da bäät twöe.